25 N- DÍA CONTRA A VIOLENCIA DE XÉNERO

 Polo 25N, Día Internacional para a Eliminación da Violencia de Xénero, no cole levamos a cabo a actividade "O muro do bo trato". Cada neno e nena escribiu nun ladrillo unha palabra, un valor ou acción positiva relacionada co respeto, a igualdade e o bo trato. con todas elas construímos un muro simbólico que nos lembra que, entre todos e todas, podemos crear unha convivencia baseada no coidado, a empatía e a non violencia.

 

MANS UNIDAS CONTRA A VIOLENCIA

O 20 e o 25 de novembro son días especiais nos que falamos, especialmente, da infancia e da violencia de xénero. Este ano traballámolo a partir de dous murais nos que participamos con partes do noso corpo. No día da infancia, 20N, plasmamos os nosos sorrisos pensando que cousas nos fan sorrir y que deberían ter todos os nenos e nenas do mundo para poder sorrir, cousas tan sinxelas como unha casa, unha familia, tempo para xogar, apertas....

O 25N, día contra a violencia de xénero, plasmamos no mural as nosas mans unidas contra a violencia, e con esa idea traballamos nas aulas. Aínda que somos peques, temos moito que aportar e que facer contra a violencia.

 

Ademais, o alumnado de 5º peparou unha representación para o alumnado de infantil no que puidemos ver que a violencia nunca é a solución.

25N: Contos vellos, novos finais

Con motivo do 25N, o Concello de Marín invitounos a desfrutar dun espectáculo de Caxoto co obxectivo de colaborar na educación en valores de igualdade de xénero e contra a violencia. Na súa contada, Caxoto recreou escenas cotiás e historias a través de experiencias de narración oral compartida e participativa.

O ALUMNADO DE 2º DE PRIMARIA DI NON Á VIOLENCIA

Con motivo do día contra a violencia de xénero (25 de novembro), o alumnado de 2º de primaria elaborou un pequeno video onde expresan o seu NON a todo tipo de violencia, e por suposto tamén á violencia de xénero.

Deunos mágoa non contar con todo o alumnado por causa dos virus. Estarán no próximo.

DÍA INTERNACIONAL CONTRA A VIOLENCIA DE XÉNERO

Hoxe celebramos no cole unhas sesións formativas arredor do...

25-N: DÍA CONTRA A VIOLENCIA DE XÉNERO

Ao longo de toda a mañá todos os nenos e nenas do cole foron pasando pola biblio para participar dunha actividade moi interesante que ofertou o Concello de Marín a través da Concellería de Benestar Social.

Unha actividade de igualdade e contra a violencia de xénero que se achegou ao noso cole a través dunha caravana morada que estivo instalada no patio...

e que puideron visitar todas e todos cos seus familiares...

Por aquí vos deixamos algún vídeo que vimos durante a sesión...

DÍA INTERNACIONAL CONTRA A VIOLENCIA DE XÉNERO

Boas amiguiños! Hoxe queremos compartir con todas e todos vós a celebración especial que tivo lugar no noso cole, no día de hoxe, con motivo do DÍA INTERNACIONAL CONTRA A VIOLENCIA DE XÉNERO.

Este ano, e botando man da temática das Bibliotecas Escolares, para este curso 2018-2019, Poéticas Diversas, quixemos relacionalo coa violencia de xénero e traballar nas nosas aulas unhas cancións.

Porque as cancións son poesías, poesías especiais con música nas que, en moitas delas, están presentes temas en contra da violencia de xénero.

A continuación podedes ver o resultado do noso traballo! Desexamos que vos guste!

NON Á VIOLENCIA DE XÉNERO!

NON Á VIOLENCIA DE XÉNERO

Aínda que no cole o imos celebrar o vindeiro luns, os nenos e nenas de infantil de 3 anos queren compartir con nós un pequeno traballo que estiveron a facer na clase no día de hoxe. Así podemos ir reflexionando a fin de semana sobre o tema.

Por aquí vos deixamos algunhas fotiños...

TEATRO EN CONTRA DA VIOLENCIA DE XÉNERO

O día 25-N, como cada ano, organízanse dende o Concello de Marín actividades para traballar a educación en valores dende a perspectiva igualitaria.

Os contos son valiosos transmisores de cultura e valores, por iso son fantásticos para traballar a creación de modelos que rexeitan os estereotipos que nos inculca a sociedade patriarcal. 

Por medio do concello, a compañía de teatro "Teatro piollo", de xira polos coles de Marín, estivo en Seixo para facernos pensar e contarnos unha historia sobre violencia de xénero, coeducación e convivencia.

Unha princesa que non quería ser princesa, un dragón que en realidade non quería ser terrible, un cabaleiro que non quería loitar.... foron algúns dos ingredientes desta historia. 

Todo o alumnado do cole, dende os máis peques aos máis maiores, nos reunimos para ver esta representación nesta semana na que reflexionamos especialmente sobre a violencia de xénero. 

Por aquí vos deixamos algunhas fotos de recordo deste día. 

Oxalá que o aprendido nesta obra, e nas lecturas, reflexións e traballos de aula nas titorías, teña valor e significado para todos os nenos e nenas do cole que son o presente e o futuro dunha sociedade que desexamos viva en paz. 

ENTRADAS Á BIBLIOTECA, NOVEMBRO.

O 20 de novembro celebrouse o Día Internacional dos Nenos e Nenas. 

Dende entón podedes atopar a colección "Os dereitos do Neno e Nena" de Baía Edicións nunha das entradas á Biblioteca.

Na outra entrada atoparedes libros relacionados coa igualdade de xénero.

  

25 DE NOVEMBRO...RESPECTO!

Celebramos o Día Internacional da Eliminación da Violencia Contra A Muller, 25 de novembro.

O pasado mércores, xuntámonos no ximnasio do cole e fumos colocando cadansúa botella de plástico (adornada e cunha mensaxe especial, por este día, dentro) e formando a palabra: RESPECTO! 

Para rematar, recollimos unha das botellas para levar á casa e poder así compartilo en familia e sorprendernos coa mensaxe escrita por outro compañeiro/a. 

Un exemplo das variadas mensaxes que os nenos e nenas escribiron son estas tres de rapaces de 4º de Primaria.