XI FEIRA DO LIBRO USADO

Presentámosvos a XI edición da...

FEIRA DO LIBRO USADO

Agardamos a vosa participación!

FESTA DA LINGUA 2025

O 17 de maio, día das Letras Galegas, é unha data moi especial no calendario. É unha forma de homenaxear a quen contribuíu a darlle prestixio á nosa lingua e a combater os prexuízos. Este ano dedícase ás cantareiras, as grandes transmisoras e conservadoras da cultura oral galega. E, un ano máis, celebrámolo cos compis do cole de Ardán: o rural de Marín unido polo galego! 

 

Fixemos unha andaina ata A Pradeira, e este ano foi unha andaina moi especial acompañados coa gaita grazas a Sergio, o pai de Leo e Olivia; e a María, a filla de profe Elena, que nos amenizou coa pandeireta, graciñas aos doús pola vosa compañía nesta festa. Ademais Sara, de 6º, a profe Bea e a profe Sabela, tamén nos deleitaron coas súas pandeiretas. E máis instrumentos nos acompañaron na andaina: cunchas, craves... unha delicia de paseo!

Fomos ata A Pradeira, onde cada ano nos abren as portas con moito cariño. Alí xogamos e desfrutamos do entorno e tamén da convivencia e da música tradicional galega con AC POLAVILA METALXIS. Ademais de coñecer moitos instrumentos tradicionais, como os que usaban as cantareiras, bailamos e cantamos a canción que ensaiamos co profe Tano. Unha festa marabillosa!

A AXUDA PARA O CEIP CARME MIQUEL POR FIN ESTÁ EN VALENCIA

Como xa sabedes, a Carreira do Día da Paz que se celebra no cole de Seixo, este ano estaba destinada a colaborar con xogos didácticos e material escolar para o CEIP CARME MIQUEL de Algemesí (Valencia), un colexio afectado pola DANA. Podedes lembrar a carreira premendo AQUÍ.

E, por fin, despois de xuntar todo o material e de facer unha morea de xestións... podemos dicir que a nosa colaboración xa está no seu destino!!

Ademais dos materiais e os xogos, cada clase preparou mensaxes para as clases do cole de Valencia, para mandar mensaxes persoais e especiais de ánimo. Dende o CEIP Carme Miquel mandaron de volta mil agradecementos, quedaron sen palabras vendo a xenerosidade dos Galegos! Dixéronnos que foi unha axuda que precisaban moito e que non teñen palabras para agradecelo. 

Por aquí vos deixamos varias fotos nas que podedes ver todo o material enviado coa recadación, dos 1.261,84 €, que se xuntaran na carreira grazas á xenerosidade de alumnado, familias e profesorado, incluidos os veciños da Galiña Azul.

Aquí hai unha mostra do material escolar enviado, pero eran moitas máis unidades.

Non  queremos rematar esta actividade sen antes agradecer dun xeito moi especial a colaboración de Carlin Papelerías polos seus xenerosos descontos aplicados, A Balea das Cores polas súas doacións e super descontos feitos para este fin, a Correos Marín por todas as súas xestións administrativas e á Librería Arroyo de Ponferrada (a librería da mamá da nosa profe Alexia) por todo o material escolar doado para enviar a Valencia.

GRACIAS POR DEIXAR A VOSA PEGADA!!!

ARGALLANDO NA RADIO DE SEIXO

 O Alumnado de tercer ciclo do noso cole, leva "Argallando" na radio todo este curso co programa  de radio ARGALLANDO EN SEIXO, que xa leva máis de vinte programas falando de diferentes temas, algunha entrevista e acompañados por unha selección musical.

Pincha AQUÍ ou en calquera das imaxes para acceder ao ivoox do cole e escoitar calquera dos programas de Argallando en Seixo, dos aniversarios mensuais, de "teño unha canción para tí"; e todos os podcast que están gravados na plataforma.

Estes programas están feitos integramente polo alumnado, dende a escaleta ata a gravación na mesa de son, e como todos somos novos neste campo, esperamos que desculpedes os nosos fallos.

Grazas por escoitarnos!