OS NOSOS MAIORES

 Para rematar o trimestre o alumnado de quinto foi a coñecer dende dentro un centro de día.

Despois de indagar sobre as diferentes formas en que as familias concilian traballo e o coidado dos nenos e dos maiores, descubrimos que estes centros son coma unha escola na que os maiores pasan a mañá ou a tarde realizando diferentes actividades.

Invitáronnos a visitar o centro de día Pescadoira de Bueu. Fixemos a viaxe no bus de liña, toda unha experiencia pagar o noso billete!

No centro de día recibíronnos Gema, Rosa, Ángela e Miguel para mostrarnos as diferentes estancias do centro. Despois compartimos cos usuarios e usuarias do centro unhas actividades plásticas moi divertidas. Despois de merendar, ensináronnos como levantan e baixan ás persoas que teñen pouca movilidade; e para rematar a mañá, fixemos un pouco de ximnasia cos usuarios e usuarias do centro.

Grazas por unha fermosa mañá. Agora esperamos a súa visita no noso centro. Ata pronto!

DESPEDIMOS O 2º TRIMESTRE

Despois dun longo trimestre chegou o día de despedirnos, e non se nos ocorreu mellor forma que compartindo unha andaina na que, todo o alumnado e o profesorado, demos un paseo pola contorna do cole, somos afortunados por estar tan ben situados! E despois da andaina compartimos unhas roscas para chupalos dedos.

Tamén houbo ovos de chocolate para todos. A tropa de infantil tivo que buscalos porque o coelliño de Pascua é moi xoguetón e agochounos por todo o patio!

FELICES E MERECIDAS VACACIÓNS!

 DESFRUTADE MOITO E RECARGADE AS PILAS A TOPE!

RCP POLO DÍA DA SAÚDE

Con motivo do día da saúde, visitáronnos Alberto e Belén, voluntarios de Protección Civil, que compartiron con todo o alumnado, adaptándose as diferentes idades, cousiñas básicas de primeiros auxilios: aprender o número de emerxencias, que facer si presenciamos un accidente, RCP....

Graciñas pola vosa cercanía: aprendemos moito!

TEÑO UNHA CANCIÓN PARA TI (6ª TEMPORADA_7_8_9)

Continuamos con unha nova entrega.

Dende A VOZ DE ARNALDO....

TEÑO UNHA CANCIÓN PARA TI

O programa da música dedicada!

Deixámosvos por aquí novas entregas desta 6ª edición...

7º PROGRAMA

 8º PROGRAMA  

9º PROGRAMA

Dende...

A VOZ DE ARNALDO

continuaremos coa música en directo nos recreos!

EXPLICANDO AS PLANTAS CON "CHROMA"

 O alumnado de 5º estivo a preparar o tema "As plantas" e o presentaron na pantalla verde que temos no cole para facer Chroma. 

Aínda que non resultou nada sinxelo iso de sinalar o revés, e coordinar as explicacións coa pantalla, o resultado gustounos moito. Aquí deixamos o video a cámara algo rápida para mostrar o seu traballo.

UN POUCO DE POESÍA

O alumnado de quinto de primaria recita o biopoema sobre Rosalía de Castro escrito por Alba de Evan e outros autores. 

Ademáis deixamos outro video de pequenos poemas feitos por eles, individualmente e en equipo, xunto algún poema de autores xa consagrados.

Esperamos que vos gusten. 

VIAXE A SAN ISIDRO 5º E 6º DE PRIMARIA

Por aquí vos deixamos un pequeniño recordo dunha viaxe inesquecible.

Un grupo que realizou unha aprendizaxe de esquí enorme ao longo de catro fermosos días na Estación de Esquí de San Isidro en León. 

Compartimos con vós un vídeo no que se pode ver o ben que o pasamos e o moito que evolucionou a nosa aprendizaxe dende o principio ata o fin.

 

E por último unha montaxe con todas as fotos que se fixeron ao longo da viaxe. Moreas de recordos que xamais esqueceremos... 

 

Rapazas e rapaces! Para nós foi un auténtico pracer tervos acompañado nesta experiencia inesquecible!

 

ESPERTANDO VALORES (II)

Esta semana o alumnado de 3 anos traballou o conto "El hada de la suerte" do libro "De mayor quiero ser... feliz". Éste libro é moi recomendado para que tódolos nenos e nenas o teñan na casa xa que lles presentan situacións e historias que eles mesmos van a ter que enfrontar na súas vidas, e co traballo e reflexión destas historias axudarémoslles a xestionar mellor todos os conflitos que lles poidan xurdir e que así medren emocionalmente sans.

 Fixérono xenial e súper comprometidos! Éste traballo fíxose para compartir co resto do alumnado do cole para que así tamén entendan a importancia de ser agradecidos con todo o que temos.

INFANTIL E 1º CICLO DE CONCERTO

O alumnado de infantil e 1º ciclo desfrutamos dunha xornada moi fermosa en Pontevedra na que nos acompañou un solazo moi gustoso. Comezamos facendo unha viaxe en bus que sempre é emocionante, despois xogamos moito nun parque chulísimo onde merendamos de pícnic. Para rematar a mañá, no Pazo da Cultura, desfrutamos dun concerto didáctico da orquestra sinfónica de Pontevedra: "In Gallaecia, Mulieres Mythorum", no que, ademais de boa música, houbo teatro, malabares, un gran zancudo... un concerto marabilloso! Aquí vos deixamos un resumo da xornada.

TEÑO UNHA CANCIÓN PARA TI (6ª TEMPORADA_4_5_6)

Continuamos con unha nova entrega.
Dende A VOZ DE ARNALDO....

TEÑO UNHA CANCIÓN PARA TI

O programa da música dedicada!

Deixámosvos por aquí novas entregas desta 6ª edición...

4º PROGRAMA 

 5º PROGRAMA

 

 6º PROGRAMA

Dende...

A VOZ DE ARNALDO

continuaremos coa música en directo nos recreos!

ARGALLANDO NO ENTROIDO

Chegou o entroido a Seixo, e este ano enchémolo de ciencia cuns disfraces feitos con moito traballo e ilusión, poderíamos facer unha comparsa con estes disfraces tan impresionantes!!

Un ano máis saímos a compartir o entroido coas familias e coa xente de Seixo nun desfile que desfrutamos un montón: rimos, cantamos, bailamos...! E por suposto rematamos o desfile cunha merendola chea de delicias de entroido feitas polas familias: para chupalos dedos!

Na praza de Seixo deleitamos a todas as familias e ao vecindario coa nosa canción especial de entroido que tanto ensaiamos para este día!

 

O ano que ven: máis e mellor!!

TEÑO UNHA CANCIÓN PARA TI (6ª TEMPORADA_2_3)

Continuamos con unha nova entrega.
Dende A VOZ DE ARNALDO....

TEÑO UNHA CANCIÓN PARA TI

O programa da música dedicada!

Deixámosvos por aquí a segunda e terceira entrega desta 6ª edición...

2º PROGRAMA

 3º PROGRAMA

 

Dende...

A VOZ DE ARNALDO

continuaremos coa música en directo nos recreos!

O ALUMNADO DE 1º CANTA A ROSALÍA

As nenas e nenos de 1º de primaria celebran a Rosalía de Castro. Un fermoso traballo realizado a partir da cantiga "A Rosalía" (No bico un cantar) do libro-cd de Uxía: "Rosalía Pequeniña".

O ALUMNADO DE 2º RECITA A ROSALÍA

O 23 de febreiro celebrouse o día de Rosalía, e o alumnado de 2º traballou algún dos seus poemas que recitaron así de ben.

ENTROIDO 2025: CHEGA O MANDADIÑO!

Un ano máis está a piques de chegar o ENTROIDO ao Cole de Seixo e con el as tan esperadas ordes do MANDADIÑO.
Compartimos con vós o cartel deste ano e todas as ordes para que as teñades en conta...

ORDES DO MANDADIÑO

TEÑO UNHA CANCIÓN PARA TI (6ª TEMPORADA_1)

Un ano máis damos comezo ao programa de radio máis esperado do Concello de Marín....
Dende A VOZ DE ARNALDO....

TEÑO UNHA CANCIÓN PARA TI

O programa da música dedicada!

Deixámosvos por aquí a primeira entrega desta 6ª edición...

1º PROGRAMA

 

Dende...

A VOZ DE ARNALDO

continuaremos coa música en directo nos recreos!

CELEBRAMOS O DÍA DA RADIO FACENDO RADIO!

Este ano celebramos o día da radio cun obradoiro que desfrutamos grazas ao programa "Radio na biblio". Este ano todas as clases fixemos un obradoiro con Daniel Hofkamp. Daniel estudou xornalismo en Santiago de Compostela e exerceu en distintos medios de comunicación. Actualmente continúa colaborando coa Radio Galega e traballa en medios dixitais. E algo moi importante no seu currículo é que tamén foi alumno do CEIP de Seixo!

Adaptándose a cada idade, Daniel achegou a todo o alumnado á radio. Ademais de ver e tocar diferentes elementos que se usan na radio (micros, cascos, cables, mesas de son...) cada aula fixo un programa. Segundo a idade fixéronse pequenas investigacións, entrevistas... esprememos o tempo a tope! Neste vídeo tendes un resumo de canto traballamos. 

 

Aquí tendes todos os programas, que non teñen desperdicio. Se fixemos isto en tan pouco tempo, imaxinade o que podemos chegar a facer! Graciñas Dani pola túa guía e acompañamento: pasámolo pipa! Dende logo a radio ten algo máxico!

XORNADA DE PORTAS ABERTAS

DÍA DA RADIO, DO AMOR E DA AMIZADE

Un ano máis e como non podía ser doutra forma unha nova edición de...

TEÑO UNHA CANCIÓN PARA TI

está en marcha!

No Cole de Seixo celebraremos o Día da Radio dun xeito moi especial! Prestade moita atención!!!

O recuncho da amizade e do amor xa está preparado!

Agora só queda encher o buzón coas vosas dedicatorias!

Prestade moita atención porque na hora do recreo emitiranse os programas en directo dende...

A VOZ DE ARNALDO!

Dende o cole de Seixo queremos coidar moito as cancións que escoitamos prestándolle moita atención as súas letras. 

Por iso queremos que dende as casas se faga un traballo previo no que cada nena e neno saiba pasar un filtro a aquela canción que desexa que se escoite na radio. Así evitaremos censuras e todas as dedicatorias poderán ser escoitadas en A Voz de Arnaldo.

E xa sabedes... pode que eu...

teña unha canción para vós!

VI CARREIRA SOLIDARIA: SEIXO CON VALENCIA!

Como xa vos contamos AQUÍ, a carreira deste ano dedicámola a colaborar cun cole de Valencia afectado pola DINA, o CEIP Carme Miquel. Un ano máis foi unha xornada moi especial na que moitas familias nos acompañaron animando, correndo... igual que a Galiña Azul coa que desfrutamos compartindo esta actividade.

 

Aquí tendes un vídeo resumo de todas as carreiras, e da reunión da comisión económica, que fixo reconto da xenerosidade de todas as familias, o alumnado e o profesorado: Seixo con Valencia!!

Despois da carreira, compartimos unha merecida merenda para recuperar enerxías. Por suposto, grazas tamén ao super Camar e a augas San Xinés pola súa colaboración, un ano máis, coa froita e as augas. Graciás tamén a ANPA pola súa colaboración sempre, e ao Concello por cedernos o arco.

Como se viu no vídeo, a comisión económica, con representación de todas as aulas, reuniuse para facer o reconto que nos deixou coa boca aberta: 1.261,84€ cos que se mercarán xogos didácticos e materiais concretos que necesitan no centro. Estamos alucinados e moi agradecidos coa xenerosidade e solidariedade das familias de Seixo: graciñas! Pronto faremos o envío de todo o material, xa vos contaremos!

En 12 meses imos a pola VII!!

ESPERTANDO VALORES (I)

 Dende a área de convivencia apostamos polo traballo da literatura infantil para traballar valores que consideramos necesario espertar nas nenas e nenos, xa que o alumnado conecta moito con estas historias e a posterior reflexión fai que se poñan nas diversas situacións o que favorece a asimilación destes valores e a súa posterior integración na súa propia conduta. Así tamén se analizan outros aspectos non aptos socialmente, ou o traballo das emocións e a súa xestión.

 Os nenos e nenas de 4º de primaria, traballaron o conto "Yo primero" de Miriam Tirado. De xeito voluntario algúns animáronse a grabalo na radio para así poder compartilo co resto de clases do cole. Fixérono realmente ben!

Con este conto traballamos aspectos como a propia individualidade e o exceso de protagonismo así como a necesidade de ter en conta aos demais, o control de impulsos, a tolerancia a frustación e estratexias de relaxación e volta a calma.

 

A clase de tres anos traballou o conto "La revancha" contextualizado na semana da carreira da paz. Este conto da lebre e a tartaruga enseñounos valores como a constancia, o esforzo, a resolución de problemas ante adversidades e sobre todo a non ser vanidosos.

 

CONSELLO DE NENAS E NENOS

 O consello de nenas e nenos reuniuse e, por primeira vez, foi retransmitido en directo para todo o alumnado do cole. 

Unha das decisións importantes tomadas neste consello, a partir do falado nas asembleas de aula, foi colaborar, na carreira da paz, cun cole de Valencia. Sempre é unha delicia escoitar ao alumnado para compartir preocupacións, buscar solucións, planificar actividades... somos un equipo!

VI CARREIRA SOLIDARIA

Un ano máis estamos organizando para o DÍA DA PAZ a VI CARREIRA SOLIDARIA “Corre con Arnaldo”. Trátase dunha carreira solidaria, que terá lugar o XOVES DÍA 30 a partir das 11:00 (se o tempo o permite). 

Este ano propuxemos ao alumnado axudar a un colexio de Valencia afectado pola DINA e, todas as aulas, en asemblea, decidimos ir adiante coa proposta, o cal será reflexado no consello de nenos.

Así que, un ano máis, queremos pedir a vosa axuda, esta vez para colaborar co CEIP Carme Miquel de Algemesí, convertendo esta carreira nun verdadeiro símbolo de PAZ. Premede na seguinte foto e poderedes ver un anaquiño do vídeo que compartimos co alumnado para coñecer un pouco máis sobre a situación deste cole.

  

O seu cole está en Algemesí, xusto ao lado do río Magre que desbordou coa DINA. O centro quedou tan afectado que teñen que derruílo e non poderán volver a construílo alí. Agora mesmo están acollidos noutro centro no que, o mellor que poden, continúan as clases. Falando co profesorado contáronnos que lles chegou material educativo de outras doazóns, pero o que botan en falta son xogos didácticos, como os que temos na biblio. Pensamos que, para non metervos no gasto de mercar xogos, o mellor sería recadar cartos (cada familia segundo as súas posibilidades) e, con todo o que xuntemos, nós encargarémonos de mercar os xogos favoritos do alumnado de Seixo, que seguro que tamén triunfarán co alumnado do Carme Miquel.

Os nenos e nenas, a partir do luns 27, poden traer un donativo (anónimo e voluntario segundo as posibilidades de cada familia), que será o pago simbólico para participar na carreira, e, con todo o recadado, mercaremos xogos didácticos e materiais concretos para mandar a Valencia.

Pero aínda hai máis... como todos os anos, se as familias queredes participar, acompañando aos nenos e nenas, podedes facelo e, si queredes, podedes aportar un donativo o propio día da carreira.

Animádevos a participar!!

CORRE CON ARNALDO POR UNHA

CAUSA SOLIDARIA!!!

PARABÉNS PARA TI

Continuamos nos recreos coas celebracións dos ANIVERSARIOS das nenas e nenos do cole!

No día de hoxe, celebramos o aniversario de:

- Sergio

- Tomé

- Brais

- Óscar

- Raquel

- Yolber

- Iago

PARABÉNS PARA VÓS RAPAZADA!

PARABÉNS PARA TI

Continuamos nos recreos coas celebracións dos ANIVERSARIOS das nenas e nenos do cole!

No día de hoxe, celebramos o aniversario de:

- Laura Piñeiro

- Leo

- Hugo

- Uxía

- Enzo

PARABÉNS PARA VÓS RAPAZADA!

CALENDARIO 2025

Argallando ando é o proxecto no que estamos metidos este curso no que estreamos o Argalladoiro, unha aula na que podemos cociñar, facer experimentos, construcións... é dicir: argallar!!

Cada clase encargouse de ilustrar un mes con algo relacionado coa ciencia... non perdades detalle!

Algúns xa o están espremendo nas aulas e outros levarano para casa con algúns consellos para sacarlle partido: poñédeo nun lugar especial que seguro que lles fai ilusión!!