venres, 15 de febreiro de 2019

O COLE DE SEIXO MOLA MOGOLLÓN....

Relacionando o 
Día Mundial da Radio 

coa inminente 
XORNADA DE PORTAS ABERTAS 
que vai ter lugar no noso cole, os nenos e nenas quixeron gravar Na Voz de Arnaldo un programa para dar difusión e facer publicidade de todo canto bo temos no noso centro,
Non volo perdades!!!
PORQUE O COLE DE SEIXO...
 MOLA MOGOLLÓN!!!

DECLARACIÓN DOS DEREITOS DA INFANCIA

Con motivo do DÍA MUNDIAL DA RADIO e aproveitando o lema escollido para esta ocasión: DIÁLOGO, TOLERANCIA e PAZ

dende o Cole de Seixo os nenos e nenas estiveron facendo un pequeno programiña de radio 
no que gravaron Na Voz de Arnaldo os dereitos da Infancia.
Deixámosvos por aquí o enlace ao traballo que se fixo:

ENTREVISTA A CÁRITAS SAN TOMÉ E AMENAC MARÍN

Amiguiños!
O pasado día 13 de febreiro, con motivo do DÍA MUNDIAL DA RADIO, visitaron a Voz de Arnaldo unha representación do alumnado de 6º de primaria (Silvia e Xoel) para entrevistar a Aurita, Mª Teresa e Marta.
Este traballo nace da recente colaboración, do noso cole con estas asociacións, na I CARREIRA SOLIDARIA "CORRE CON ARNALDO" con motivo do DÍA DA PAZ na que se xuntaron kgs de cacao en polvo para seren doados ás persoas e familias que máis o necesitan.
Deixámosvos por aquí o audio desta entrevista. Vale a pena escoitala para aprender moitas cousas acerca da labor que desempeñan estas mulleres voluntarias.



Gracias Aurita, Marta e María Teresa por vir compartir con nós este anaco de tempo tan agradable!

xoves, 14 de febreiro de 2019

RADIOS ESCOLARES NO DÍA DA RADIO

Como xa vos contamos, onte, día 13 de febreiro celebrouse o DÍA DA RADIO e grazas á REDE ESPORA, dende a nosa radio: A voz de Arnaldo, participamos nun proxecto con difusión mundial que conecta Biblioteca, Radio, Tolerancia, Paz e Diálogo.

Se queredes ver o evento xeral do que se fixo eco a UNESCO premede na seguinte imaxe:
Tamén na web de ESPORA podedes ler máis sobre este fantástico proxecto conxunto de diferentes radios escolares. Premede na imaxe para acceder ao enlace.
Aquí vos deixamos o podcast cos fantástica gravación que fixeron diferentes locutoras en representación das súas radios para dar voz ás NOVAS QUE QUEREMOS!
Prestade moita atención e descubriredes que alumno ou alumna de 4º de primaria fixo de portavoz do Cole de Seixo!!!
Seredes capaces de adiviñar de quén se trata?

AGARDAMOS QUE VOS GUSTE!

mércores, 13 de febreiro de 2019

UNHA NOVA ETAPA NA VOZ DE ARNALDO

Este pasado luns arrancaba no noso cole unha nova etapa da nosa radio, a radio do Cole de Seixo, A VOZ DE ARNALDO.
Unha radio inaugurada pola REDE ESPORA no ano 2016 
e que agora, gracias ao proxecto RADIO NA BIBLIO de BIBLIOTECAS ESCOLARES

recibe un grande impulso e unha forte dose de enerxía para continuar o seu camiño.
Os profesores do cole estiveron recibindo unha xornada de formación a cargo de Javier Prado, membro do programa Rede Espora:
Foi todo un éxito, contáronme que aprenderon un montón e que elaboraron un pequeno programa de radio como proba. Deixámovolo por aquí, esperemos que vos guste! Ollo que vos vai abrir o apetito!




(PICADE NAS IMAXES)

O seguinte paso será formar aos nosos nenos e nenas para que sexan eles os verdadeiros protagonistas da nosa VOZ DE ARNALDO.
Queremos compartir con vós a nosa canle de radio en IVOOX, picade na imaxe e atoparedes moi bos traballos do alumnado.
Son moitas as novidades que nos esperan, estade moi atentos porque as iredes descubrindo ao longo do curso.

CAMBIO NO HORARIO DA BIBLIOTECA

Moi bos días a todxs! Hoxe traio unha noticia para todas as familias do noso cole de Seixo!
Prestade moita atención porque se achegan cambios na nosa BIBLIOTECA!


OPINANDO SOBRE A VOZ DE ARNALDO

Boas amiguiños!
Os nenos e nenas de 5º de primaria pasaron pola VOZ DE ARNALDO para compartir un anaquiño de tempo conmigo e celebrarmos xuntos o Día Mundial da Radio, adicado este ano á TOLERANCIA, DIÁLOGO e PAZ. E que mellor forma de dialogar todos xuntos que dando a nosa opinión sobre a radio do noso cole.
Por aquí vos deixamos as gravacións que fixeron para que as poidades escoitar e saber si estades de acordo, si compartides con eles as mesmas opinións....