ARTISTEANDO EN SEIXO

En Seixo temos uns artistazos!!

Aquí vos quedan unhas imaxes sobre o noso proxecto durante este curso.

Emocionámonos coa arte e ata montamos o noso propio museo.

CREANDO E ARGALLANDO NA AULA DE ARTE!

A aula de arte, xunto coa aula de luz, son 2 novas aulas temáticas, que xurdiron da biblioteca, para dar resposta a unha necesidade: ter espazos cómodos e amplos onde crear e dar renda solta á imaxinación.

En xuño de 2021 así estaba este espazo. Decidimos que os ordenadores estaban mellor nas aulas, para telos a man para buscar información e o que fose preciso no día a día, e comezamos co proxecto!

 

Durante o verán, coa imprescindible axuda das familias, puxémonos mans á obra. Foron moitas horas e moitos días de traballo que resumimos nun minuto:

E con moitas ganas e ilusión puxemos en marcha este espazo artístico, que segue en construción: completando recunchos, engadindo diferentes materiais... a imaxinación non ten límites!!

Por suposto a limpieza da aula, despois de argallar e crear, e cousa do alumnado, que cada día recolle e limpa con máis autonomía.

Incluso foi parte importante nas actividades do 50 aniversario, non so porque alí se montaron mooooitas cousas, senón porque foi a sala de cine para todos os grupos onde, comodamente, puidemos ver máis pelis en super 8... que o cine tamén é unha arte!

Pintamos con moitas técnicas, aprendemos sobre pintores, fixemos escultura, maquetas... incluso creamos contos!! Neste vídeo so veredes un pequeno resumo dun ano cheo de actividades, que nalgunhas tiñamos as mans tan sucias que nin fotos podiamos facer!!

Un espazo valorado de forma moi positiva, nas enquisas da biblio, polo alumnado e o profesorado, o cal cambiou as sesións de plástica grazas a ter un espazo amplo, cómodo e con variedade de materiais... o ano que ven mais e mellor!

MAXIA NA AULA DE LUZ

A aula de luz é unha das aulas que, dende a biblioteca, puxemos en marcha este curso. Unha aula chea de posibilidades, unha aula máxica e mooooi creativa onde podemos traballar moitas cousas dun xeito moi motivador.

 

Alí puidemos aprender moito sobre a luz, os materiais opacos ou translúcidos, o percorrido da luz, a fluorescencia, fosforescencia... canto podemos aprender coa luz!!

Desfrutamos facendo mooooitas cousas: fixemos construcións, creamos obras artísticas con diferentes técnicas, traballamos conceptos matemáticos, lectoescritura, limos contos máxicos, modelamos con materiais brillantes....

Fixemos este pequeno vídeo como resumo dun ano cheo de actividades nesta aula, aínda que é dificil resumir tantas cousas en 2 minutos...

E, por suposto, a aula de luz tivo un papel moi importante na exposición dos 50 anos do cole, xa que se converteu nunha sala de proxeccións (diapositivas, diakinas, transparencias, etc.) e incluso puidemos ver unha peli gravada no cole a finais do curso 1980/81!!!

Esperamos que o próximo curso involucremos máis ao alumnado de primaria, porque temos moito que descubrir e aprender nesta aula!!

ARTISTADAS DE NADAL

 O alumnado de 4º e 5º activou a vena artística no Nadal e fixeron uns traballos chulísimos!

Os de 5º fixeron uns renos moi graciosos.

E os de 4º decoraron unhas bolsas para os seus agasallos: auténticas obras de arte!

Os artistas das bolsas:

ARTE POLO MAGOSTO

Calquera excusa é boa para crear, para argallar... e o outono está cheo de posibilidades coas castañas, as follas... e, unha vez máis, os nenos e nenas de 3º demostran que son unha panda de artistas!

NOVA REVISTA NA BIBLIOTECA

Chegou a nosa biblio unha nova revista que nos encanta. 

ARTHIS

(Un viaje entretenido por el Arte y la Historia)

Cremos que as revistas son un gran instrumento para fomentar a lectura porque son moi atractivas e captan a atención.

ARTHIS é unha revista de arte e historia para nenos moi coidada e feita con moi bo gusto.

Cada número terá 20 páxinas monográficas nas que, cando entredes na súa lectura, atoparedes información histórica contada de forma divertida, cunha linguaxe sinxela e directa. 

Os textos están ilustrados e compleméntanse con mapas dos lugares nos que transcorre a acción.

HÓNIX, unha mascota diseñada polo ilustrador Álvaro Ortega, acompañaravos en fascinantes viaxes a través do tempo e do espacio. 

Ollo porque irá cambiando de indumentaria en cada número.

Un cómic do debuxante Adrián Peláez ofrecerá unha aproximación gráfica aos personaxes relevantes do pasado dunha maneira graciosa e humorística que vai facer que aprendades e reforcedes coñecementos adquiridos. 

Estade atentos porque ARTHIS vaivos poñer a proba nunha sección de pasatempos, xogos e preguntas e respostas para valorar o que aprendestes e para que teñades unha aproximación divertida ao coñecemento histórico e artístico.

Poderedes comprobar que cada número se vai pechar coa biografía dun protagonista imprescindible en formato dun perfil nas redes sociais.

ESCULTURA CREATIVA

Polo día da muller, os nenos e nenas de 5º investigaron sobre diferentes artistas galegas e descubriron cousas moi interesantes destas tres grandes artistas: unha fotógrafa, unha escultora en pedra e unha escultora que fai instalacións. 

      

Despois de investigar decantáronse pola escultura e aceptaron encantados a proposta da profe Charo de facer esculturas con material de refugallo: mirade que grandes artistas!

                          

                           

         

  

   

Un exemplo das esculturas do mundo que queremos: coloridas, creativas, e aproveitando materiais que irían ao lixo! 

                      

ARTISTIC WORLD

Un dos proxectos do noso PDI, levado a cabo polas profes Fátima e Rosa, de ingles e de música, é: UN MUNDO ARTÍSTICO.

E de ahí saiu esta maravillosa zona, ao lado da clase da teacher, que mestura xogos e arte para axudar ao planeta.

"Help the planet" é o título deste divertido recuncho!

MULLERES QUE DEIXAN PEGADA

Para celebrar o día da muller, os nenos e nenas de 4º recibiron unha visita moi especial: Fina Moreira.

Esta mestra xubilada de Marin visitounos para mostrar a súa nova actividade.

Reproduce obras doutros artistas dándolle a súa visión. Está neste momento con Van Gogh, os materiais que usa son os mesmos plastidecor que usamos no cole!

Para ela é un pasatempo e para os demais un desfrute ver a súa arte.

Visita Fina Moreira by Slidely Slideshow

Porque o mundo que queremos é un mundo artístico onde as mulleres teñen as mesmas posibilidades de demostralo. Grazas Fina pola túa visita e polo teu exemplo.
A partir de agora buscaremos outras artistas de Marín, de Pontevedra... galegas! Tamén entre as avoas nais e tías dos alumnos.

PAZ PARA O MUNDO QUE QUEREMOS

O 30 de xaneiro celébrase o día escolar da non violencia e a Paz e non podía pasar este día sen facer algo especial para deixar unha pequena pegada en cada corazón dos que formamos o cole porque: xuntos facemos a Paz.

Fai uns días pedimos a colaboración das familias que, coma sempre, participaron con moita arte. Partimos deste cadro de René Magritte: "La gran familia". Queríamos reflexionar sobre o que cada un podemos facer para que o mundo sexa mellor e vivamos en Paz.

O resultado foi un enorme mural cheo de preciosas pombas con frases impactantes... moitas grazas, unha vez máis, pola vosa colaboración: xuntamos 114 preciosas pombas!

Puxémolo fora para as familias, pero o vento encargouse de arrincalo. Se queredes desfrutalo en directo estades convidados a velo no ximnasio nas entradas ou saídas, ou martes ou xoves pola tarde.

Se vos apetece ver as pombas unha a unha aquí vos deixamos este vídeo no que soa de fondo a canción que eliximos este ano para cantar xuntos.

Os nenos e nenas de 6º foron os encargados de dirixir esta xuntanza de todo o cole no que reflexionamos e pensamos moito na palabra PAZ.

Desfrutamos moito con todo o que prepararon: traballaron un montón!

Aarón e Paula foron os presentadores das diferentes representacións que compartiron con todo o cole.

A primeira representación titulada: "Juntos hacemos la paz" foi unha divertida e amena forma de ver a diferenza entre a paz e a guerra.

Cristian, Nuria, Paula e Sandra deleitáronnos cuns fermosos poemas recitados en parella.

Os nenos e nenas de 3º tamén quixeron compartir un bonito poema sobre a Paz.

Mirade que ben o fixeron!

Para rematar a participación dos maiores do cole, compartiron unha pequena obra de teatro moi divertida e sinxela na que puidemos ver claramente o importante que é pedir as cousas por favor.

 

Chegou o momento de cantar todos xuntos pola paz, e comezamos cunha canción que todos preparamos coa teacher na clase de inglés: Light a candle for Peace.

 

A música non quixo funcionar... cousas do directo! menos mal que a profe Fátima é unha fantástica directora e nos axudou a cantar fenomenal.

Coa profe Rosa preparamos a canción "Tu enemigo" de Pablo López. Non deixedes de fixarvos na letra, que no momento actual que vivimos é moi significativa.

Non o fixemos nada mal, verdade??

Para rematar esta xornada especial, fixemos una actividade simbólica e moi fermosa.

Grazas a colaboración de varias familias fixemos unha solta de pombas, símbolo de paz e liberdade.

Aínda que a chuvia non nos deixou saír do soportal, foi moi emocionante.

As pombas voaron e todos as despedimos desexando PAZ PARA O MUNDO QUE QUEREMOS.

Aínda que algunha pomba quería quedar no cole jejeje