BASURALEZA PARA COIDAR A TERRA

O 24 de abril foi o DÍA DA TERRA e este ano, que estamos RqueR, quixemos facer unha acción conxunta especial, na que nos involucramos todo o alumnado e o profesorado. Para coidar a terra temos que comezar polo que temos máis cerca, así que as brigadas recicladoras saímos con moitas ganas a limpar o entorno do cole.

O alumnado de infantil encargouse de limpar as carballeiras máis próximas ao cole, esforzáronse un montón por non deixar nin un papel no chan e remataron compartindo un pícnic moi merecido.

   

O alumnado de primaria dividiuse en dous grupos: 1º, 2º e 3º encargáronse de limpar a ruta das Avesadas, e o alumnado de 4º, 5º e 6º a ruta da Bexa. Fixeron un gran traballo e encheron moitos sacos de lixo, ata recolleron mobles que estaban tirados en medio das rutas!

 

Un gran traballo dos SUPER ERRES!!!

AS ÁRBORES SENLLEIRAS DO RÍO LOIRA

Como sabedes, no último consello de nenos decidiuse facer un escrito, á consellería de medio ambiente, apoiando a candidatura de dúas árbores do río Loira no catálogo de árbores senlleiras (singulares) de Galicia.

Un amieiro (ou ameneiro) e un eucalipto robusta. Podedes ler máis premendo AQUI.

No consello tamén se decidiu facer saídas para coñecer en directo as árbores, e o tempo primaveral permitiunos facer unhas andainas marabillosas polo río Loira. 

Animádevos todos, porque temos un tesouro aquí en Seixo!!

Deixámosvos vídeos das diferentes saídas... cando os vexades non poderedes resistir a chamada do río!!

O alumnado de 3 anos de paseo polo río Loira:

O alumnado de 4 anos:

O alumnado de 5 anos:

O alumnado de 1º de primaria:

 

O alumnado de 2º e 4º de primaria:

O alumnado de 3º de primaria:

O alumnado de 5º de primaria:

O alumnado de 6º de primaria:

CONSELLO DE NENAS E NENOS URXENTE

A semana pasada reuniuse o consello de nenas e nenos cunha convocatoria urxente.

A primeira hora recibimos unha convocatoria en clase... había que falar un tema urxente e importante! Así que nos xuntamos todos para escoitar algo que nos tiñan que contar.

No DOGA, que é un sitio onde se publican leis e anuncios importantes da Xunta de Galicia, publicouse o nome de 2 árbores para ver si os expertos deciden que deben formar parte da guía de árbores senlleiras de Galicia, que é una guía de árbores destacadas e importantes.

Estas dúas árbores están en Marín, na localidade de Seixo, moi cerquiña do cole, na ribeira do río Loira. Unha é un Eucalipto robusta e a outra é un amieiro (ou ameneiro, en castelán aliso).

No cole de Seixo temos moi cerquiña o río Loira e queremos que lle dean o valor que merece pola flora tan especial que ten, por iso sería moi bo darlle, a estas árbores, a importancia que teñen.

Despois de debatir, preguntar e dar a nosa opinión, fixemos unha votación e todos estivemos de acordo en apoiar a candidatura destas árbores facendo un escrito de parte do alumnado (os profes tamén fixeron un).

Os membros do consello de nenos explicamos nas aulas o alí falado, e non houbo dúbidas: os nenos e nenas de Seixo apoian as árbores do río Loira! 

O alumnado de 6º, por decisión do consello de nenos, elaborou o escrito. Enviámolo á consellería de medio ambiente, firmado por todo o alumnado (de 3 anos a 6º de primaria). Tamén lles enviamos a acta do consello de nenos e fotos das saídas.

DÍA DA ÁRBORE 2022

Non hai mellor plan para celebrar o día da árbore que plantar árbores!!!

O alumnado de 6ºEP plantamos tres arbores froiteiras e un arbusto froiteiro. Pero non pensedes que plantar é chegar e encher... hai un proceso detrás.

Plantexamos o emprazamento, tendo en conta o sol o espazo preciso para medrar, despois, coa sacha, sacho e pá fixemos os ocos para meter os cepellóns, xa case rematamos a tarefa. 

Chegou o momento do rego, o equipo coordinou o esforzo. Plantar e regar en equipo é mellor e divertido.

Mandarinas, mazas, nectarinas e frambuesa... xa temos para unha macedonia!

Grazas, unha vez máis, a Uxia que nos asesorou en todo o que tiñamos que valorar antes de comezar e mostrou maestría no uso das ferramentas. Agora queda estar pendentes do vento e do rego, esperamos que medren e dean froita para todos.

ANDAINAS DE OUTONO (INFANTIL e 4º)

Continuamos coas andainas dentro do proxecto Voz Natura.

Os nenos e nenas de infantil foron uns campións, sobre todo os de 3 anos, que a un mes de empezar no cole xa se lanzaron a ir de picnic: desfrutaron un montón!!!

Tamén o alumnado de 4º saiu de roteiro para coñecer mellor o contorno do cole, observando a natureza e os cambios do outono, ademais de aproveitar para traballar a seguridade vial.

ARRANCAN AS ANDAINAS!!

 A semana pasada comezamos as andainas que este ano faremos durante todo o curso. O alumnado de 1º, 2º e 3º foi o que inaugurou esta actividade que tanto nos gustou e que xa temos ganas de repetir. 

Este curso entramos dentro do proxecto VOZ NATURA e seguiremos, aínda con máis ganas, facendo cousas polo medio ambiente. Un dos retos das nosas andainas por Seixo é limpar a natureza: e tivemos moito traballo! Levamos unhas mochilas-contedores do máis chulo, e recollemos tanto lixo que quedamos sen bolsas para levalo! Chegamos ao cole con ganas de limpar máis o noso contorno: queremos deixar Seixo relucinte!! 

MISIÓN ALBA

O alumnado de 5º e 6º comezaron a...

MISIÓN ALBA

Trátase de un traballo experimental e grupal que se vai desenvolver en tres fases. Logo virán as reflexións e argumentacións para concluir o primeiro reto.

Por aquí vos deixamos unha pequena montaxe con todo o proceso que levaron a cabo estas dúas clases...

A aventura continuará!

O CORPO HUMANO

As nenas e nenos de sexto estiveron traballando con un proxecto de aula moi interesente chamado...

O CORPO HUMANO

Froito dun traballo excepcional saíron unhas maquetas extraordinarias que o resto dos nenos e nenas do cole fomos uns afortunados porque pudiemos desfrutar delas...

Despois de teren traballado o tema fixeron obradoiros nos que nos explicaron todo o que estiveron traballando e no que aprendemos moitísimo....

Moitísimas gracias por ter compartido con nós esta clase de ciencias naturais...

Noraboa rapaces de 6º!

AS ÁRBORES DO COLE

Seguimos recordando actividades do curso pasado, algunhas daa cales, coma esta, non serían posibles sen a colaboración das familias.

Nesta ocasión os nenos e nenas de 1º e 2º recibiron a visita de Uxía, a mamá de Lúa e Fuco.

Ela sabe moito de árbores, de plantas... é unha amante da natureza que o contaxía en todo o que di.

Ensinounos as árbores do cole aproveitando que temos un patio precioso e moi variado. Nos fixamos especialmente nas follas que son moi diferentes. Con moito coidado fixemos unha recollida de follas diferentes que despois clasificamos, debuxamos e identificamos a que árbore pertencían. Ademais aprendermos a secar as follas para facer un herbario. 

Grazas Uxía, unha vez máis, por compartir tantas cousas interesantes con nós.

Somos moi afortunados coas familias que temos... e nos encanta aprender cousas novas, así que animádevos: estades todos convidados a visitarnos!!

 

OS DE 1º E 2º DE EXCURSIÓN A BAROSA

Igual que os de INFANTIL, os de 1º e 2º de primaria tamén visitamos o parque natural de ría Barosa.

Chegamos moi emocionados á muiñada e fixemos unha foto ao lado da fervenza.

Despois fomos ver os 3 muíños: miramos o seu funcionamento e as partes que o compoñen. Vimos como a fariña que caía máis preto da moa, a máis espesa chámase óleo e destínase a comida para bebés, a máis afastada e fina se peneira para limpala e facer pan. Tamén vimos un forno de pedra semicircular onde asaban o que facían, e os instrumentos que usaban para limpalo e sacar o que asaban. 

Peneiramos a fariña para que quedase limpa. Despois fomos ver distintos tipos de sementes e puidemos tócalas. A continuación subimos a ver un muíño de cable a través dun cristal no chan. 

Merendamos magdalenas e zume e tamén chocolate 

Por último estivemos co panadeiro que nos ensinou a facer masa e amasar. Regalounos a cada un un bolo de pan que levamos para a casa. 

Foi un día de moita calor pero alí non se notaba,estivemos moi fresquiños e desfrutamón un montón.

Excursión 1º e 2º: Ría Barosa by Slidely Slideshow

DÍA DAS CLASES AO AIRE LIBRE

O xoves 18 de maio, os nenos e nenas de 3 e 4 anos, e os de 4º de primaria quixemos participar de forma especial no día das clases ao aire libre: que é unha proposta educativa que quere fomentar a aprendizaxe activa fóra das clases como recurso fundamental no desenvolvemento infantil. 

Por iso collemos un bus, financiado pola comunidade de montes de Santomé (grazas!!!) para disfrutar dunha mañá diferente na que puidemos aprender moitar cousas ao aire libre.

Fixemos un pequeno viaxe en autobús ata Lagocheiras, cerca de monte Faro, onde nos esperaba Elena da ANPA que nos levou á casa da comunidade de Montes de Santomé... que é chulísima!

Con Gaspar fomos todos xuntos a ver a Mámoa do Outeiro dos Monos. Contounos para que eran, e tamén nos contou divertidas historias sobre piratas da zona e os tesouros. 

Despois de facer un pouco de sendeirismo e xogos ao aire libre, tarde volvemos e fixemos unaha pequena plantación: 

- Fresno 

- Rododendrum Arboreum (Flor vermella) 

- Rododendrum Ponticum (Flor lila) 

Ademais Gaspar explicounos varias cousas interesantes sobre a plantación, por exemplo como teñen que estar as raíces para plantar. 

Despois a ANPA convidounos a merendar deliciosos bocatas, melón e sandía. 

Aquí vos deixamos un resumo fotográfico desta fermosa mañá na que disfrutamos un montón e aprendemos moitas cousas sobre a natureza e como debemos coidala neste mundo que queremos ver sempre verde! 

Sen dúbida... fora das aulas tamén podemos aprender un montón, ademais: 

- Mellora as habilidades sociais. 

- Mellora a resolución de problemas. 

- Fomenta o traballo en equipo. 

- É divertidísimo e adictivo!

PASEO POLO LAGO DE CASTIÑEIRAS

Para completar a charla que tivemos no cole con Gaspar (o pai de Fuco e Lúa), os da clase de 4 anos e os de 2º ciclo, fixemos unha visita ao Lago de Castiñeiras para ver en directo moitas das cousas das que nos falara.

Primeiro separámonos e fixemos por grupos unha pequena ruta polo Lago. Mentres os de primaria estábamos con Gaspar, os de 4 anos aproveitaron moi ben o tempo. Podedes premer AQUÍ e iredes directos ao seu blog para ver o ben que o pasaron.

Despois xuntámonos para coñecer algunhas mámoas do lago, e rematamos a mañá plantando 6 árbores. Mirade un resumo en fotos.

 

Aquí tendes unha foto de cada un dos equipos que plantamos as árbores, 6 arces que irán medrando e dando sombra no Lago de Castiñeiras.

Damos moitas grazas a Gaspar por ser tan didáctico e divertido, e tamén á Fundación Lago de Castiñeiras (formada por varias catro comunidades de montes de Marín e Vilaboa: Santomé, San Xulián, Vilaboa e Santa Cristina), por organizar esta actividade e subvencionar o autobús que nos levou ata o Lago.