xoves, 31 de decembro de 2020

FELIZ ANINOVO... BENVIDO 2021!

Moi bos días! 
Hoxe quero compartir con todas e todos vós este fermoso vídeo que vos estiven preparando!

Dando un paseo polos corredores do cole atopeime cunha morea de manualidades e decoracións feitas por vós! Así da gusto pasar estas vacacións aquí!
Mirade, mirade o que fixeron!

Que chulada! Grazas por deixar o cole así de guapo! 
Aproveito tamén para desexarvos unha Feliz Noitevella e darlle xa a benvida ao novo ano!
A seguir desfrutando das vacacións! 
Vémonos á volta!
ARNALDO

martes, 22 de decembro de 2020

CONTA ATRÁS... 2020 A PIQUES DE REMATAR

Hoxe remata o primeiro trimestre no que nos sentimos intensamente orgullosos de noso alumnado e so temos palabras de agradecemento para eles. Sen dúbida foi un trimestre do máis raro... un trimestre con máis limpeza e desenfección que nunca... con hidroxel... máscaras.... un trimestre no que non puidemos achucharnos, no que tivemos que aprender a non compartir nin xoguetes nin merenda nin nada... no que non puidemos saudar aos nosos irmáns no recreo, nin xogar cos da clase do lado...
Sen dúbida non esqueceremos este 2020... pero tamén o imos recordar por ser o ano no que demostramos que, aínda que somos pequenos, entendemos moi ben as cousas e sabemos adaptarnos cando fai falta, o ano no que reinventamos os xogos e inventamos formas de dar apertas sin tocarnos... somos a repera!!!

E como este ano non puidemos facer festival de Nadal, preparamos, coa profe de música, unha panxoliña moi especial... porque non importa que non poidamos xuntarnos e que teñamos que tapar a boca coas máscaras... buscamos a forma de xuntos gritar ben forte que nunca perderemos a ilusión e a esperanza. Desexamos que vos guste!

Estade atentos ao blog porque durante as vacacións iremos poñéndonos ao día e contándovos moitas cousas que estivemos facendo.
Despedímonos cun vídeo que nos gustou moito, feito con gracia e moito sentidiño... mirádeo en familia e facédelle caso para desfrutar a tope estes días!!


2021... ESTAMOS DESEXANDO COÑECERTE!!!!

domingo, 13 de decembro de 2020

OBRADOIRO DE RADIO: PONTE NAS ONDAS!

Moi boas!
Esta semana tiven unha visita moi chula na radio que vos quero comentar. 
As nenas e nenos de 5º de primaria tiveron un obradoiro interesantísimo da man de...

Estiveron toda a mañá traballando coas ondas, primeiro co programa no ordenador e despois con traballos de voz, entoación e intensidade.

Xa organizados por parellas crearon historias que contar, gravaron podcasts...
Mirade, mirade este resumo que chulada!
Por aquí vos deixamos tamén o audio que elaboraron!
 
Todo se pode mellorar, agora hai que seguir practicando en...

venres, 11 de decembro de 2020

LECTURAS PARA SOÑAR

Un ano máis estamos felices de compartir as guías de lectura elaboradas pola coordinadora dos Equipos de Dinamización Lingüística do Morrazo (da que nos sentimos afortunados de formar parte). 
Mandamos unha gran aperta a Anum Zahra, unha ilustradora nobel con moito futuro, que nos agasallou coa fermosa ilustración das guías: moitas grazas! 
Este ano o lema é: "Move o corazón da túa vila, visita a túa libraría". Máis que nunca, animámosvos a mercar na vosa vila e apoiar o comercio local. Temos moitas librarías cerquiña da casa que nos darán un trato persoal e moito máis cercano... aproveitadeo!

As guías, que todo o alumnado levou para as súas casas, están cheas de novidades e reedicións de lectura e música en lingua galega, dos últimos 12 meses, as cales vos daran moitas ideas para os agasallos de Nadal. 
Están adaptadas ás diferentes idades (infantil, primaria, secundaria e familias), para que poidades acertar máis cos agasallos e que este Nadal as casas se enchan de boas lecturas que vos farán medrar a todos! 
Aquí as tendes, para compartir e que cheguen moi lonxe.




Neste cartel podedes ver todas as recomendacións. Desfrutádeas e compartídeas para que cheguen moi lonxe. 
 

SEMANA SOLIDARIA

Moi boas! 
Hoxe temos unha cousiña moi importante para todas e todos!
En colaboración co noso Concello pedímosvos axuda para participar na...
Unha acción conxunta entre as ONGs e os centros educativos de Marín, na que, por suposto, o noso cole tamén vai participar!
Unha campaña que vai consistir na recollida de alimentos non perecederos, de produtos de Nadal e de produtos de hixiene e limpeza.
Durante a semana do 14 ao 18 de decembro, poderedes aportar algún produto, e o día 18 ou 21, unha persoa do Concello pasará a recollelo para xuntalo e que as 6 ONGs fagan o reparto, tendo en conta o número de familias ás que axuda cada ONG (COMEDOR BENÉFICO, CÁRITAS, CÁRITAS SANTOMÉ, AYUDA EN ACCIÓN SOR ELVIRA, AMENAC e SOS).
MOITÍSIMAS GRACIAS POLA VOSA AXUDA!

mércores, 9 de decembro de 2020

TRABALLO DE 5º SOBRE A CONSTITUCIÓN ESPAÑOLA

Moi bos días!

Hoxe compartimos con vós o traballo feito polas nenas e nenos de 5º de primaria sobre...

No blog da súa aula descubriredes unha morea de cousiñas.

Picade na imaxe e poderedes ver todo o que fixeron arredor deste tema...


Noraboa rapaces! Canta información e qué chulada!

domingo, 22 de novembro de 2020

2020: O ANO DE BEETHOVEN

En 2020 celebrouse o 250 aniversario do nacemento dun dos compositores máis importantes da música: Ludwig van Beethoven.

Este incrible músico alemán tamén foi famoso pola súa xordeira... aínda máis impresionante compoñer sen poder escoitar!


O ano 2020 estivo cheo de conmemoracións e actos especiais por todo o mundo dedicados a el... e en Seixo non íamos a ser menos!


Noelia, a mestra de música, fixo con nós este proxecto no que participamos todo o alumnado, porque non deixamos de buscar formas de aprender xuntos a pesar das distancias.


Todos levamos botóns para facer as teclas do piano de Beethoven y despois aportamos o noso talento artístico... que como vedes temos un montón!



venres, 20 de novembro de 2020

DÍA UNIVERSAL DOS DEREITOS DA INFANCIA

O 20 de novembro é un día moi especial para todos os nenos e nenas do mundo.


O 20 de novembro de 1959 aprobouse a declaración dos dereitos dos nenos de forma unánime por todos os países da ONU, a cal recollía 10 principios básicos, pero ademais, o 20 de novembro de 1989 firmouse a Convención Internacional sobre os Dereitos do Neno, con 54 artigos.
Sabiades que estes 54 artigos son de obrigado cumprimento? e podemos arriscarnos a dicir que a maioría dos adultos non a limos completa ni unha vez na nosa vida... como é posible??

Calquera adulto debería coñecer estes dereitos por respecto aos nenos, porque todos, nalgún momento da nosa vida, estamos en contacto con eles aínda que non sexamos profes ou non teñamos fillos. 
Ademais, o artigo 42 proclama a divulgación destes dereitos entre os nenos, así que hoxe vos convidamos a ler en familia os dereitos da infancia que todos estamos obrigados a cumprir. 
Tonucci, un coñecido pedagogo, elaborou un documento con estes dereitos redactados de forma que os nenos poidan comprender mellor o seu contido. Premede na imaxe para ler este documento, porque non ten desperdicio.
  

Hoxe todos desfrutamos e reflexionamos cos murais que montaron os pequechos de infantil. Ademais en primaria vimos varias curtas que nos levaron a debates na aula sobre o dereito á educación, dereito á lectura (e aproveitamos para entregar as mochilas viaxeiras, pero xa o contaremos a próxima semana).
Un dos vídeos máis impactantes que vimos foi: "Que piden os nenos en España"... podedes velo aquí mesmo, non necesita comentarios....

Pero non so hoxe traballamos sobre os dereitos dos nenos e nenas, fixémolo durante toda esta semana, como mostra podedes ver cantísimas cousas fixeron os nenos e nenas da clase de 5 anos. Premede na imaxe e desfrutade do seu traballo.

Para despedirnos deixámosvos este artigo que nos fixo reflexionar sobre este tema. Animámosvos a lelo premendo na imaxe: 

A CONSULTA DE ARNALDO.

Ola amiguiños,

Hoxe veño presentar o noso PDI para este curso.  Como estamos vivindo un momento moi "especial" temos que coidarnos moito!

"A consulta de Arnaldo" é o nome do proxecto que vai englobar moitas actividades que iremos facendo ao longo do curso.


Trataréi de axudar en todo o que poida. Tan só tendes que pedirllo ó equipo da biblioteca que traballa conmigo.

Xa compramos algúns fondos e seguiremos comprando máis. 

Esperamos as vosas suxerencias!

  Algúns xa estiveron falando conmigo sobre 
os bebés...



As emocións...


onde poden atopar información...

Estou agardando polos  vosos traballos!!!!

martes, 10 de novembro de 2020

ENQUISA: SEIXO COEDUCA

Dende a ANPA fannos chegar unha enquisa de satisfacción sobre o proxecto: "Seixo Coeduca: desmentindo estereotipos e roles de xénero".
É para cubrir as familias da comunidade educativa do C.E.I.P Seixo, agradecemos a vosa colaboración!
Levará so uns minutiños respondela, e é totalmente anónima, moitas grazas!
Podedes acceder a ela premendo na imaxe




LECTURAS ÁS ESCURAS 2020

E como non podía ser doutro xeito, e para rematar as actividades arredor do Samaín, un ano máis, levouse a cabo no noso cole as...
LECTURAS TERRORÍFICAS ÁS ESCURAS!
Descubrir moitos contos, historias terroríficas e ata creacións propias apagando as luces, baixando as persianas e alumeando con lanternas. 
Como mola ler ás escuras! Mirade, mirade!

luns, 9 de novembro de 2020

DE NENO OU DE NENA?

Atopácheste algunha vez nunha situación de escoitar, decir ou pensar “Isto non é de nenos” ou “Isto non é de nenas”?
Neste obradoiro compartiremos dúvidas e inquidanzas sobre o xénero e o desexo na crianza e educación, e cómo coidar o espazo para que sexa diverso, na casa e na escola. Falaremos de medos, expectativas, experiencias…

Obradoiro ONLINE (Zoom) sobre xénero, desexo e diversidade para familias 
Data: 14 novembro de 11h a 13h
Imparte: Andrea Calsamiglia (Dra. en Psicoloxía Social, especializada en xénero)
Dirixido a: familias 
Organiza: ANPA Abelendos
Colabora: CEIP Seixo
Co apoio de: Secretaría Xeral de Igualdade da Xunta de Galicia e Ministerio de la presidencia, relaciones con las cortes e Igualdade

martes, 3 de novembro de 2020

XÉNERO, EMOCIÓNS E PODER

Mañá, o alumnado de 5º e 6º desfrutará dun obradoiro impartido por Andrea Calsamiglia (Dra. en Psicoloxía Social, especializada en xénero).
O xénero, a presión de grupo e as relacións de poder gardan unha estreita relación. ¿Como xerar espazos seguros para persoas diversas? ¿Que papel xogan as emocións? ¿Como crear grupos resilientes? Neste obradoiro compartiremos dúbidas e inquedanzas sobre o xénero e as dinámicas de poder, e como coidar o espazo para que sexa diverso entre iguais.


Obxectivos do obradoiro:
- Compartir un espazo aberto de dúbidas, experiencias e inquedanzas en relación ao xénero e o bullying
- Coñecer, identificar e previr a discriminación, o machismo e a LGTBIfobia
- Promover a empatía e a cohesión de grupo

Este obradoiro esta organizado pola ANPA Abelendos dentro do programa "Seixo coeduca" co apoio de: Secretaría Xeral de Igualdadee da Xunta de Galicia e Ministerio de la presidencia, relaciones con las cortes e Igualdad.

domingo, 1 de novembro de 2020

MERENDAS TERRORÍFICAS 2020

 Esta semana tivemos unhas merendas terroríficamente divertidas e deliciosas... unha proba máis da vosa creatividade! Graciñas por implicarvos! 

sábado, 31 de outubro de 2020

NOVAMENTE DESEXÁMOSVOS: FELIZ DÍA DAS LETRAS GALEGAS

Hoxe, 31 de outubro de 2020, celébrase outra vez o día das Letras Galegas, xa que en maio so o puidemos celebrar dende as casas.
A pesar de estar confinados, en maio fixemos un montón de actividades compartidas con todo o alumnado que recordamos aquí.
Propuxemos unha actividade dende a radio que podedes recordar premendo nesta imaxe de Ricardo Carballo Calero:

Por medio de cancións e xogos, puidemos coñecer máis sobre o protagonista deste ano: Carballo Calero. Premede na imaxe e poderedes escoitar cancións, facer xogos...


E por fin chegou o 17 de maio no que, a pesar de estar cada un nas nosas casas, puidemos xuntarnos nun programa de radio no que presumimos da nosa lingua. Se queredes escoitalo premede na seguinte imaxe:

Entre as súas obras escollemos "As pitas baixo a chuvia" e os de 5º fixeron un traballo na radio a partir do cal puidemos coñecer máis esta historia. Premendo na portada do conto poderedes recordar estas actividades:


Dentro duns meses volverá o 17 de maio, e temos moitas ganas de celebralo cara a cara compartindo actividades a redor do galego... pero da igual onde esteamos: nunca deixedes de presumir da nosa lingua!!

venres, 30 de outubro de 2020

POLO SAMAÍN CÓNTAME A MIN

 Moi boas a todas e todos!

Aínda que este ano non puidemos convidarvos ao cole para contar historias, como nos gustaría, non quixemos que o virus nos quitase a oportunidade de compartir as vosas historias co alumnado, por iso este ano as contadas son a distancia, pero desfrutarémolas igualmente.
Mil gracias aos valentes que vos animastes a mandarnos historias tan terrorificamente divertidas... temos unha chea!
Por aquí volas deixamos todas! Desfrutádeas!

























EXPOSICIÓN VIRTUAL DE CABAZAS

Nunca esqueceremos Samaín 2020: o virus non nos deixou facer a exposición coma sempre... pero as familias de Seixo ides sobradas de creatividade e iso non hai quen o pare!



Desfrutade destas cabazas convertidas en divertidas e terroríficas obras de arte!

domingo, 25 de outubro de 2020

SAMAÍN 2020

Mañá comeza a semana de Samaín... estades preparados? Non esquezades levar mañán algunha merenda terroríficamente divertida, o martes unha lanterna e o venres algún complemento ou disfraz.
Tamén vos animamos a decorar as cabazas e enviar unha foto... todos os anos vemos autenticas obras de arte!
E por suposto animade a alguén da vosa familia a gravar un vídeo de algún conto, incluso podedes axudar os peques.
Non vos despistedes que o mércores é o último día para enviar as fotos e os vídeos.
Aquí vos deixamos todo ben explicadiño:

sábado, 24 de outubro de 2020

DÍAS DAS BIBLIOTECAS



Hoxe celébrase o día das bibliotecas, un día moi especial para un cole coma o noso, no que a biblioteca é un sitio moi pero que moi especial. Aínda que este ano hai unha chea de protocolos que poñen todo máis difícil, non van a conseguir pechar as portas da biblioteca que xa comeza a funcionar, aínda que de xeito especial.


Aínda que so podamos ir por grupos de convivencia, seguiremos desfrutando das lecturas, xogos, robótica, mesa de luz... e de todos os recursos que Arnaldo ten para nós.



E este ano, máis que nunca, a biblioteca percorrerá todo o cole: se non podemos ir á biblio a todas horas, ela irá ás aulas!! Xa os xogos e recursos da casa de Arnaldo están viaxando polas clases...



Esta semana comezamos a formación de usuarios que seguirá os proximos días para aprender moi ben as novas normas que farán que podamos exprimir a biblio a tope!!


Aquí vos deixamos unha presentación coas normas básicas da biblioteca. Non hai virus que nos quite as ganas de ler, de xogar, de crear, de investigar, de compartir... e de tantas cousas que podemos facer na biblioteca!!!