DÍA DA BICICLETA

 Como parte do proxecto RqueR quixemos celebrar, de xeito especial, o día da bicicleta, por ser un medio de transporte que coida do noso planeta e do noso corpo!! Grazas á axuda da Policia Local de Marín desfrutamos dunha xornada moi especial, e dende ese día algúns nenos viñeron en bici ao cole, esperamos que se animen máis. Este verán... todos a rodar!!!

#EUSONCICLISTA

O alumnado de 5º e 6º tivemos unha charla sobre seguridade vial para ciclistas. 

O Presidente da federación galega de ciclismo, e o Presidente do club ciclista de Marín explicaron moitas cousas prácticas. Pero tamén viñeron dous ciclistas.

Delio Fernández Cruz que é un ciclista profesional español, nacido en Moaña. Actualmente corre para o equipo francés de categoría Profesional Continental o Delko Marseille Provence KTM. En categorías inferiores destacou como ciclista de ciclocross, chegando a participar nos mundiais da especialidade. En categoría Sub23 pasouse definitivamente ao ciclismo na estrada obtendo algúns postos de mérito que lle valeron para dar o salto ao profesionalismo.

Tamén estivo con nós a ciclista marinense sub23 do Marín-Ottoman: Irene Trabazo. É unha das promesas máis firmes do ciclocross galego. Domina con solvencia a Copa Galicia de Ciclocross, onde gañou as cinco carreiras que disputou este tempada, a pesar de contar con só 19 anos. Este ano participou na copa do mundo.

Ensináronnos as medidas de seguirdade máis importantes para os ciclistas.

Déronnos unha guía para os ciclistas con medidas de protección

Falamos sobre a importancia de que os ciclistas tamén respeten as sinais. 

Fixémoslles moitas preguntas.

Delio contounos cousas curiosas da súa vida e dociclismo: velocidades, por qué a ropa éceñida, a importancia do traballo en equipo....

Un pracer coñecervos e aprender máis sobre seguridade sobre rodas. 

OS RAPACES DE 6º NA XORNADA DE EDUCACIÓN VIAL.

Nós tivemos a sorte de poder conducir karts, de facer soar as sirenas e dar ordes coa megafonía dos coches e...ensináronnos como inmovilizan a un sospeitoso dun delito e como poñer as esposas!! ¿Queredes ver algunhas das fotos deste día?

Educación Vial 6º Primaria

OS NENOS E NEAS DE 3º E A EDUCACIÓN VIAL.

Os nenos/as de 3º de Primaria tamén o pasamos en grande neste día. Acodimos ao cole coas nosas bicis e cascos e ademais de aprender a camiñar con seguridade, respectando aos demais condutores e peóns, puidemos aprender como fai Protección Civil para apagar un pequeno lume e, por suposto, fixemos soar as sirenas e dimos avisos cos megáfonos dos coches.
Mirade que ben o pasamos!!!

Educación Vial 3º Primaria. by Slidely Slideshow

OS NENOS DE INFANTIL E A SEGURIDADE VIAL.

Por fin!! Aquí tedes unha pequena presentación dos nenos e nenas de 4 e 5 anos na xornada de Educación Vial que tivemos no cole. Ademais de aprender a movernos con seguridade, como peóns e condutores, puidemos aprender como facer para dar avisos e facer que soen as sirenas do coche da Policía Local de Marín. Como nos gustou esa parte...mirade que caras!!!.

EDUCACIÓN VIAL. RECURSOS PARA NENOS E NENAS DE 6 A 11 ANOS.

Recomendámosvos o Recuncho de Lectura da Fundación Mapfre para nenos de 6 a 11 anos, no que podedes descargar algúns dos libros que recomendan.
Ademais teredes xogos, actividades e vídeos; e un enlace a diferentes recursos para nenos e nenas de 3 a 5 anos!

CONTOS, XOGOS, E MOITO MÁIS DE EDUCACIÓN VIAL.

Como sabedes, hai  uns días, tivemos no cole unha xornada de Educación Vial para os nenos de Infantil (4 e 5 anos) e 3º e 6º de Primaria. Aprendimos, xogamos e divertímonos moito e, queremos deixarvos uns enlaces especiais... de Seguridade Vial. 
En Aprende Educación Vial, do Goberno de España e DXT, atoparedes contos, contos audiovisuais, xogos interactivos e actividades que podedes imprimir.
Se premedes na imaxe, iredes directos aos recursos.

Nestoutro enlace, tamén do Ministerio do Interior e da DXT, atoparedes á Ra Renata coa que aprenderedes a moverse con seguridade... co conto "La araña Malena" e diferentes xogos moi divertidos. 

Animádesvos? Premede na imaxe.

Como o conto non se reproduce ben, tédelo aquí...porque non volo podedes perder!!

CONDUTORES E PEÓNS NO PATIO DO COLEXIO!

O mércores 29, o alumnado de Infantil (4 e 5 anos) e os nenos de 3º e 6º de Primaria tivemos unha xornada de Educación Vial, contando cunha clase teórica... e sí, tamén práctica.
O circuito itinerante, a actividade que todos os nenos e nenas estabamos esperando, incluía sinais verticais e no chan, rotonda, pasos de peóns e ata semáforos.
A actividade, proposta pola Policía Local de Marín, ten como obxectivo interiorizar as normas de convivencia e respecto necesarias para garantir a nosa seguridade, sexa como condutores ou como peóns.

O alumnado de 6º Primaria tivemos a oportunidade de probar o circuito, con karts!

 Os nenos e nenas de 3º Primaria acudimos preparados, coas nosas bicicletas e cascos. 

E para os de Infantil, houbo bicicletas, patinetes e triciclos.

Temos máis cousas que contar deste día, pero será proximamente.