SEIXO CHEO DE LIBROS

Seixo cheo de vida... e de libros!! Celebramos o día do libro compartindo lecturas e desfrutando xuntos do noso patio.

ABRIL DOS LIBROS

Ola amigos e amigas da casa de Arnaldo:

Dende o Día do Libro ata o Día das Letras Galegas estámonos a xuntar na biblioteca na Hora de Ler. "AGORA CONTA TI" é unha actividade na que alumnos e alumnas,  de xeito voluntario, contan un conto a outros compis.

Esta semana tocoulle o turno a:

- Laura, Daniela e Yaiza, de 3º, que nos contaron: "Adivina cuanto te quiero"

- Eva e Clara de 4º con: "Pepita es especial"

- Alumnos e alumnas de 4 anos: "La oruga glotona"

Aquí  tendes unha mostra do ben que o fixeron.

ERRE QUE ERRE NA SEMANA DO LIBRO

Unha das semanas máis especiais do ano é a semana dos libros, e, un ano máis, desfrutámola a tope.

Ademais das actividades que se fixeron en cada aula, fixemos dúas, para todo o alumnado, que foron moi especiais. 

Unha delas xurdiu pensando como facer que fose unha semana RqueR. A proposta consistía en buscar libros que tiñamos na casa aos que xa non lle facíamos moito caso e darlles unha nova vida facendo un amigo invisible. Todos trouxemos libros, empaquetados con xornais e papeis vellos, e todos levamos un libro para casa. Moitos libros comezaron unha segunda vida!!!

E por fin, cun curso que comezou sen restricións, puidemos volver a facer o apadriñamento lector que tanto desfrutamos, no que os maiores contaron contos aos pequenos e xuntos fixeron ilustracións. Foi unha actividade preciosa nun marco marabilloso como é o noso patio. Somos moi afortunados.

 

TEÑO UN LIBRO PARA TI!!

Partindo da actividade da radio: "Teño unha canción para ti", que é unha das nosas favoritas, deseñamos " Teño un libro para ti".

En vez de elixir unha canción, eliximos un libro para o compañeiro ou compañeira que nos tocou nun sorteo. Aproveitamos os libros expurgados da nosa biblio e polo tanto, moitos ían viaxar as nosas casas.

Tiñamos moitas cousas que facer e a toma de decisións levounos moito tempo pero cando, por fin, chegamos á acordos, puxémonos a traballar:

Caixa para o sorteo.

Papeletas co noso nome e clase.

Letras para o título da actividade:

Libros para regalar

Envoltorio reciclado dos libros:

Lugar para a exposición, datas do sorteo, elección de libros para os compañeiros, recollida do noso agasallo... Queredes ver todo o traballo que fixemos?

O mellor? Cando rematamos todos tiñamos un agasallo para levar !!

Un libro e un marcapáxinas

Que ben o pasamos!!!!

NOVOS LIBROS XOGOS E REVISTAS

Que sorte temos na casa de Arnaldo, non paran de chegar libros, xogos e revistas!!!

Hugo, Alberto e Pablo son os encargados de presentar todas estas novidades que xa están na nosa biblioteca.

Moitas grazas ós tres por colaborar coa nosa biblio!!!

FELIZ DÍA DO LIBRO

Feliz día do libro! Cantos nos gusta esta celebración! E non atopamos mellor forma de celebrala que rodearnos de libros.

Nestes 50 anos, que leva funcionando o cole de Seixo, os libros sempre tiveron un sitio especial, e dende fai moitos anos faise un gran esforzo para ir ampliando (non so fisicamente) e mellorando a biblioteca, porque os mestres do cole estaban e estamos convencidos, que ler fainos libres e abre moitas portas (a da imaxinación, a da creatividade, a da cultura, a do saber, a da diversión, a da curiosidade...)

Por suposto a colección de libros cambia cada ano, e facer expurgo é algo necesario para ter libros atractivos que motiven ao alumnado. Pero os libros teñen moitas vidas, e iso é o que fixemos este ano co proxecto: TEÑO UN LIBRO PARA TI.

Despois de facer unha clasificación por idades, todos os nenos e nenas do cole elixiron un libro para outro compañeiro e despois fixemos obradoiros de empaquetado (reciclando a tope!). Xa vos ensinaremos o proceso, pero hoxe deixámosvos un adianto do resultado: o cole cheo de agasallos, todos fermosísimos... sen dúbida o luns será un gran día cheo de sorpresas e emocións! (mirade este vídeo a ver si atopades o voso libro!!)

   

AS RECOMENDACIÓNS LECTORAS DE 4º DE PRIMARIA

Nunha das actvidades arredor do Día do libro atopámonos con esta interesante actividade que nos propoñen as nenas e nenos de...

Nun traballo previo sobre o que debe incluír unha recomendación lectora traballamos os títulos dos libros, as autoras e autores, breves resumos, opinións persoais e o porqué de cada recomendación...

Por aquí vos deixamos...

POLO DÍA DO LIBRO: ROSES FOR YOU!!

Os nenos e nenas de 1º, 2º e 3º fixeron actividades do máis primaveral polo día do libro. Estaban fascinados coas rosas do patio e a teacher Fátima contoulles a tradición de San Jordi na que se agasalla un libro e unha flor polo día do libro. Para non arrancar as do patio fixeron unhas de papel para regalar e así xurdiu: Roses for you.

Ademais, os nenos e nenas de primeiro e segundo ilustraron o seu libro favorito e fixeron un mural coas súas recomendacións.

Os de terceiro tamén fixeron un mural con recomendacións lectoras pero con fotos lendo en familia: cantos momentos chulos vivimos cos contos!!

Neste vídeo podedes ver máis fotos destas actividades:

Con flores ou sen elas... 

nunca deixedes de compartir lecturas!!

UNHA SAÍDA ESPECIAL: CONTO E CONSELLIÑOS

Bos días a todos e todas! 

Hoxe é un día especial e por iso queríamos compartir o seguinte conto con vós!

Este é un novo conto do 

"lobo con cara de bobo" 

para preparar a saída á rúa...

Algúns podedes ter medo a saír, outros nos sabedes exactamente que é o que vos ides atopar...

Este pequeno conto pódevos axudar... xa que ides atopar un panorama algo diferente ao que xa coñecedes.

PINCHADE NA IMAXE 

E A DESFRUTAR...!

Gracias Beatriz Costo por este conto super chulo!

Ideas, textos e Ilustracións: Beatriz Costo

Música: Carlos Rodríguez y Anna Badía

Arreglos musicales: Carlos Rodríguez

Tamén queremos compartirvos esta guía...

Unha guía de boas prácticas nestas saídas que comezan hoxe e que o Goberno de España a través do Ministerio de Saúde ben de facer públicas.

REIVINDICACIÓNS POLO DÍA DO LIBRO

Os profes do cole participaron nunha actividade proposta por Bibliotecas Escolares de Galicia e que mellor data que a de hoxe para compartilo con todas e todos vós...

Neste día do libro estraño e diferente queremos reivindicar:

- O LIBRO que nos acompaña máis que nunca, que nos illa, que nos emancipa, que nos libera, nos atrapa, nos sacude, que nos remove, que nos fai poñer os pés na terra e que nos permite viaxar.

- OS AUTORES E AUTORAS: traballadoras e traballadores que nos agasallan con momentos de liberdade absolutos, Non permitamos que as súas creacións perdan valor nunha liquidación dixital.

- AS LIBRARÍAS: espazos máxicos e misteriosos nos que vovleremos a perdernos, que nos acollen, que nos aconsellan e que nos sorprenden. Que coñecen as nosas necesidades, as dos nosos alumnos e alumnas e as necesidades das nosas bibliotecas.

Máis que nunca precisamos saber onde estamos e cara onde imos...

Máis que nunca precisamos da lectura!

Queremos agradecer ao Equipo da Asesoría de Bibliotecas Escolares de Galicia por tan fantástica iniciativa e por tan boa reflexión que aquí quixemos lembrar e compartir coa nosa comunidade!

FELIZ DÍA DO LIBRO

Moi boas a todos!

Hoxe é un día moi especial, hoxe celebramos....

O DÍA DO LIBRO

No seguinte vídeo queremos presentarvos as recomendacións que nos enviástedes ao longo de todos estes días... moitísimas gracias pola vosa participación!
Tan axiña como volvamos ao cole os libros da nosa biblio estarán repletos de códigos QR coas vosas gravacións!

Prestade moita atención e desfrutade con todas as lecturas que vos queren compartir!

Estade ben atentos ao longo de todos estes días porque iremos vendo contos moi chulos que Arnaldo estivo recibindo...
Ides desfrutar moitísimo!!!

FELIZ DÍA DA TERRA

Moia boas amiguiñas/os:

Hoxe celébrase o "Día da Terra" e dende o cole queremos compartir con vós esta celebración...

Deixámosvos por aquí esta canción que estamos seguros de que a vades a cantar moi pero que moi ben...

E compartimos tamén un conto...

de Eva Clemente narrado por Amaia Del Campo. Desfrutade del!

Feliz día a todas e todos!

FIN DE FESTA CORRELINGUA 2019

Despois da camiñata puidemos bailar e cantar con CÉ ORQUESTRA PANTASMA. Deixámosvos un pequeno vídeo dunha pequeniña parte da actuación que vivimos en directo!

Él foi quen deu paso á LECTURA DO MANIFESTO, feito polas alumnas e alumnos dos IES do Concello de Cangas...

E por último deron paso á presentación de...

UXÍA LAMBONA E A BANDA MOLONA!

Aquí poderedes ver unha morea de fotos do ben que o pasamos no Concerto!!!

Queremos compartir con vós estes pequenos vídeos das cancións desta banda tan molona do Correlingua 2019 en Cangas:

Tivemos a sorte de poder facernos unha foto con eles antes de voltar para casa!

Gracias Uxía e Banda Molona! Ata outra!

CORRELINGUA 2019

O pasado Xoves día 2 de maio os nenos e nenas de Infantil e 4º e 5º de primaria desfrutamos dun día marabilloso en Cangas:

CORRELINGUA 2019!

Un día de celebracións e festividades en torno á nosa lingua porque...

O GALEGO É A FÓRMULA!!!

O encargado de presentar todo o evento foi...

CÉ ORQUESTRA PANTASMA

Máis tarde chegaría a actuación de...

UXÍA LAMBONA E A BANDA MOLONA!!!

Mentres os máis maiores foron a camiñar pola lingua, os pequeniños participaron nun taller con obradoiros e xogos.
Por aquí vos deixamos un pequeno vídeo no que se lles ve desfrutando:

E como vos dicía... os maiores pasearon pola rúas de Cangas baixo o lema...

O GALEGO É A FÓRMULA!

Aquí tendes uns vídeos no que veredes o ben que o pasaron!

Queredes pasear cos nenos e nenas de 4 e 5 anos polas rúas de Cangas? Mirade este vídeo!

Como animan e que ben tocan os Gaiteiros do Ío!

LIBROS PARA LEVAR SEN VOLTA

Moi boas amiguiños!

Esta nova sección, que se acaba de poñer en marcha no noso cole con motivo do DÍA DO LIBRO, está sendo todo un éxito!!!

Estamos encantados de que poidades seguir dándolle vida a tantos e tantos libros que algo velliños e cansos decidiron xubilarse.

Gracias por seguir queréndolles dar unha vida máis tranquila pero de moita importancia nos vosos fogares!

Queremos mellorar un chisquiño a organización da actividade para que ningún neno ou nena quededes sen a opción de levarvos un libro xa que a demanda está sendo moi alta.

Por iso, A PARTIR DO VINDEIRO LUNS, cada día poderedes coller libros nos andeis uns cursos determinados que vos dicimos a continuación:

LUNS

Infantil

MARTES

1º e 2º

MÉRCORES

3º e 4º

XOVES

5º e 6º

VENRES

Familias

Si si FAMILIAS! Para vós tamén temos reservado un día! Non volo perdades! Desexamos que siga sendo todo un éxito!

CONTÁMOSVOS UN CONTO?

As nenas e nenos de 4 anos de Infantil estivemos preparando o conto "Imos cazar un oso" (Kalandaraka) para contarllo aos nosos compis de 1º de primaria...

Nunha das actividades organizadas en torno á semana do libro poidemos desfrutar todos xuntos deste conto...

Foi unha hora de lectura moi especial NO PATIO DOS NOSOS SOÑOS!

Deixámovos por aquí un pequeno vídeo desta sesión de animación á lectura:

Pasámolo moi ben!

BIBLIO PATIO

Hoxe estreamos a... BIBLIO PATIO!!!

Nunha das últimas actividades organizadas en torno á SEMANA DO LIBRO, atopábase a inauguración da BIBLIO PATIO.

Unha realidade a partir de hoxe, en O PATIO DOS NOSO SOÑOS o PDI deste ano do noso cole que xa conta cunha nova sección.

Animádevos a participar! Estará funcionando todos os días que faga bo tempo!!!

ESTUDIOS TV ARNALDO

Moi bos días!

Hoxe queremos facernos eco dunha actividade organizada polo alumnado de 5º de primaria. 

http://mjdigmor.blogspot.com/2019/04/a-poesia-na-nosa-lingua.html

O primeiro programa de TV "ESTUDIOS ARNALDO" en torno a actividade A POESÍA NA NOSA LINGUA.

Picade na imaxe para saber máis!

CONTANDO CONTOS... "XUNTOS"

Moi bos días a todos!

Hoxe, os máis pequeniños do cole, tivemos a sorte de poder participar nunha actividade moi fermosa para rematar a semana do libro.

Óscar e Sandra viñeron á nosa biblio para compartir con nós unha sesión de contacontos moi especial.

Desfrutamos moito e pasámolo moi ben!

Queremos compartir con vós este vídeo que fala un pouqiño da Síndrome de Down...

 

Estámoslles moi agradecidos a DOWN PONTEVEDRA "XUNTOS" por organizar actividades coma estas e querer compartilas con nós.

Deixámosvos, por aquí, un anaquiño dos contos inclusivos e pola diversidade dos que poidemos desfrutar...

Gracias Sandra e Óscar por visitar a casa de Arnaldo, a nosa Biblio!!!