XORNADA DE BALONMAN EN CANGAS

O alumnado de 4º de EP do noso cole asistiu o xoves 11 de xuño a unha xornada lúdico deportiva no pavillón de Romarigo en Cangas para poñer en práctica os seguintes deportes: Datchball, Tchoukball e Balonmán. 

Esta actividade está enmarcada dentro do programa XOGADE e organizada polo equipo do Balonmán Cangas.

  

 

 

PREVENCIÓN DA DOR DE COSTAS no CEIP de Seixo

PROMOCIÓN DA SAÚDE
- PREVENCIÓN DA DOR DE COSTAS-

O mércores 11 de Marzo o SERVIZO DE FISIOTERAPIA DO CENTRO DE SAÚDE DE MARIN imparteu dúas sesións para o alumnado do cole de Seixo sobre como prever a Dor de costas.
Para o alumnado de 3º de EP a sesión consisteu nunha charla con diapositivas e intercambio de información co alumnado na biblioteca.

       

Para o alumnado de 6º a sesión tivo lugar na súa aula e foi máis interactiva, pois os contidos foron explicados como resposta a unhas preguntas que debían responder en grupo empregando un kahoot.

        Agradecer a información práctica que nos ensinaron e que nos comprometemos a poñela en uso.

SEIXO NA COPA ENCE ROWER INDOOR ESCOLAR

As nenas e nenos de 5º de EP do CEIP de Seixo asistimos o pasado venres 17 de outubro ao Pavillón de A Raña, xunto con outros nenos e nenas de Marín, Bueu, Cangas e Moaña para participar na...

COPA ENCE ROWER INDOOR ESCOLAR

Unha actividade de convivencia con outros coles e de toma de contacto cunha actividade deportiva que a maioría non coñecíamos nin practicáramos antes.

Por aquí vos deixamos un pequeno vídeo no que ides poder ver o ben que o pasamos!!!

 

 

Grazas ao programa XOGADE por axudarnos a poder desfrutar destas experiencias!

FACEMOS PIZZAS!

Que mellor maneira de repasar as matemáticas que levándoas á vida cotiá? No pasado mes de abril, o alumnado de terceiro de pimaria foi mercar os ingredientes necesarios para levar a cabo as receitas das pizzas que elaboraron previamente na clase. Ademais de divertirnos un montón elaborando as nosas propias pizzas, puidemos desfrutar coméndoas... e que ricas estaban!!
 

VISITA DEPORTIVA AO CEIP de SEIXO-MARÍN

O CEIP de SEIXO, o martes 16 e mércores 17 de xaneiro, recibiu a  visita do Club BUEU ATLÉTICO BALONMÁN. O alumnado de 2ºEP, 3ºEP, 4ºEP, 5ºEP e 6ºEP, a través de tres integrantes do clube, realizaron unha primeira toma de contacto co seu deporte, o balonmán. 
A continuación, deixamos un vídeo onde amosamos unha pequena parte das sesións tan dinámicas e divertidas coas que nos motivaron para empezar a practicar o Balonmán.
Moitas grazas pola visita e ata outra.

CAMPIONATOS DEPORTIVOS NO RECREO

Os campionatos no recreo son unha das actividades estrela dos recreos do último trimestre: son moi emocionantes e divertidos! Despois de formar os equipos e de facer o sorteo público, desfrutamos de moitos recreos xogando partidos de: atrapa a bandeira, brilé, baloncesto e futbol sala. E os peques de infantil tamén tiveron as súas probas!!

 

Outro dos momentos máis esperados é o partido do alumnado de 6º contra os profes, sempre é moi divertido!!

 

 

Este ano un grupo de exalumnos foron os encargados de facer a entrega de trofeos aos gañadores. "Equipo salvaxe", de 5º, foi o campión en brilé e "Driller-nike", de 6º, de atrapa a bandeira, baloncesto e futbol sala.  Ademais, tamén se entregaron premios especiais de participación a todo o alumnado: un chaveiro especial feito na impresora 3D.

O ano que ven: máis e mellor!!

VISITA DO MARIN FUTSAL

O mércores 26 de outubro recibimos a visita do Clube Marín Futsal. O alumnado de 3º e 5º de Educación Primaria desfrutaron dunha sesión co coordinador da base, Jabugo, o adestrador do equipo da 1ª División Feminina, Ramiro López e dúas das xogadoras, Bea Mateos, natural de Salamanca ,e Ale de Paz, natural de Neda (A Coruña) e que acaba de participar no Preeuropeo feminino de Finlandia onde España conseguiu o billete para a fase Final6 de marzo.

O obxectivo desta visita é promocionar o fútbol sala femenino, o clube e compartir co alumnado experiencias vividas coa práctica do deporte.

 
A sesión tivo dúas partes: a primeira de charla, onde se falou das características deste deporte, nº de xogadores/as, terreo de xogo, posicións,... e a segunda de práctica, onde o alumnado desfrutou de pequenos partidillos xunto coas xogadoras no ximnasio do centro.

Para finalizar, as xogadoras repartiron entradas para o partido deste sábado 29 de outubro entre o Marin Futsal e a AD Alcorcón no pavillón da Raña ás 17 horas.

Dende o CEIP de Seixo, agradecemos a visita ao clube Marín Futsal e desexámoslle moita  sorte para este partido e o que resta de liga.

PONLLE AS PILAS AO TEU BOCATA

Todo o cole desfrutamos de outra actividade especial: "Ponlle as pilas ao teu bocata", unha campaña da Consellería do Mar para o fomento do consumo da conserva de produtos mariños entre os nenos e nenas.

Pinchade na imaxe se queredes saber máis sobre esta campaña.

Está actividade tamén está enmarcada dentro do Plan Proxecta no que participa o cole, dentro da modalidade "Aliméntate ben"

Ademais de aprender moito do beneficiosas que son as conservas, cada un tomou de merenda o bocata que elixiu entre un montón de ingredientes sans e deliciosos. Aquí vos deixamos un resumo en imaxes da actividade que desfrutamos cos PANS: profes da alimentación e nutrición saudable. 

Bocatas de sardiñas, de atún, de vexetais.... paparon todiño!! Opcións moi sans e deliciosas para que lle mandedes na merenda.

O SABOR DA AVENTURA ESTÁ NO MAR

Todo o cole desfrutamos dunha actividade especial: "O sabor da aventura está no mar". Esta campaña ten o dobre obxetivo de facilitar o coñecemento e consumo de produtos do mar de Galicia entre as nenas e nenos, e de incidir e equilibrar as súas dietas alimenticias animándoos a comer diferentes pratos elaborados con peixe e marisco. 

Pinchade na imaxe se queredes saber máis sobre esta campaña na que participa o cole.

Está actividade está enmarcada dentro do Plan Proxecta no que participa o cole, dentro da modalidade "Aliméntate ben"

A actividade basouse nun pequeno teatro didáctico (no que nos repartimos en 3 grupos por idades) e diferentes xogos. Aquí vos deixamos un vídeo resumo do que fixemos co patrón de pesca Luis, a peixeira e Mariña.

Todos firmamos esta carta de compromiso que compartimos coas familias para que nos axuden a cumplir o compromiso. 

No blog da profe María José podedes ver algo máis sobre esta actividade.