ARGALLANDO NO RECREO!

Arnaldo non deixa de propoñernos cousas novas, e este ano sorprendeunos cuns recreos do máis creativo!

Os profes fixéronnos varias propostas de obradoiros ás que engadimos outras do alumnado. E así, de forma voluntaria, temos a opción de apuntanos ao que máis nos guste: ganchillo, robótica, deportes, globoflexia, papiroflexia, natureza, horta, radio, xogos de mesa, impresión 3D, horta, etc...

Así de divertida foi a primeira semana na que houbo obradoiros de ganchillo (o máis solicitado!), papiroflexia, deportes, robótica, natureza, xogos de mesa e globoflexia.

  

 

Segundo os intereses do alumnado, cada semana, ou cada dúas, imos variando a oferta, que é diferente cada día. Estamos moi ilusionados e emocionados, tanto o alumnado coma o profesorado... isto está sendo moi divertido!!

WEDO DE LEGO XA ESTÁ EN MARCHA

Os nenos e nenas de 3º puxemos en marcha os wedo de Lego. É un xogo... un recurso educativo... unha actividade para iniciarse no mundo da programación, a construción e a programación. 

É moi importante que os alumnos exploremos, practiquemos e probemos, a través do xogo, novas maneiras de afrontar os diferentes retos que logo, atoparemos no mundo de fóra do xogo.

Wedo está deseñado para cubrir diferentes áreas curriculares: podemos construír modelos de máquinas e animais, programar accións e comportamentos, medir distancias en centímetros e velocidade en voltas, investigar como funcionan as máquinas, crear e explicar historias...

Wedo é un robot estupendo para que aprendamos robótica educativa, programación, ciencias, tecnoloxía e enxeñería dunha forma amena e efectiva.

Iremos fuchicando, xogando e aprendendo cada vez máis con Wedo o cal desenvolve a nos confianza para formular preguntas, definir problemas e deseñar as nosas propias solucións ao poñer o descubrimento científico nas nosas mans e mentes.

XOGANDO COA ROBÓTICA

No espazo creativo da biblioteca temos moitas opcións relacionadas coa robótica (wedoo, beebot, bluebot, pro-bot,...) e os pequechos de infantil xa queren empezar a fuchicar dende pequenos. Premede no enlace si queredes ver como se van iniciando coa robótica.

 

UNS NOVOS TREBELLOS!

Moi boas amiguiñas e amiguiños:

Uns novos trebellos xa andan pola nosa Biblioteca para que poidades desfrutar moito deles!

Con ROBOTS PLAY 300 DINOS poderedes construír e explorar os movementos de ata 7 dinosaurios motorizados diferentes!

Estimula a mente, traballa a concentración e desenvolve a creatividade e psicomotricidade fina a través destes trebellos educativos.

Ao moverse os robots construídos, poderedes mellorar a percepción do espacio e cando o logredes poderedes xogar coa vosa imaxinación para montar as vosas propias creacións.

Con ROBOTIS PLAY 600 PETS poderás construír e explorar os movementos de 7 mascotas-robot diferentes!

 

O elemento principal deste kit é un pequeno ladrillo amarelo que contén un motor a través do cal lle podedes dar vida ás mascotas que vos propoñades e imaxinedes. 

Arnaldo xa os coñece! E ti? Pasa pola Biblioteca e vén a descubrir estes trebellos!