ACHÉGASE O SAMAÍN

Achégase O SAMAÍN e con el unha época na que se adoita falar moito de medo... por aquí vos deixamos algunhas ideiñas para traballar o medo nestes días previos á celebración do Samaín...
Agardamos que sexa do voso interese...

CROS NA ESCOLA

As nenas e nenos do Ceip de Seixo van participar nunha xornada de Cros organizada por Xogade en Lagocheiras (Marín)...

Unha xornada espectacular a que nos agarda para convivir con outros centros e facer deporte rodeados de natureza.

MAXIA NO CEIP DE SEIXO

A maxia nunca pode faltar e no Cole de Seixo, un anos máis, quixemos participar no Certame de maxia que ten lugar no noso Concello de Marín con motivo da IX GALA INTERNACIONAL DE MAXIA INFANTIL...

Este ano visitounos o mago Fernando Saldaña, e fíxonos pasar unha hora de maxia e risas, a todo o alumnado do centro, INESQUECIBLE!

FACENDO NUDOS

As nenas e nenos de 5º e 6º de primaria recibimos no  noso centro a visita da asociación Iris de Marín, representada por Lorena e Paola.

Viñeron a contar ao alumnado do terceiro ciclo que son os nudos mariñeiros, algúns dos tipos que hai, para que se usan, e tamén estiveron practicando para intentar facer algún.

Descubriron que algúns non é sinxelo realizalos, que hai que ter paciencia e boa man.
Finalmente quedaron uns chaveiros moi chulos.

COMEZAMOS UN NOVO CURSO ESCOLAR

Comezamos un novo curso escolar con ilusión, entusiasmo e moitas ganas de aprender, compartir e vivir novas experiencias.

Durante os vindeiros meses conviveremos con ruídos, con andamios e con moitos cambios para adaptarnos ás obras. Pero lembrando que todo este movemento é para construír un cole mellor, máis cómodo e máis bonito!

Chega o momento de retomar rutinas, horarios, actividades,  proxectos... pero recuperamos algo fundamental... as ganas de reencontrarnos, de coñecernos mellor e de construír novas aprendizaxes...

Como xa ven sendo costume fíxose unha benvida e agradeceuse a confianza e colaboración das familias...

A educación das nenas e nenos é unha tarefa compartida na que familia e escola deben camiñar xuntos, mantendo unha comunicación fluída e traballando en equipo polo seu desenvolvemento integral.

Chegou a hora de merendar e como non podía ser doutro xeito fixemos unha merenda conxunta... pasámolo pipa!

Ao longo do curso será importante ter moi presente este kit de supervivencia que queremos compartir con vós!

Desexámosvos a todas e todos un moi FELIZ INICIO DE CURSO 2026-2027!

ARNALDO REMATA AS SÚAS VIAXES CON MOITO ARTE

As viaxes de Arnaldo non podían rematar mellor que percorrendo Seixo, todas as parroquias e lugares que pertencen ao noso cole, e que quixemos deixar inmortalizadas no patio.

Coa axuda de Esteban, de Tarabelos, todos os nenos e nenas fixemos un enooooorme mural. En pequenos grupos, con idades mesturadas para axudarnos uns a outros, fomos enchendo de cores e de significado o muro máis grande do patio. Neste vídeo veredes un minuto de traballo, pero pasamos horas pintando con moito esforzo e ilusión. 

Este mural, no que Arnaldo percorre Seixo, fai aínda máis bonito o noso patio! Que emoción deixar as nosas pegadas nun debuxo tan especial! Seixo, Aguete, Campo, Ruanova, Santomé.... busca onde vives a ver se o atopas!!!

Aquí tendes á tropa de artistas e protagonistas do programa ArtLab deste curso.

Recordade que no mural só están reflectidas as parroquias e lugares que pertencen á área de influencia do cole... meter todo sería imposible!

COLABORANDO NA CASA DA CULTURA

 O alumnado de sexto visitou a casa da cultura de Seixo dentro do  proxecto deste trimestre para  poñer o seu gran de area e colaborar na mellora deste entorno que usan a diario.

Despois dunha pequena caminata ata o centro, Vilas, o que xa coñecían todos, fíxonos un pequeno percorrido pola casa da cultura.

Despois presentounos unha pequena exposición de láminas de pintores galegos (algúns asociados a Marín) que coñecían os rapaces e rapazas.

Despois estiveron colocando uns carteis que elaboraron na aula despois de debatir as problemáticas que eles observaban no día a día no uso da casa da cultura, axudaron a limpar un pouco o parque, lemos, coñecemos un pouco máis a ese mítico personaxe de Seixo chamado Jhon Balan e tamén xogamos.

Aquí deixamos unhas imaxes da mañá.