Os nenos e nenas de 6º, dentro do proxecto do mar que traballamos en cunxunto no cole, fixeron un proxecto de aula moi interesante: DO MAR Á MESA.
Se premedes na imaxe do seu mural, poderedes descargar unha presentación que, con axuda do seu titor Goyo, eles mesmos montaron para resumir a súa completa investigación.
A última semana de xuño recibimos un regalo moi especial. Dende o IES As Barxas mandáronnos un precioso libro.
Barxilon é un conto dun peixe, por iso loce tanto na nosa exposición do PDI do mar.
O proxecto "Barxas emprende: creación dunha editorial", fainos ver a importancia do traballo en equipo e da lectura, sobre todo coa presentación do libro "Barxilón non mar do Latón".
Premede na imaxe se queredes saber mais desta editorial "especializada na elaboración e difusión de libros ilustrados para nenos, realizados totalmente por alumnos. Libros entendidos como pequenas obras de arte, nos que primarán as ilustracións de gran calidade, o deseño e realización de actividades de animación á lectura, a música e as novas tecnoloxías."
Os estudantes do IES As Barxas contaron coa colaboración dos centros educativos IES Sánchez Cantón, de Pontevedra, IES Xulián Magariños, de Negreira, CEIP A Rúa, de Cangas e CEIP Espiñeira, de Aldán, neste fantástico proxecto presentado o 10 de este mes. Premede na imaxe para ir á web de Barxilón.
Os nosos alumnos non puideron ver o libro porque xa remataran as clases, pero Arnaldo, a nosa mascota, non quixo irse de vacacións sen facerse algunhas fotos con el.
Estamos desexando que chegue setembro e ensinarllo a todos os que visiten a biblioteca.
Parabén a todos os compañeiros por este fantástico conto e ánimo con este proxecto... estamos desexando ver máis libros!
O alumnado de sexto despediuse de todos os compañeiros e compañeiras do cole, cunhas actuacións que, unha vez máis, demostran canto traballaron co seu profe Goyo.
Primeiro pasamos un ratiño divertido con dúas obras de teatro, e despois quedamos pasmado co ritmo e habilidade bailando dalgunhas compañeiras do curso que se despediu de todos nos.
Aquí tedes un pequeno vídeo - resumo da súa actuación:
Despois chegou o momento de despedilos...
E cada un recibiu unha orla de recordo da man do equipo directivo e do seu titor:
Mirade que guapísimos saíron todos!
As despedidas sempre son tristes por iso compartimos con eles apertas e tamén algunha bágoa...
Pero con alegría e bo humor dando o súper salto a unha nova etapa... desexamos o mellor para cada un de vos!
Aínda que saiu un pouco borrosa... encántanos esta foto!
Non podíamos despedir este curso de outro xeito que cantando cancións mariñeiras. Gracias á profe Rosa por traballar tanto con nos e por ser tan paciente e marchosa!!
Os de infantil cantaron: GLU, GLU, GLU
Os de 1º ciclo: A VIDA DO MAR
2º ciclo cantou: O MAR DE SEIXO
Os de 5º A e B compartiron pezas mariñeiras cos instrumentos
Os de 6º tocaron coas flautas a música principal de PIRATAS DO CARIBE
Queredes escoitalos? Aquí tedes uns segundos de cada actuación...
Arnaldo está encantado coas cartas que recibe coas respostas dos enigmas matemáticos.... que feitiños os nenos da clase dos máis peques!
E despois de varios meses dedicando a hora de ler dos venres a facer divertidos enigmas matemáticos, Arnaldo mandou unha gran felicitación a cada aula polo seu esforzo... un premio moooooi doce!!
Esta semana repartimos a revista deste ano que é moi especial para todos, porque resume o traballo conxunto de todo o cole durante este curso... inda non a liches?... non esperes máis!
Despois de todo un curso traballando sobre o mar, con diferentes proxectos de aula, estamos moi felices e orgullosos de pechar o curso invitando a toda a comunidade educativa a visitar a nosa exposición sobre o mar. Nela mostramos parte do aprendido en cada curso e con cada proxecto.
