venres, 15 de maio de 2020

A VOZ DE ARNALDO NA CORENTENA

Hoxe non hai traballo dos titores! Hoxe toca prestar moita atención e animarse a participar no que vos imos propoñer!
A nosa emisora leva demasiado tempo parada e Arnaldo xa non aguanta máis! Precisa a vosa axuda, a de todos: alumnado e profesorado, para que as ondas de Seixo se enchan de galego... 

e que mellor día que o 17 de maio? Lembrades que pasa ese día...? 

O DÍA DAS LETRAS GALEGAS!

(Imaxe de primaveradasletras.gal)
Por iso vos queremos propoñer elaborar un programa super chulo en A VOZ DE ARNALDO dende as nosas casas!
É moi doado! Só teredes que coller os vosos teléfonos móbiles, gravar un audio no whatsapp e envialo ao seguinte teléfono do cole: 696 10 70 27. 
Tendes todo o día de hoxe, venres 15, para facelo.

É moi sinxelo, fixádevos ben e seguide o seguinte exemplo:
EU SON..... (nome de cada un) DE.... (dicir o nome da clase) E A PALABRA GALEGA QUE MELLOR ME DEFINE É... (cada un ten que dicir nunha palabra en galego)

Exemplo do Profe Tano:
EU SON TANO PROFE DE MÚSICA E A PALABRA QUE MELLOR ME DEFINE É FESTEIRO.
Exemplo dun alumno/a:
EU SON CAYETANO DE 3º E A PALABRA QUE MELLOR ME DEFINE É AGARIMO.

*Lembrade que tendes que facelo e envialo durante o día de hoxe, venres 15*
ANIMÁDEVOS! 
XA VEREDES QUE PROGRAMA MÁIS CHULO IMOS MONTAR! 

Ningún comentario:

Publicar un comentario