VISITA AO IES CHAN DO MONTE (CENTRO ADSCRITO)

As nenas e nenos de 6º de primaria fomos de visita no día de hoxe ao IES CHAN DO MONTE...

o noso centro adscrito e no que comezaremos a estudar no mes de setembro o vindeiro curso escolar...

Fixemos un percorrido polas instalacións do centro...

e puidemos saber un pouquiño máis do día a día deste centro educativo tan grande...

Esta xornada forma parte das actividades organizadas polo noso cole como adaptación ao cambio de etapa educativa que xa está a piques de chegar...

IRIA MISA VISITA O CEIP DE SEIXO

Estes días tivemos a sorte de recibir na nosa biblio á escritora...

Iria Misa

A casa de Arnaldo foi o punto de encontro das nenas e nenos de 5º e 6º de primaria para conversar un ratiño con Iria...

A EXCURSIÓN A CANS 

UNHA VECIÑA DE PELÍCULA

foi o libro que estivemos lendo e co que compartimos moreas de cousiñas...

 

Tivemos a fortuna de que nos asinara os nosos exemplares un por un...

 

E de poder entrevistala en A VOZ DE ARNALDO, por aquí vos deixamos o aquivo...

Como non podía ser doutro xeito Iria asinou o noso libro de visitas...

E non quixemos que se marchara sen darlle un pequeniño recordo do noso cole...

Grazas Iria, ata outra!

CANDO MARTIÑO TIVO GANAS DE MEXAR NA NOITE DE REIS

Hoxe tivemos a sorte de pode disfrutar dunha sesión de animación á lectura con Chema Heras e Pilar Martínez.

As nenas e nenos de 4 e 5 anos e de 1º e 2º de primaria desfrutamos moitísimo coa actividade e pasámolo en grande...

Pilar e Chema contáronnos moreas de historias...

Estamos moi agradecidos pola vosa visita, ata outra!

UN CASO AZUL: RAQUEL QUEIZÁS

No día de hoxe, as nenas e nenos de 1º, 2º e 3º de primaria, tivemos a oportunidade de desfrutar dun espectáculo de contos da man de RAQUEL QUEIZÁS...

UN CASO AZUL

Pasámolo moi moi ben e aprendemos moreas de cousiñas...

Moitas gracias RAQUEL pola túa colaboración con este espectáculo de contos...

Ata outra!

RECIBIMOS NO COLE AOS MAIORES

 Despois de ir visitar o centro de día Pescadoira de Bueu, tocounos a nós ser os anfitrións, e o alumnado de 5º preparouse ben para iso.

Prepararon uns xogos para compartir con eles a mañá: A petanca, a escoba, circuitos eléctricos, xogos de  parellas, e a estrela do día, unha oca xigante en que cada casilla era unha cadeira.

Fixeron algúns biscoitos para coller forzas, e a mañá pasou voando. Un gran traballo para pouquiño tempo. Esperamos que o pasaran moi ben.

...e despois de despedilos... atacamos nós á oca humana que aínda non a probaramos.

MASTERCLASS DE ZUMBA

 Unha das actividades que fixemos para despedir o curso foi unha masterclass de zumba: pasámolo de marabilla!!! As profes Jeni e Olalla, que son unhas expertas, organizaron esta clase con Bruno Hermida, un súper profe de zumba que nos fixo bailar e sudar... pero sobre todo rir un montón! A chuvia veu de visita, pero co súper porche que temos agora, fixémola igual: encántanos esta herba!! Graciñas a Bruno e a estás súper mestras por activarnos dunha forma tan divertida! 

RqueR COS BOMBEIROS FORESTAIS

Dentro do noso proxecto RqueR queremos aprender a coidar mellor a natureza, e por iso a visita dos bombeiros forestais foi tan especial e aprendemos un montón!! Son uns auténticos heroes e heroínas que coidan dos nosos montes, que faríamos sen o seu traballo? fan unha labor moi importante e difícil.

Ensináronnos os seus camións, puidemos escoitar a serea e ver como fan para apagar o lume coas mangueiras, e non so o vimos: tivemos a oportunidade de probalo! Que emocionante e divertido ser bombeiros por un ratiño!

 

Despois explicáronnos o que había nunha exposición que montaron para ensinarnos a valorar a riqueza dos nosos montes, para coñecer mellor as árbores, os animais que viven no monte... e tamén puidemos ver as ferramentas que usan para apagar o lume. Foi moi divertido practicar cunha das ferramentas que máis utilizan, os batelumes: Seixo está a salvo!!

Para rematar xuntámonos na biblio cun bombeiro e cunha bombeira que compartiron cousas moi interesantes con nós e puxéronnos uns vídeos para seguir aprendendo.

Foi unha actividade fantástica na que os bombeiros forestais adaptaron as súas explicacións á idade de cada grupo, sempre con moita paciencia e simpatía. Foi xenial coñecer máis de cerca o seu traballo, porque ademais de coidar dos nosos montes saben transmitir o amor por eles. Mil grazas por ensinarnos máis formas de seguir RqueR!

PROTECTORA DE ANIMAIS DO MORRAZO

Unha das últimas visitas deste curso foi moooi especial. 2 preciosos peludos viñeron ao cole de Seixo par acontarlles cousas moi importantes ao alumnado e ao profesorado do cole. 

Suaiper e Lolo forman parte da Protectora de animais do Morrazo. Viñeron con Lorena e Clara para contarnos a labor tan importante que fan. Animáronnos a coidar as nosas mascotas e falamos do importante que é adoptar.

Como recibimento todo o alumnado tiña preparado un super agasallo con cousas para os cans da protectora.

ANA ALONSO NA NOSA BIBLIO

Na semana da poesía visitounos Ana Alonso, poeta e novelista catalana. Ana estudou bioloxía na universidade de León e traballou como profesora de secundaria, pero o que máis lle gusta e escribir, tanto poesía como novela.

Estivo con nos para faltar do seu libro “El viaje de Ulises” e disfrutamos un montón escoitándoa falar de como empezou a escribir e da súa obra.

Lendo o seu libro aprendemos moitas cousas sobre a mitoloxía grega e despóis de comentalo na aula fixemos un mural debuxando as portadas dalgunhas das súas obras.

Colgamos o mural na biblio para darlle a benvida.

 

Rematada a charla, entre todos e todas, recitámoslle unha das súas poesías e ela tamén nos leu unha.

Para rematar firmou no libro de visitas

E tamén os nosos libros...

Moitas grazas pola túa visita, Ana.

PERE TOBARUELA VISITA A NOSA BIBLIOTECA

Saúdos amigos e amigas,
Esta semana visitou a casa de Arnaldo un escritor catalán que se sinte galego.

Pere, nado en Barcelona, comeza a súa carreira literaria en 1999 en catalán. Logo escribirá en castelán e galego. 
Estivo con nos para falarnos do seu libro "Formig4s Misión Camiño de Santiago" que é o último da colección Formig4s.

 

Formos4 , Forx4n, Fornel4 e Form4il forman unha brigada que trata de esclarecer os casos máis enigmáticos e complicados.

Neste libro investigan o estraño roubo dos restos do apóstolo Santiago. Para solucionar o caso teñen que peregrinar no tempo e percorrer o camiño que, segundo conta a lenda, percorreron os discípulos do apóstolo para levar o seu corpo ata Compostela.

Lendo o libro e charlando con el aprendemos moitas cousas interesantes sobre o Camiño de Santiago.

Rematada a charla e a firma no libro de visitas, fíxemos unha foto con el.

 Moitas grazas por visitarnos!!!

MIGUEL LÓPEZ VISITA A CASA DE ARNALDO.

 A semana pasada estivo con nos Miguel López máis coñecido como "El Hematocrítico" porque en 2006  empezou un blog que se chamaba así. 

Miguel é mestre de Ed. Infantil, Inglés e Primaria. Escritor de literatura infantil, autor da serie "El Bosque de los Cuentos" visitou a nosa biblioteca para falarnos,  ao alumnado de segundo de primaria, do seu libro "Feliz Feroz".

Disfrutamos moito lendo o seu libro e escoitandoo na biblio.

Despóis de firmar no libro de visitas adicarnos o libro  a cada un sacamos unha foto con él.

Moitas grazas por visitarnos!!

VISITA MÁXICA DE NADAL

Todo o alumnado, ata 4º de primaria, desfrutamos dunha visita moooooi máxica que nos enviou o concello... e que ben o pasamos!

O Mago Paco fíxonos rir e deixounos coa boca aberta, profes incluídos!, non hai máis que ver as nosas caras! Aquí vos deixamos un vídeo cargadiño de fotos para que vexades sorrisos, caras de asombro e ollos brillantes de ilusión!

ELENA GALLEGO ABAD VISITA A CLASE DE 6º DE PRIMARIA

O luns 15 de outubro conmemorouse no noso cole O DÍA DAS ESCRITORAS, hoxe a escritora Elena Gallego Abad visitou a nosa aula e presentouse como domadora de dragóns...

Explicounos que en Galicia existen dragóns en diferentes lugares e mostrounos unha medalla contra os ataques dos dragóns...

Estaba moi contenta de contarnos o seu oficio por fin, despois do parón que a pandemia lle obrigou a gardar en canto as visitas aos centros educativos.

Gustoulle moitísimo a nosa biblioteca e deixou un recordo no libro de visitas para Arnaldo.

Grazas pola túa dispoñibilidade e sobre todo por mostrarnos que hai mundos máxicos agochados na realidade máis cercana, ao mellor deste grupo de sexto teremos en pouco tempo escritores e escritoras que viaxarán ata onde queiran chegar.