Un ano máis estamos organizando para o DÍA DA PAZ a VI CARREIRA SOLIDARIA “Corre con Arnaldo”. Trátase dunha carreira solidaria, que terá lugar o XOVES DÍA 30 a partir das 11:00 (se o tempo o permite).
Este ano propuxemos ao alumnado axudar a un colexio de Valencia afectado pola DANA e, todas as aulas, en asemblea, decidimos ir adiante coa proposta, o cal será reflexado no consello de nenos.
Así que, un ano máis, queremos pedir a vosa axuda, esta vez para colaborar co CEIP Carme Miquel de Algemesí, convertendo esta carreira nun verdadeiro símbolo de PAZ. Premede na seguinte foto e poderedes ver un anaquiño do vídeo que compartimos co alumnado para coñecer un pouco máis sobre a situación deste cole.
O seu cole está en Algemesí, xusto ao lado do río Magre que desbordou coa DANA. O centro quedou tan afectado que teñen que derruílo e non poderán volver a construílo alí. Agora mesmo están acollidos noutro centro no que, o mellor que poden, continúan as clases. Falando co profesorado contáronnos que lles chegou material educativo de outras doazóns, pero o que botan en falta son xogos didácticos, como os que temos na biblio. Pensamos que, para non metervos no gasto de mercar xogos, o mellor sería recadar cartos (cada familia segundo as súas posibilidades) e, con todo o que xuntemos, nós encargarémonos de mercar os xogos favoritos do alumnado de Seixo, que seguro que tamén triunfarán co alumnado do Carme Miquel.
Os nenos e nenas, a partir do luns 27, poden traer un donativo (anónimo e voluntario segundo as posibilidades de cada familia), que será o pago simbólico para participar na carreira, e, con todo o recadado, mercaremos xogos didácticos para mandar a Valencia.
Pero aínda hai máis... como todos os anos, se as familias queredes participar, acompañando aos nenos e nenas, podedes facelo e, si queredes, podedes aportar un donativo o propio día da carreira.
Animádevos a participar!!
CORRE CON ARNALDO POR UNHA
CAUSA SOLIDARIA!!!
