CAMPAÑA DE RECOLLIDA DE ALIMENTOS

O COLE COLABORARÁ CON ACIMA

Un ano máis, próximas ás datas de Nadal, o Ceip de Seixo vai colaborar coa campaña que ven organizando ACIMA, anos tras ano e xa van once, na recollida de roupa, calzado e xoguetes.

Por aquí vos deixamos toda a información!

ANIMÁDEVOS!

IV CARREIRA SOLIDARIA

Seguimos RqueR e por iso este ano celebramos o día da Paz cheo de erres, porque unha R moi importante tamén é Repartir: temos tanto que non hai nada mellor que compartir cos demais. 

Por iso festexamos o día da PAZ recollendo alimentos que Cáritas Santomé e AMENAC se encargarán de repartir: xuntamos un montón de galletas e cacao (que é o que nos pediron dende as ONGs).

Fixemos a "IV Carreira Solidaria: corre con Arnaldo" que, por fin, puidemos volver a compartir coas familias e cos veciños da Galiña Azul: eramos un montón!!

Por suposto non gastamos papel nin tinta para facer os dorsais, trouxemos teas vellas e cada un fixo o seu: foi moi divertido e quedaron preciosos! Ademais xa están gardadiños para reutilizar o ano que ven!

Deixámosvos por aquí un vídeo resumen da carreira:

Grazas á colaboración de Supermercados Camar e de Augas San Xinés repartimos auga, froita e iogures a todo o alumnado. Unha vez máis graciñas ás mamás da ANPA que nos axudaron a repartir toda a merenda. Grazas tamén ao Concello de Marín por prestarnos o arco.

IV CARREIRA SOLIDARIA

Que alegría sentimos ao poder anunciar a carreira solidaria deste ano, porque xa non hai restriccións e podemos compartila coas familias, cos veciños da Galiña Azul... que ganas!

Está é unha carreira simbólica na que todos, alumnado, familias e profesorado, correremos pensando nos que nos rodean, nos que teñen menos... e farémolo con ganas de axudar e aportar o noso gran de area.

Grazas á colaboración de Supermercados Camar e de Augas San Xinés repartiremos auga e froita a todo o alumnado. Aproveitamos para avisar que ese día non se venderan bocatas.

Lembrade traer roupa cómoda para desfrutar a tope da actividade!

III CARREIRA SOLIDARIA

Estamos felices e emocionados porque mañá, para conmemorar o día da paz, celebraremos a III Carreira Solidaria: "Corre con Arnaldo".

Está é unha carreira simbólica na que todos, alumnado e profesorado, correremos pensando nos que nos rodean, nos que teñen menos... e farémolo con ganas de axudar e aportar o noso gran de area.

Botaremos en falta ás familias, e esperamos poder correr xuntos en 2023, pero pasarémolo xenial por nós e por vós!

Grazas á colaboración de Supermercados Camar e de Augas San Xinés repartiremos auga e froita a todo o alumnado. 

Lembrade traer roupa cómoda para desfrutar a tope da actividade!

SEMANA SOLIDARIA

Moi boas! 

Hoxe temos unha cousiña moi importante para todas e todos!

En colaboración co noso Concello pedímosvos axuda para participar na...

Unha acción conxunta entre as ONGs e os centros educativos de Marín, na que, por suposto, o noso cole tamén vai participar!

Unha campaña que vai consistir na recollida de alimentos non perecederos, de produtos de Nadal e de produtos de hixiene e limpeza.

Durante a semana do 14 ao 18 de decembro, poderedes aportar algún produto, e o día 18 ou 21, unha persoa do Concello pasará a recollelo para xuntalo e que as 6 ONGs fagan o reparto, tendo en conta o número de familias ás que axuda cada ONG (COMEDOR BENÉFICO, CÁRITAS, CÁRITAS SANTOMÉ, AYUDA EN ACCIÓN SOR ELVIRA, AMENAC e SOS).

MOITÍSIMAS GRACIAS POLA VOSA AXUDA!

CAMPAÑA UN XOGUETE E UN SORRISO

Hoxe tivo lugar o acto de recollida da

"CAMPAÑA UN XOGUETE UN SORRISO" 

no noso cole...

Gracias familias pola vosa colaboración e por ter axudado unha campaña máis...

O noso granciño de area xa está en marcha: roupa, calzado, xoguetes.... para colaborar nestas datas tan especiais...

Moitísimas gracias!

CAMPAÑAS RECOLLIDA ALIMENTOS-ROUPA

Hoxe queremos compartir con vós unha noticia moi importante! Un ano máis o noso cole participa nas campañas de recollida de roupa e alimentos de ACIMA e do CONCELLO DEMARÍN!

ACIMA pasará a recoller todo polo noso centro o vindeiro día 16 de decembro mentres que a campaña que leva a cabo o Concello de Marín, polos centros educativos, rematará o vindeiro xoves día 19 de decembro!

Animádevos a colaborar!

CAMPAÑA RECOLLIDA ALIMENTOS

Compañeiros... Hoxe quero compartir con vós unha noticia moi moi importante. Un ano máis está a piques de arrancar unha nova CAMPAÑA DE RECOLLIDA DE ALIMENTOS dos coles e entidades do Concello de Marín.

E nos tamén imos participar e colaborar...

Dende o vindeiro luns día 3 de decembro e ata o xoves 20 imos ter a posibilidades de traer alimentos solidarios ao noso cole para colaborar con este campaña tan boa e interesante.

Animádevos!