Un ano máis, os Equipos de dinamización lingüística do Morrazo elaboramos unha guía chea de ideas para facer agasallos en galego: libros, música e incluso xogos, organizados por idades. Jhosua XanBreo foi o ilustrador que este ano se encargou de darlle vida ás guías. Joshua é o propietario de "Gáidil", un espazo friqui, en Bueu, que é unha tenda de cómics e unha aula creativa na que da clases de debuxo, pintura, cómic e ilustración para nenos e maiores. Premede na ilustración se queredes coñecer un pouco máis sobre Gáidil.
O día 22 todo o alumnado levou para casa a súa guía, a cal inclúe recomendacións para adultos, que esperamos que vos resultase útil. Deixámola tamén por aquí por si queredes compartila, que aínda hai que darlle ideas aos reis.
Ademais do festival de Nadal que xa compartimos con vós (premede AQUÍ si queredes velo), a última semana de clase tivemos moitas actividades especiais para todo o alumnado, dende 3 anos ata 6º, encántanos o Nadal!
O día 20 a chuvia deunos unha tregua e puidemos desfrutar do tren do Nadal que o concello mandou ata Seixo para facernos pasar unha mañá diferente e divertida.
O día 21 a hora da merenda foi moi especial, sobre todo porque foi compartida, e encántanos montar unha mesa común e compartir as nosas merendas: así saben mellor!
O último día a ANPA fixo chegar a todos os socios un agasallo moi especial que nos axudará a seguir RqueR: unhas tazas personalizadas (cos nomes) para usar nos días especiais e evitar usar vasos de tirar, encantáronnos!!
Para estrealas, a ANPA endulzounos cun rico chocolate con churros co que, literalmente, chupamos os dedos.
E non podíamos despedir o trimestre sen unha visita máxica que nos fixo mooooita ilusión. Mamá Noel pasou polo cole a saudarnos e repartir máis emoción e ilusión nestes días tan especiais.
Graciñas a ANPA Abelendos porque sen elas nada disto sería posible: sodes as mellores!
Despois destes anos, nos que non puido ser posible, por fin nos puidemos volver a xuntar e desfrutar do Festival no cole. Que alegría tan grande poder compartir con todas e todos vós esta tradición!
Non queremos perder máis tempo así que por aquí vos deixamos xa a actuación dos máis pequeniños do cole...
Un coro anxelical que trae para nós...
O PELO ROXIÑO
Cambiamos agora de estilo e temos para vós unha danza. Un baile que van facer as nenas e nenos de 2º de primaria e que eles mesmos vos van presentar...
As nenas e nenos da clase de 4 anos vanvos cantar agora unha panxoliña. Para todas e todos vós...
A CAMPÁ QUE RESOA
A continuación o alumnado de 4º de primaria, acompañados do profe Tano, van cantar unha panxoliña "OS REIS DE ORIENTE" unha panxoliña cunha letra mli divertida, prestade moita atención!
MARCHEMOS ALEGRES é o título da panxoliña que teñen preparada para todas e todos vós as nenas e nenos da clase de 5 anos...
Ides poder presenciar agora un dos bailes máis típicos destas festas de Nadal a cargo das nenas e nenos de 5º de primaria...
ALL I WANT FOR CHRISTMAS IS YOU
A LUZ DO NADAL é a panxoliña que teñen preparada as nenas e nenos de 3º de primaria. desfrutádea!
Agora é o turno das nenas e nenos de 1º de primaria que traen, para todas e todos vós, unha panxoliña mi divertida... Ollo porque parece ser que hai un incendio!
BOMBEROS A BELÉN
Durante o Festival fixemos unha pequena parada para facer un sorteo dunha cesta de Nadal. Como todas e todos saberedes as nenas e nenos de 6º de primaria marchamos á volta das vacacións de Nadal a esquiar a Leitariegos (León), unha viaxe de fin de etapa moi moi especial que xa temos moitas ganas de que chegue...
Por aquí vos deixamos o sorteo no que o número premiado resultou ser o... 1.317
E por aquí a foto oficial da entrega da cesta... na que a gañadora resultou ser Carmen (avoa de Carlota da clase de 6º de primaria). E como ela non puido estar presente, a súa filla Nati (mamá de Carlota) foi a encargada de recollela...
QUE A DESFRUTEDES!!!
E imos chegando ao final do Festival que con tanta ilusión vos preparamos... Temos agora para vós a actuación da nosa clase de 6º de primaria. Unha actuación diferente na que dun baile titulado FELIZ NAVIDAD a ritmo de merengue quixemos facer con todos os asistentes unha super masterclass de zumba... Desexamos que vos guste!
Que ben o pasou o público!
E como xa empeza a ser tradición o Festival, un ano máis, non podía rematar sen a actuación das mamás da nosa ANPA Abelendos que un ano máis nos quixeron sorprender cunha panxoliña tradicional totalmente adaptada á actualidade. Por aquí vola deixamos!
E por último, e non contábamos con esta actuación, os profes do cole quixeron sorprendernos cunha panxoliña e cantaron e tocaron para todas e todos nós CAMPANA SOBE CAMPANA cunha letra moi adaptada ao RqueR deste ano...
O alumnado de 6⁰ tivo a iniciativa de facer un "amigo invisible" RqueR, aproveitando e reciclando materiais para crear obras artísticas e pequenos detalles para regalarlles aos compañeiros e compañeiras.
Que orgullo de nenos que, ademais de ser comprometidos co medio ambiente e co proxecto de reciclaxe, son un claro exemplo de xenerosidade, compañeirismo e amizade. Recórdannos a importancia do valor de dar e compartir... e é que non só o alumnado aprende no cole, senón que os maiores tamén aprendemos dos pequenos.
Alumnado, conserxe, limpadoras, ANPA, persoal do comedor, plan madruga, profesorado... todos e todas os que formamos o CEIP de Seixo deixamos a árbore do cole cargada cos mellores desexos. Esperamos que se repartan por todo Seixo, por todo Marín... polo mundo enteiro!!
Un Nadal RqueR, un Nadal que nos fai soñar e no que, incluso unhas botellas que irían directas ao lixo, acaban convertidas nunha marabillosa árbore colaborativa: BO NADAL!
Este mes, os obradoiros no recreo, dedicámolos a facer adornos de Nadal para poñer o cole preciosísimo!! Por suposto, fixemos adornos de Nadal con material de refugallo, porque é posible facer cousas chulísimas sen ter que mercar material. Así que, todos os que quixemos, apuntámonos para facer arte reciclada nos recreos... e que ben o pasamos!
A semana pasada foi unha semana moi rara, con 2 festivos polo medio. Aproveitando que era unha semana especial, nós quixemos convertela nunha semana especialmente especial facendo actividades diferentes, que ademais estamos en Nadal e o corpo pide celebracións.
Foi unha gran festa a saída que fixemos, porque pechamos as portas do cole e todos xuntos, dende 3 anos ata 6º, marchamos ao cine a ver unha peli. Ademais, recollendo unha das propostas que fixo o alumnado no consello de nenos, os maiores foron acompañando ao alumnado de infantil, e foi realmente un acerto facendo o día aínda máis especial. Que emocion saír todos xuntos, que alegría compartir as actividades especiais. Pasámolo pipa!
Realmente somos afortunados pola situación do noso cole, non so temos cerquiña moita variedade da natureza: río, praia, monte... pero tamén o cine, o mercado, correos, supermercado....
E non nos queremos olvidar de dar as gracias, unha vez máis, a ANPA Abelendos que financiou parte da entrada aos socios.
Por fin chegou o día do primeiro Consello de nenas e nenos deste curso: tiñamos moitas ganas e moito que falar. Dous representantes de cada clase xuntámonos co equipo directivo, con Tano, Graciela e Ana, para contarlles o falado nas asembleas de cada clase... e o tempo pasounos voando!
Segundo a orde do día comezamos falando de propostas para facer todo o cole no noso proxecto R que R e saíron ideas moi boas e prácticas para levar a cabo entre todos.
Despois falamos sobre os obradoiros nos recreos, unha novidade deste curso que todos valoramos positivamente, porque nos encantan, tanto que tiñamos un montón de propostas novas!
Tamén falamos sobre o funcionamento do cole, valorando as cousas boas e vendo as que se poden mellorar.
Sempre levamos ideas e propostas ás que costa resistirse, porque temos ideas fantásticas e moitas inquedanzas... e encántanos que nos escoiten e dean valor as nosas propostas.
Os peques tamén van cargados de ideas e propostas para mellorar o cole.
Unha das cousas nas que coincidimos peques e maiores, é que queremos facer aínda máis cousas xuntos, axudarnos un aos outros... os pequenos queremos estar cos maiores e os maiores queremos axudar cos pequenos, e do consello sacamos algunhas propostas prácticas.
O consello tamén nos serve para preguntar porque algunhas cousas funcionan de determinado xeito e axúdanos a entender cousas que sin preguntar non entenderíamos. Que importante preguntar cando hai dúbidas!
Melloras para o patio, para a biblioteca, ideas para saídas, formas prácticas de coidar a contorna do cole, ideas para estar xuntos e desfrutar máis aprendendo... que delicia escoitarnos uns aos outros!! Agora temos moito que transmitir aos nosos compis.
Novembro é o mes da ciencia e a nós encántanos investigar, experimentar... así que non perdimos a oportunidade de celebralo como se merece: experimentando!! Aproveitamos os obradoiros dos recreos para poñernos mans á obra.
O alumnado de primaria experimentamos cun fluido non newtoniano, vamos que non cumple as caracteristicas dos fluidos que dicía Newton (como a auga). Un fluido moi extraño que si o tocas con suavidade é liquido pero si lle das con forza é duro!
Fixémolo reutilizando vasos de iogur así que o levamos para compartir na casa... é un fluido alucinante!!
Os peques investigamos porque se bota sal na carreteira cando hai xeo, e coa axuda de sal e auga de cores buscamos uns tesouros agochados no xeo... que emocionante!!!
Se premedes AQUI podedes ler a importancia do que se fixo o outro día no cole. O I rastrillo de roupa usada foi todo un éxito. Ademais de darlle unha nova vida a moitas prendas de roupa, pasamos unha tarde moi agradable compartindo tempo entre as familias. Entre todos seguimos RqueR!
En Seixo tamén queremos textis circulares e sostibles, porque os residuos están pasados de moda!
Na semana do Samaín seguimos celebrando o día das bibliotecas e por iso decoramos as portas das aulas con portadas dos contos máis terrorificamente divertidos, e queremos compartir todas as portadas con vós e de paso recomendarvos todos estes contos que nos encantan y igual vos damos algunha idea para os agasallos de Nadal.
Sabiades que para facer un par de vaqueiros fan falta 7.000 litros de auga e que unha camiseta necesita 2.700 litros?, iso equivale ao consumo de auga potable dunha persoa en 2,5 anos.
A Semana Europea da Redución de Residuos (EWWR) anima a todos os europeos a levar a cabo accións de concienciación sobre a xestión sostible dos recursos e os residuos durante unha semana de novembro.
Este ano está dedicada á industria téxtil e da confección, que é un dos sectores máis contaminantes, xunto coa vivenda, o transporte e a alimentación.
E aí entra o RASTRILLO que faremos no cole, onde faremos que roupa usada siga circulando e sexa máis sostible.
A Semana Europea da Redución de Residuos traballa coa xerarquía de residuos. As accións levadas a cabo na EWWR céntranse nas 3R: promovemos a REDUCIÓN do consumo, a REUTILIZACIÓN de produtos e materiais, e a RECICLAXE de residuos. Estas son as principais Rs a ter en conta á hora de revalorizar os hábitos de consumo... aínda que hai moitas máis, que xa sabedes que este curso andamos RqueR descubrindo a importancia de todas as Rs.
A contaminación que produce o sector téxtil débese ao forte impacto que ten sobre o uso da terra, a contaminación da auga e mesmo as emisións de gases de efecto invernadoiro. Este sector ten un alto impacto ambiental e social en todas as fases: desde a produción ata a distribución, o uso e o uso posterior (recolección, clasificación, reciclaxe e xestión final de residuos, que na súa maioría está relacionada coa incineración e os vertedoiros).
O alumnado de 2º de primaria estivo a investigar un pouco sobre algunhas zonas de Marín e da nosa parroquia de Seixo. Non puidemos falar de todas as cousas fermosas que temos, pero esperamos que disfrutedes co video.
Con motivo do día contra a violencia de xénero (25 de novembro), o alumnado de 2º de primaria elaborou un pequeno video onde expresan o seu NON a todo tipo de violencia, e por suposto tamén á violencia de xénero.
Deunos mágoa non contar con todo o alumnado por causa dos virus. Estarán no próximo.
Este ano desfrutamos o día da música cunha visita moi pero que moi especial: a banda de música Marín! Que afortunados por poder compartir unha mañá con eles coñecendo os instrumentos e desfrutando de boa música.
Cada músico presentou o seu instrumento e nos explicou cousas sobre el, ademais de tocarnos pezas que nos encantaron e que coñecíamos moi ben! Aquí tendes un resumo para que poidades coñecer os instrumentos da banda.
E tamén nos deleitaron con moitas cancións que coñecíamos ben e que cantamos con eles, como esta da Banda sonora de "Encanto", porque... quen non coñece a canción de Bruno? E non vos perdades o colofón: Sabrín, a nosa compi de 6º, convertiuse en directora da banda!!
Outra que coñecíamos ben, maiores e pequenos, é a de Bob Esponja!
Que fermosa sonaba esta canción de Frozen tocada pola banda, son uns artistas!
E desfrutamos de moitas cancións máis, houbo tempo para Piratas, superheroes... pasámolo xenial!
Animamos a todas as familias a unirse á banda de música, aquí tendes a información que levaron para casa. Encantaríanos ter máis músicos no cole: animádevos!!!
ACTIVIDADE APRAZADA PARA O 29 DE NOVEMBRO DEBIDO Á FORTE CHUVIA PREVISTA PARA O MARTES 22
O cole e a ANPA seguimos RqR na labor de Reducir, Reutilizar, Reciclar…
E que mellor xeito que dando unha segunda vida a esas prendas que xa non nos valen..!?
Así que queremos convidar ás familias ao primeiro Rastrillo de roupa de segunda man!!
O martes 22 de Novembro, a partir das 16h, trae todas esas prendas e monta o teu posto para que outras familias collan o que precisen, e ti e os teus fagades o mesmo noutros postos onde seguro atoparemos oportunidades fantásticas.
Porque a roupa que xa non mos vale pode seguir dando un fantástico servicio.
A roupa que non tope familia levarémola a un punto de recollida.
Aproveitemos o cambio de estación e o medrío para renovar os armarios!!
Dentro do noso proxecto RqueR queremos aprender a coidar mellor a natureza, e por iso a visita dos bombeiros forestais foi tan especial e aprendemos un montón!! Son uns auténticos heroes e heroínas que coidan dos nosos montes, que faríamos sen o seu traballo? fan unha labor moi importante e difícil.
Ensináronnos os seus camións, puidemos escoitar a serea e ver como fan para apagar o lume coas mangueiras, e non so o vimos: tivemos a oportunidade de probalo! Que emocionante e divertido ser bombeiros por un ratiño!
Despois explicáronnos o que había nunha exposición que montaron para ensinarnos a valorar a riqueza dos nosos montes, para coñecer mellor as árbores, os animais que viven no monte... e tamén puidemos ver as ferramentas que usan para apagar o lume. Foi moi divertido practicar cunha das ferramentas que máis utilizan, os batelumes: Seixo está a salvo!!
Para rematar xuntámonos na biblio cun bombeiro e cunha bombeira que compartiron cousas moi interesantes con nós e puxéronnos uns vídeos para seguir aprendendo.
Foi unha actividade fantástica na que os bombeiros forestais adaptaron as súas explicacións á idade de cada grupo, sempre con moita paciencia e simpatía. Foi xenial coñecer máis de cerca o seu traballo, porque ademais de coidar dos nosos montes saben transmitir o amor por eles. Mil grazas por ensinarnos máis formas de seguir RqueR!
O venres desfrutamos do magosto ao 100%, e volvemos a compartir castañas e xogos, os maiores cos pequenos, como tanto nos gusta, pasámolo pipa!
E como seguimos RqueR, cada un fixo o seu cesto das castañas reciclando cartóns de leite, de zume... e quedaron fantásticos!
Por suposto comezamos o magosto enchendo ben o peteiro de castañas asadas: deliciosas!!
E se as castañas estaban tan boas foi grazas ás castañeiras da ANPA Abelendos que as fixeron e serviron con moito cariño... e tamén fixeron de maquilladoras!!! Grazas sempre pola vosa axuda e disposición, sen vós non sería posible.
E por suposto, co bandullo ben cheo, xogamos e xogamos, nun día de San Martiño soleado e caloroso. E nun día tan fermoso coma este só podemos estar agradecidos polo incrible patio que temos: é un tesouro!
Que afortunados somos por ter as familias máis molonas do mundo mundial! Graciñas a todas as mamás que viñeron ao cole a contar contos. Graciñas pola súa valentía e por sen tan enrolladas: pasámolo pipa! Estamos felices recuperando a normalidade que nos permite compartir momentos coas familias. Graciñas tamén ao alumnado de 4º que preparou contos para os compis máis pequenos. Que vivan os contos!!
Canto nos gusta desfrutar as festas ao 100%, sen restricións e coas familias no cole, que alegría!!
Esta semana de Samaín fixemos un montón de cousas e pasámolo pipa!!
Tivemos o cole decorado moi chulo, e dámoslle moitísimas grazas a todo o alumnado, que fixo cousas chulísimas, e a ANPA Abelendos polo traballazo que fixeron e por darlle un toque especial ao cole con cores e cousas divertidas.
E por suposto, outro ano máis, desfrutamos coas creacións feitas en familia coas cabazas: menuda tropa de artistas temos en Seixo!!
Un dos días fixemos a lectura ás escuras...
Sempre é un éxito e pasámolo xenial lendo coas lanternas!
Despedimos a semana con merendas terrorificamente deliciosas... non deixamos nin as migas! Ademais puidemos compartilas e así saben aínda mellor!!
Poder recibir outra vez ás familias, para contar contos, foi moi emocionate, tanto que merece unha entrada aparte: estade atentos!!!
O mércores 26 de outubro recibimos a visita do Clube Marín Futsal. O alumnado de 3º e 5º de Educación Primaria desfrutaron dunha sesión co coordinador da base, Jabugo, o adestrador do equipo da 1ª División Feminina, Ramiro López e dúas das xogadoras, Bea Mateos, natural de Salamanca ,e Ale de Paz, natural de Neda (A Coruña) e que acaba de participar no Preeuropeo feminino de Finlandia onde España conseguiu o billete para a fase Final6 de marzo.
O obxectivo desta visita é promocionar o fútbol sala femenino, o clube e compartir co alumnado experiencias vividas coa práctica do deporte.
A sesión tivo dúas partes: a primeira de charla, onde se falou das características deste deporte, nº de xogadores/as, terreo de xogo, posicións,... e a segunda de práctica, onde o alumnado desfrutou de pequenos partidillos xunto coas xogadoras no ximnasio do centro.
Para finalizar, as xogadoras repartiron entradas para o partido deste sábado 29 de outubro entre o Marin Futsal e a AD Alcorcón no pavillón da Raña ás 17 horas.
Dende o CEIP de Seixo, agradecemos a visita ao clube Marín Futsal e desexámoslle moita sorte para este partido e o que resta de liga.
.jpg)
