O 20 de novembro celébrase o día dos dereitos dos nenos e das nenas. Pensando niso, o alumnado de 1º quere compartir este vídeo tan especial con un contido taaaaan importante!
Amosando publicacións coa etiqueta dereitos do neno/a. Amosar todas as publicacións
Amosando publicacións coa etiqueta dereitos do neno/a. Amosar todas as publicacións
luns, 20 de novembro de 2023
venres, 20 de novembro de 2020
DÍA UNIVERSAL DOS DEREITOS DA INFANCIA
O 20 de novembro é un día moi especial para todos os nenos e nenas do mundo.
O 20 de novembro de 1959 aprobouse a declaración dos dereitos dos nenos de forma unánime por todos os países da ONU, a cal recollía 10 principios básicos, pero ademais, o 20 de novembro de 1989 firmouse a Convención Internacional sobre os Dereitos do Neno, con 54 artigos.
Sabiades que estes 54 artigos son de obrigado cumprimento? e podemos arriscarnos a dicir que a maioría dos adultos non a limos completa ni unha vez na nosa vida... como é posible??
Calquera adulto debería coñecer estes dereitos por respecto aos nenos, porque todos, nalgún momento da nosa vida, estamos en contacto con eles aínda que non sexamos profes ou non teñamos fillos.
Ademais, o artigo 42 proclama a divulgación destes dereitos entre os nenos, así que hoxe vos convidamos a ler en familia os dereitos da infancia que todos estamos obrigados a cumprir.
Tonucci, un coñecido pedagogo, elaborou un documento con estes dereitos redactados de forma que os nenos poidan comprender mellor o seu contido. Premede na imaxe para ler este documento, porque non ten desperdicio.
Hoxe todos desfrutamos e reflexionamos cos murais que montaron os pequechos de infantil. Ademais en primaria vimos varias curtas que nos levaron a debates na aula sobre o dereito á educación, dereito á lectura (e aproveitamos para entregar as mochilas viaxeiras, pero xa o contaremos a próxima semana).
Un dos vídeos máis impactantes que vimos foi: "Que piden os nenos en España"... podedes velo aquí mesmo, non necesita comentarios....
Pero non so hoxe traballamos sobre os dereitos dos nenos e nenas, fixémolo durante toda esta semana, como mostra podedes ver cantísimas cousas fixeron os nenos e nenas da clase de 5 anos. Premede na imaxe e desfrutade do seu traballo.
Para despedirnos deixámosvos este artigo que nos fixo reflexionar sobre este tema. Animámosvos a lelo premendo na imaxe:
venres, 15 de febreiro de 2019
DECLARACIÓN DOS DEREITOS DA INFANCIA
Con motivo do DÍA MUNDIAL DA RADIO e aproveitando o lema escollido para esta ocasión: DIÁLOGO, TOLERANCIA e PAZ
dende o Cole de Seixo os nenos e nenas estiveron facendo un pequeno programiña de radio
no que gravaron Na Voz de Arnaldo os dereitos da Infancia.
Deixámosvos por aquí o enlace ao traballo que se fixo:
martes, 21 de novembro de 2017
HISTORIAS AZUIS COS NENOS E NENAS DE INFANTIL
Xa vos contamos o ben que o pasaron os compis de primaria coas Historias Azuis de Anedia (Premede AQUÍ para velo).Pois os nenos e nenas de infantil tamén tivemos unha sesión especial na que coñecimos a Nano.
Raquel Quiezás tívonos a todos cos ollos como platos escoitando a historia de Nano.
Non hai máis que ver as caras dos pequechos para imaxinar o moito que desfrutaron.
Rimos moito coas aventuras de Nano que é moi inquieto e divertido.
Pero un día Nano comezou a atoparse mal e descubiu que estaba enfermo...
... a doutora deulle o diagnóstico... unha enfermidade cun nome raro: di... dia... dibate... diabea... xa sei: diabete tipo 1.
Raquel explicounos de forma moi sinxela que é a diabete contándonos que pasa co que comemos.
Coa axuda de varios actores e actrices de primeira categoría nos foi contando o que lle pasaba a Nano.
O pan, a glicosa, a célula, a insulina, o pancreas.... fixérono fenomenal!
Puidemos entender un pouquiño más o que lle pasaba a Nano.
Encantounos coñecelo e quixemos despedirnos del.
Vedes as nosas caras de ilusión? É que o pasamos xenial!
Aquí vos deixamos un petisco para que desfrutedes con Raquel como o fixemos nós: as nosas risas son a mellor proba!
Mirade que guapo está Nano coa chapa de Arnaldo: fixéronse bos amigos!
Grazas Queliña, foi un auténtico pracer escoitar os teus contos, e grazas por deixar a túa pegada no noso libro de visitas.
HISTORIAS AZUIS COS NENOS E NENAS DE PRIMARIA
Novembro é un mes cheo de celebracións, o día 14 celebrouse o DÍA MUNDIAL DA DIABETE, ademáis novembro é o mes da ciencia en galego, e tamén é o mes no que se celebran os dereitos humanos e os dereitos dos nenos.
E xuntando ciencia+dereitos, nos pareceu un momento estupendo para coñecer de forma ludica que é a DIABETE Tipo 1 que afecta a un montón de nenas e nenos de Galicia... e reflexionar sobre cousas prácticas que podemos facer para que estes nenos e nenas desfruten das mesmas cousas, porque teñen os mesmos dereitos que os demais.
Estamos moi agrdecidos a Anedia Galicia, que se puxo en contacto con nós para ofrecernos as Historias Azuis de Raquel Queizás, por medio dunha subvención da Deputación.
O primeiro día, todo o alumnado de primaria, repartidos en duas sesións, se convertiron en detectives para investigar a desaparición dunha nena.
Descubriron que esa nena tiña unha enfermidade chamada Diabete tipo 1, e seguiron a súa investigación para coñecer máis sobre esta enfermidade.
Grazas a Raquel Queizás por facernos entender de forma tan sinxela cousas que parece que os nenos non podemos entender.
De forma participativa e moi amena, incluso vendo situacións reais en noticias de prensa, puidemos ver como moitas persoas que sofren esta enfermidade son discriminados e non reciben o trato que todos merecemos.
Encantounos coñecer máis de cerca esta enfermidade, resolver taaaantas dúbidas e ver formas prácticas de facerlles a vida máis facil aos nenos e nenas que teñen diabete.
Grazas Raquel, estamos desexando volver a sacar a lupa e investigar máis cousas contigo!
luns, 20 de novembro de 2017
DÍA DOS DEREITOS DOS NENOS
O 20 de novembro é un día moi especial para todos os nenos e nenas do mundo.
Ese día, no ano 1959 aprobouse a declaración dos dereitos dos nenos de forma unánime por todos os países da ONU. Recollía 10 principios que moitos coñecemos e que sempre debemos ter presentes.
Pero a historia non remata ahi.... 30 anos despois, o 20 de novembro do ano 1989 firmouse a Convención Internacional sobre os Dereitos do Neno, con 54 artigos.
A principal diferencia entre as dúas, ademais da extensión, é que unha convención é de obrigado cumprimento.
Hoxe, 20 de novembro, fai 28 anos que foi aprobada pola Asemblea Xeral das Nacións Unidas, e podemos arriscarnos a dicir que a maioría dos adultos non a limos completa ni unha vez na nosa vida... como é posible??
Calquera adulto debería coñecer estes dereitos por respecto aos nenos, porque todos, nalgún momento da nosa vida, estamos en contacto con nenos aínda que non sexamos profes ou non teñamos fillos. Así que hoxe vos convidamos a ler os dereitos da infancia que todos estamos obrigados a cumprir. Podedes acceder ao texto completo premendo na seguinte imaxe:
O artigo 42 desta convención di: "Os Estados Partes comprométense a dar a coñecer amplamente os principios e disposicións da Convención por medios eficaces e apropiados, tanto aos adultos como aos nenos."
Por iso Tonucci, un coñecido pedagogo, elaborou un documento con estos dereitos redactados de forma que os nenos poidan comprender mellor o seu contido. Premede na imaxe para ler este documento, porque non ten desperdicio.
Encantounos este artigo que nos fixo pensar sobre este tema e escribir esta entrada no blog. Tamén vos animamos a lelo premendo na imaxe:
luns, 30 de novembro de 2015
ENTRADAS Á BIBLIOTECA, NOVEMBRO.
O 20 de novembro celebrouse o Día Internacional dos Nenos e Nenas.
Dende entón podedes atopar a colección "Os dereitos do Neno e Nena" de Baía Edicións nunha das entradas á Biblioteca.
Na outra entrada atoparedes libros relacionados coa igualdade de xénero.
Subscribirse a:
Publicacións (Atom)