FESTIVAL DE NADAL 2023

E por fin chegou o día... moito traballiño levamos!

Con qué ilusión, entusiasmo e dedicación estivemos preparando todas as actuacións...

Mirade, mirade!

Así estaba o ximnasio xusto antes de comezar... qué nervios!

Pois xa non vos facemos esperar máis e por aquí vos deixamos a presentación...

E os primeiros en actuar foron ás nenas e nenos de 4º de infantil que estiveron preparando unha versión moi orixinal de Elvis Crespo de "EL BURRITO SABANERO"...

A continuación tocoulles subir ao escenario ás nenas e nenos de 5º de infantil que interpretaron unha panxoliña titulada "QUE VEÑA O NADAL"...

E para pechar a quenda do alumnado de infantil, as nenas e nenos da clase de 5 anos interpretaron un tema de La Oreja de Van Gogh: "LA LUZ QUE NACE EN TI"...

Para cambiar un pouco de estilo, as nenas e nenos da clase de 3º de primaria fixeron un playback coa canción do grupo ACDC: "THUNDERSTRUCK"...

O alumnado de 1º de primaria interpretou unha panxoliña titulada "CHEGOU O NADAL"...

O alumnado de 5º de primaria da man do orientador do cole, prepararon unha versión de "JINGLE BELLS" para pauciños chinos...

Tocáballe agora o turno ás nenas e nenos de 2º de primaria que interpretaron unha panxoliña moi diferente, orixinal e divertida: "EL ESTORNUDO"...

A clase de 5º de primaria volveu subir ao escenario para facer un baile dunha canción de Ozuna: "LLEGÓ LA NAVIDAD"...

Coa actuación das nenas e nenos de 4º de primaria iamos chegando ao remate do Festival. Eles interpretaron unha canción de Bruno Mars, titulada Marry You, nunha adaptación de nadal: "LA ESTRELLA DE LA NAVIDAD"...

A clase de 6º de primaria foi a encargada de facer a última actuación do Festival de Nadal deste ano. Prepararon un baile coa canción de "JINGLE BELLS" (Basshunter) moi pero que moi divertido, por aquí volo deixamos...

E como xa é tradición o Festival non podía rematar sen a actuación das mamás e papás da nosa ANPA ABELENDOS que, acompañados por profes, un ano máis nos quixeron sorprender cunha panxoliña tradicional totalmente adaptada ao proxecto de centro deste ano: SEIXO CHEO DE VIDA. Por aquí vola deixamos!

Esperamos que teñades disfrutado tanto coma nós de todas estas actuacións.

Só nos queda desexarvos unhas moi...

FELICES FESTAS!

UN NADAL PARA COMPARTIR!

O Nadal no cole estivo cheo de actividades especiais e compartidas. Xa vos contamos as actividades conxuntas de infantil e os obradoiros de Nadal (podedes velos premendo no nome de cada actividade).

Fixemos moitas cousas xuntando as aulas, unha das máis esperadas foi a viaxe en tren á que todos os anos nos convida o concello de Marín... encántanos!!

O alumnado de primaria foi ao cine de Seixo para desfrutar xuntos de "Robot dreams", unha peli sen palabras pero con moitiiiisima mensaxe.

Varios cursos de primaria e infantil fixemos unhas postais moi especiais e saímos a correos para envialas.

Despois do festival do último día saboreamos un delicioso chocolate con churros que, un ano máis, a ANPA preparou con moito cariño: para chupalos dedos!!!

E recibimos a visita máis esperada: Papá Noel fixo unha paradiña en Seixo para saludar ao mellor alumnado do mundo mundial!

 

E non queremos pechar este resumo do nadal sen felicitar a ANPA Abelendos e ao alumnado de 6º polo moito que traballaron para montar un precioso posto no mercadillo de Nadal das ANPAS de Marín. Ademáis de estar moi bonito e de ver moito traballo detrás, daba gusto ver a implicación das familias e do alumnado. Noraboa polo bo traballo!!!

Estade atentos que pronto publicaremos 

os vídeos do festival!!!

O Tren dos desexos

 Ola familias!!!

A rapazada de Seixo quere dedicarvos este vídeo, que fala dos soños, da necesidade de ter unha meta na vida, e do esforzo e o traballo que iso supón. En Seixo estamos moi implicados cos nosos soños, temos soños pequenos, que imos cumprindo día a día, e soños grandes, que esperamos que algún día poidamos alcanzar, sempre contado coa vosa axuda e a dos profes tamén, para iso estamos!!

Desexarvos tamén unhas boas festas, e unhas merecidas vacacións, vémonos á volta!!!

OBRADOIROS DE NADAL

Unha das opcións creativas do Nadal son os obradoiros voluntarios durante o recreo, para o alumnado de primaria. Este ano tiñan moitas propostas con diferentes técnicas, material de refugallo… 

Está claro que só temos que ofrecer material variado e ferramentas, que con toda a creatividade que ten o alumnado: saen verdadeiras obras de arte!!!

XOGANDO XUNTOS!

Premendo AQUÍ podedes ver o ben que o pasamos este ano no Magosto. Ese día a chuvia non nos deixou facer os xogos, pero non nos puidemos resistir a facelos outro día: encántanos xogar xuntos! Aos maiores encántalles axudar ao peques, e aos peques encántalles xogar cos maiores.

CELEBRAMOS O MES DA CIENCIA EXPERIMENTANDO!

Novembro é o mes da ciencia, e non hai mellor forma de celebralo que experimentando. Por iso, durante este mes, nos obradoiros do recreo dedicámonos a facer experimentos con todo o alumnado.

Os nenos e nenas de infantil e 1º xogaron a facer espuma... e pasárono fenomenal!!

O alumnado de 2º e 3º, con bicarbonato e auga, fabricaron neve... e cada un fixo o seu boneco!!! Que textura tan gustosa, que ben o pasaron!!

Os maiores inflaron globos sen soprar, usando unha mestura de bicarbonato e vinagre... un experimento explosivo e divertido!!!

CAMPAÑA DE RECOLLIDA DE ALIMENTOS

25N: Contos vellos, novos finais

Con motivo do 25N, o Concello de Marín invitounos a desfrutar dun espectáculo de Caxoto co obxectivo de colaborar na educación en valores de igualdade de xénero e contra a violencia. Na súa contada, Caxoto recreou escenas cotiás e historias a través de experiencias de narración oral compartida e participativa.

CELEBRANDO O DÍA DA MÚSICA

No cole de Seixo xa empeza a ser unha tradición e unha sorte enorme poder contar coa Banda de Música de Marín para celebrar o Día da Música dunha maneira diferente e espectacular...

Un ano mais puidemos gozar un montón con esta agrupación...

Fixeron dúas actuacións nas que todas as nenas e nenos do cole nos dividimos en dous grupos para así disfrutar aínda mais desta celebración.

Comezaron presentándonos os instrumentos e as familias ás que pertencía cada un...

E interpretaron pezas solistas para poder percibir os sons de cada instrumento...

E como non podía ser doutra forma, non faltaron as pezas musicais para que as puideramos cantar e bailar...

Como estades podendo comprobar pasámolo xenial. Por aquí vos deixamos máis fotiños...

Antes de despedir a celebración fíxoselle entrega a cada membro da banda e a cada nena e neno do cole dun pequeno recordo conmemorativo desta data...

Uns chaveiros feitos na impresora 3D do noso cole!

DÍA DOS DEREITOS DAS NENAS E DOS NENOS

O 20 de novembro celébrase o día dos dereitos dos nenos e das nenas. Pensando niso, o alumnado de 1º quere compartir este vídeo tan especial con un contido taaaaan importante! 

O COLE COLABORARÁ CON ACIMA

Un ano máis, próximas ás datas de Nadal, o Ceip de Seixo vai colaborar coa campaña que ven organizando ACIMA, anos tras ano e xa van once, na recollida de roupa, calzado e xoguetes.

Por aquí vos deixamos toda a información!

ANIMÁDEVOS!

MAGOSTO 2023

Comezamos novembro con moita enerxía e non podía faltar a celebración do magosto. Aínda que a chuvia non nos deixou facer os xogos que prepararon os de 6º coa profe Natalia (e que pronto os faremos) pasámolo pipa comento castañas todos xuntos, bailando e pintando a cara. Un ano máis gracias a ANPA por encargarse de asar as castañas e invitarnos a uns refrescos: estaba todo boísimo!!!

PREPARÁMONOS PARA O MAGOSTO

Prestade moita atención e preparádevos para desfrutar dunha nova xornada de celebración...

XA CHEGA O MAGOSTO 

AO COLE DE SEIXO

SAMAÍN 2023

A semana do Samaín foi moooi completa e estivo moi ben ambientada gracias ás mamás da ANPA que estiveron moitas horas decorando e dándolle un toque especial ao cole.

Grazas tamén a todas as familias polas cabazas tan chulísimas que fixestes, todas eran impresionantes e fixeron que o cole estivese chulísimo!

Durante un par de semanas os obradoiros voluntarios do recreo estiveron dedicados a facer maquillaxes e tatuaxes que os nenos e nenas fixeron entre eles, mirade que chulada de maquillaxes fixeron!

O día 31 tivemos unha xornada especial na que o alumnado de infantil desfrutou, na aula de luz, duns xogos chulísimos e moi ambientados.

Mentres, o alumnado de primaria tivo que superar unha serie de probas para resolver un misterio. Tiveron que espremer moito os cerebros para resolver este scape room!

A lectura as escuras sempre é un éxito, porque e moi divertido e misterioso ler coas lanternas.

E por suposto non podía faltar unha boa papatoria, que, grazas á colaboración das familias, tiña unha presentación e un sabor para chupar os dedos. A merenda foi conxunta, porque sempre que podemos gústanos estar xuntos nas actividades, así cada día coñecémonos mais.

 

Despedimos a xornada cun baile todos xuntos.

INAUGURACIÓN DA BIBLIOTECA

Aínda que a biblioteca, que é onde vive Arnaldo, está funcionando a tope dende o primeiro día do curso, fixemos a súa inauguración oficial coa axuda das voluntarias que se ofreceron a decorar, presentar, contar un conto... que marabilla con estas axudantas!

 

Como vedes, aproveitamos a inauguración para poñer en marcha as mochilas viaxeiras que comezarán a viaxar polas casas levando historias e aventuras, as cales desexamos que sexan desfrutadas en familia.

XA CHEGA O SAMAÍN!!

 

CELEBRAMOS O DÍA DAS BIBLIOTECAS ENCHENDO SEIXO DE VIDA!!!

Este queremos coñecer máis da fauna e flora de Seixo, polo que non podíamos ter outro convidado no día das bibliotecas que Anxo Moure, amante das árbores, dos animais... Por iso quixemos que fose o primeiro convidado deste curso.

Pasamos un día do máis divertido co Carballo con Botas. Mirade os de infantil como aproveitaron a súa visita na que contaron contos na biblio e en medio das árbores, bailaron, pasearon en ciclobiblioteca... un planazo!!

 

Os de primaria tamén desfrutaron dos contos do Carballo con Botas, da música das árbores, das viaxes dos libros...

E ninguén mellor que o Carballo con botas para axudarnos a poñer en marcha a nosa plantación de árbores en botas vellas, porque queremos seguir enchendo Seixo de vida!!

E como non podía ser doutra forma, non deixamos escapar a oportunidade de volver a entrevistar a Anxo Moure. Unha entrevista moi, moi especial. Sempre é un pracer charlar con Anxo, que é un apaixoado da natureza. Aquí a tendes para que tamén a poidades desfrutar e aprender cousas con el!

ANDAINA POLO NOSO SEIXO CHEO DE VIDA

Hai un mes que comezamos este novo curso cheos de ganas e ilusión por compartir moitas aprendizaxes e vivencias. 

E celebramos o primeiro mes no cole cunha das actividades que máis nos gustan, que son as que compartimos todos xuntos: dende os máis pequerrechos que acaban de comezar o cole, ata os maiores de 6º. Por iso desfrutamos moito a primeira andaina do curso, na que demos un bo paseo ata o parque da Brea e puidemos comprobar que SEIXO ESTÁ CHEO DE VIDA!!!

E, ademais de desfrutar dunha xornada especial de convivencia, agora temos nas aulas moitos tesouros de outono e moitas landras, que xa vos contaremos para que usaremos!

O ANO QUE VEN: MÁIS E MELLOR!!!

Despedimos este curso cunha imaxe moi especial: unha gran foto de familia, feita un día chulísimo que compartimos todo o cole en A Pradeira. Esta foto está na casa de todo o alumnado e de todo o profesorado, porque as fotos nas pantallas son bonitas, pero impresas aínda máis!!

No consello de nenos, o alumnado pediu ter unha foto impresa de cada clase e de todo o cole, e esta foi a foto de cada clase que todos levaron, botamos de menos a algúns compis que non saen (fíxose complicado coincidir todos nos últimos días).

Despedimos cunha aperta especial ás profes Sole, Rebeca, Fanny e ao profe Edu, que compartiron este curso con nós: botarémosvos moito de menos!!

FELIZ VERÁN A TODOS E TODAS: 

VÉMONOS EN SETEMBRO!!!

EXPOSICIÓN FINAL RqueR

Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...

Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!

Que vos parece? Seixo está cheo de artistas!!

DESPEDIDA DO CURSO RQR

O 21 de xuño despedimos este curso nun fermoso día soleado cheo de emocións. Xuntámonos coas familias de 6º de infantil e de 6º de primaria para celebrar que cambian de etapa.

Xa vos contamos como foron as graduacións, se queredes ver como foi a graduación de infantil podedes vela premendo AQUÍ, e se queredes ver a graduación primaria premede AQUÍ.

Neste día de emotivas despedidas, sobre todo ao alumnado de 6º, tamén despedimos a 3 nais que levan mooooitos anos formando parte da ANPA, sendo un gran apoio e axuda en moitas cousas. Tere, Uxía e Rocío: a vos tamén vos imos botar moito de menos, como lles dixemos aos vosos fillos, recordade que Seixo tamén sempre será a vosa casa.

Ademais, a familia de Fuco e Lúa (que aínda que leva anos en secundaria segue sendo da familia de Seixo) agasallou ao cole cunha árbore que quedará a vivir no noso patio. Graciñas a Uxía e a Gaspar, non so por esta árbore, senón por tantos anos acompañándonos e axudándonos en tantas cousas relacionadas coas arbores e plantas do cole... e o que lles queda jejeje

E para rematar a festa fixemos unha merendola conxunta na que todo o cole aportamos cousiñas para compartir, e aínda que fixemos un vídeo, non é posible percibir que momento tan fermoso foi: todos xuntos, profesorado e alumnado, maiores e pequenos, compartindo merenda, conversas, xogos... nun patio tan fermoso que nos deixa sen palabras.

 

ADEUS INFANTIL... BENVIDA PRIMARIA!!

En setembro de 2020, en plena pandemia da COVID-19, chegou a Seixo un marabilloso grupo de nenas e nenos aos que admiramos un montón polo valentes que foron, chegando a un cole novo nun momento tan complicado... e que ben o fixeron!!!

Eran uns pequerrechos marabillosos, e, aínda que pasaron moito tempo coas máscaras postas, nunca deixaron de sorrir! Se queredes ver a súa presentación no cole premede AQUÍ

Case sen darnos conta pasaron 3 cursos e xa remataron infantil. E fixérono con moita marcha, porque este grupo, incluída a profe, son moi festeiros e "bailongos"... para mostra podedes ver o ben que bailaron na súa graduación!

Con moita emoción, a profe Jeni foi entregando as orlas a todos os pequerrechos, da clase de 5 anos, que dentro de nada comezan 1º con moitas ganas e ilusión... e tamén con moitos nervios!

 

Que tropa tan bonita! Desexámosvos o mellor!!

Con estes fermosos sorrisos damos os parabéns a todos e cada un dos nenos e nenas que tan ben o fixeron nestes anos ben rariños, cheos de restricións, pero moi ben aproveitados! 

Seguirémonos vendo cada día, nunca esquezades canto vos queren as profes de infantil e a ilusión que nos fai recibir visitas!!

ADEUS PRIMARIA... BENVIDA SECUNDARIA!!

Cando chega final de curso chegan as despedidas, e este ano tócanos despedir a esta tropa que, na maioría dos casos, leva 9 anos no cole... 9 anos son moitos anos!!

 Para despedirnos agasalláronnos con este baile: un gran traballo en equipo!

E chegou o momento de entregar orlas e diplomas como resultado do esforzo e do traballo durante tantos anos, que emoción, todos marchan rumbo a secundaria!

Pero non pensedes que estes nenos e nenas sempre foron tan maiores. En setembro de 2014 chegaron a Seixo 14 pequenos e pequenas que desfrutaron 3 anos cheos de aprendizaxes co profe Jorge antes de saltar a primaria onde estiveron con Bea, con Graciela, con Pachú e agora despiden a primaria con Alexia.

 

En 3º sumáronse a este equipazo 6 novos compis que completaron o grupo que se despide este ano do cole.

 

Estes son os 20 graduados deste curso aos que botaremos moito de menos!

Incrible que xa pasasen 9 anos dende que chegaron ao cole, hai que ver canto medraron!!

Cando remataron infantil fixemos unha montaxe dos seus 3 primeiros anos no cole, e agora aínda é máis emocionante vela!

Se queredes ver máis recordos da súa etapa infantil podedes facelo premendo AQUÍ, onde atoparedes unha recompilación de entradas desta promoción: alucinaredes!!!

Ata pronto a todos e todas! 

Desexámosvos o mellor, non só no instituto, senón en toda a vosa vida. 

Lembrade que Seixo sempre será a vosa casa!!!

MASTERCLASS DE ZUMBA

 Unha das actividades que fixemos para despedir o curso foi unha masterclass de zumba: pasámolo de marabilla!!! As profes Jeni e Olalla, que son unhas expertas, organizaron esta clase con Bruno Hermida, un súper profe de zumba que nos fixo bailar e sudar... pero sobre todo rir un montón! A chuvia veu de visita, pero co súper porche que temos agora, fixémola igual: encántanos esta herba!! Graciñas a Bruno e a estás súper mestras por activarnos dunha forma tan divertida! 

DÍA DA BICICLETA

 Como parte do proxecto RqueR quixemos celebrar, de xeito especial, o día da bicicleta, por ser un medio de transporte que coida do noso planeta e do noso corpo!! Grazas á axuda da Policia Local de Marín desfrutamos dunha xornada moi especial, e dende ese día algúns nenos viñeron en bici ao cole, esperamos que se animen máis. Este verán... todos a rodar!!!

FESTEXAMOS O DÍA DAS LETRAS GALEGAS! "Camiñamos coa Lingua"

Este ano, para celebrar o día das letras galegas, fixemos unha festa moi especial na que todos, alumnado e profesorado, desfrutamos xuntos dunha xornada chulísima que nos encantaría repetir o próximo ano. Comezamos facendo unha andaina polo galego, lucindo os carteis tan chulos que fixemos, ata A Pradeira onde compartimos merenda, xogos... pasámolo xenial!

E alí tamén desfrutamos moito bailando e cantando en galego con Cé Orquestra: pasámolo pipa!!! 

Graciñas á igrexa evanxélica de Marín por deixarnos A Pradeira para desfrutar deste día tan especial!

CAMPIONATOS DEPORTIVOS NO RECREO

Os campionatos no recreo son unha das actividades estrela dos recreos do último trimestre: son moi emocionantes e divertidos! Despois de formar os equipos e de facer o sorteo público, desfrutamos de moitos recreos xogando partidos de: atrapa a bandeira, brilé, baloncesto e futbol sala. E os peques de infantil tamén tiveron as súas probas!!

 

Outro dos momentos máis esperados é o partido do alumnado de 6º contra os profes, sempre é moi divertido!!

 

 

Este ano un grupo de exalumnos foron os encargados de facer a entrega de trofeos aos gañadores. "Equipo salvaxe", de 5º, foi o campión en brilé e "Driller-nike", de 6º, de atrapa a bandeira, baloncesto e futbol sala.  Ademais, tamén se entregaron premios especiais de participación a todo o alumnado: un chaveiro especial feito na impresora 3D.

O ano que ven: máis e mellor!!

OBRADOIROS NO RECREO

Como xa vos contamos, este ano, de forma voluntaria, no tempo de recreo fixéronse diferentes obradoiros: ganchillo, robótica, deportes, globoflexia, papiroflexia, natureza, horta, radio, xogos de mesa, horta, etc...

Aquí tendes unha última recompilación dalgúns dos obradoiros dos últimos meses.

E rematamos o curso cun espazo de creación libre, dunha escultura colaborativa con material de refugallo, que xurdiu dunha petición do alumnado no consello de nenos. O alumnado que quixo colaborou, libremente, cun resultado espectacular!

Premendo AQUÍ podedes ver como de divertida foi a primeira semana na que houbo obradoiros de ganchillo (o máis solicitado!), papiroflexia, deportes, robótica, natureza, xogos de mesa e globoflexia.

Nalgúns momentos do ano os obradoiros estiveron relacionados con datas especiais: no mes da ciencia fixemos experimentos (pode verse premendo AQUÍ), no nadal fixemos adornos de refugallo (pode verse premendo AQUÍ), no día dos hortos escolares puxemos en marcha o traballo na horta (pode verse premendo AQUÍ), en abril dos libros e maio das letras acompañamos ao alumnado na elección de contos e a preparación de contacontos con títeres, kamishibai, proxeccións, etc. (pode verse premendo AQUÍ).

Os obradoiros foron un éxito e no consello de nenos pediron que se sigan facendo o próximo curso.

TEMOS UN PATIO QUE É UNHA MARABILLA!

Atopamos un video, dun día calquera, no patio de Seixo, verdade que é unha delicia?

Os peques queren compartir este vídeo de outra zona do patio e do cespede novo, o do porche, que foi unha ideaza para desfrutar, aínda máis, do espazo exterior.

 

EXCURSIÓN A APÍPOLIS

Como despedida deste curso o alumnado de 1º e 2º de primaria visitou o centro Apípolis para coñecer mellor o mundo das abellas e disfrutar dunha xornada tod@s xunt@s.

CORRE CORRE CABACIÑA (Adaptación)

O alumnado de 2º de primaria representou para os seus compis unha pequena obra teatral a partir do conto "Corre corre Cabaciña". Aínda que tivemos algúns problemas coa gravación, quixemos poñer aquí o resultado da segunda función. Esperamos que vos guste.

RqueR CON ARTE!

Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...

Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!

Que vos parece? Seixo está cheo de artistas!!

OBRADOIROS NO RECREO: AGORA CONTA TI!

 Os obradoiros voluntarios no recreo foron un éxito durante este curso. En abril dos libros e maio das letras adicámolos aos contos e creamos un espazo onde, o alumnado que tiña ganas de contar, podía crear títeres, practicar no kamishibai.... o facer o que a súa imaxinación quixese, e de verdade que foi moi enriquecedor para todos!

O resultado dos obradoiros foron un montón de contadas que se fixeron entre o alumnado e que desfrutamos moitísimo grandes e pequenos. 

Aquí tendes varios enlaces para ver todas as sesións de AGORA CONTA TI! que foron unha delicia!!

1. PREME AQUÍ PARA VER A PRIMEIRA TANDADA DE CONTADAS

2. PREME AQUÍ PARA VER OUTRA TANDADA 

3. PREME AQUÍ SE QUERES VER MÁIS

FRANCISCO FERNÁNDEZ DEL RIEGO-LETRAS GALEGAS 2023

Neste ano 2023 as Letras Galegas están adicadas a Francisco Fernández Del Riego. Aquí amosamos algunhas das actividades que realizamos no CEIP de Seixo vencelladas ao PDI "R que R".

O alumnado de terceiro ciclo realizou dous carteles con datos da súa biografía empregando material de refugallo.

 

Entre todo o alumnado do centro adicamos un espazo do centro a esta festividade decorando, realizando unha exposición, coa cartelería enviada pola Consellería, e un retrato de Francisco Fernández Del Riego.

Ademais de investigar e xogar en torno á figura de Don Paco, tamén preparamos, voluntariamente, contos para os compañeiros. Neste vídeo podedes ver un pouquiño o traballo realizado.

Como novidade este curso realizamos unha Andaina "Camiña coa Lingua". Realizamos carteis con palabras en galego, feitos de material de refugallo, e asistimos ao concentro de Ce Orquestaa Pantasma.

2º CONSELLO DE NENAS E NENOS

O consello de nenas e nenos é un espazo moi especial no que todo o alumnado, por medio dos representantes de cada clase, teñen voz e voto para decidir cousas do cole. Neste último consello tomáronse moitas decisións de cara a fin de curso. É moi interesante escoitar ao alumnado, e recordarlles que o que se fai no cole é por e para eles.

 

IX FEIRA DO LIBRO USADO!

De novo voltamos coa Feira do Libro Usado na alameda de Marín. Este curso é especial porque tócanos organizala xunto co cole de Ardán e as ANPAS dos dous coles e porque é unha actividade máis do noso proxecto RqueR.

E xa temos os vales preparados para que poidades participar!

Pasade pola biblio para recollelos e darlle unha nova vida ós libros!!