venres, 28 de xaneiro de 2022

ANACOS DE VIDA DO COLE DE SEIXO HOXE ENTREVISTA A FITA E ROSA

Hoxe queremos compartir con vós a entrevista que lle fixemos a...
Fita González Tilves e Rosa Rodal Tenorio
ex alumnas do noso Cole que quixemos convidar a este programa con motivo do 50 aniversario do Ceip de Seixo.
As dúas, Do Campo, viñeron recordar os tempos da outra escola "Da Unitaria" e o grande cambio que supuxo por aquel entón pasar ao Ceip de Seixo.
Eran outros tempos, como elas dixeron, outras formas de ensinar... Os contidos da escola traballábanse de memoria, as nenas estaban nunha casa e os nenos estaban noutra...
Fita só pasou un ano no Grupo Escolar de Seixo, en 1972. Na unitaria aprendeu moitas cousas con outras rapazas de diferentes idades: a ler o silabario, as tablas, cantando letras, as extremidades do corpo...
Cando cambiaron ao grupo escolar, no comezo de todo, as aulas non eran mixtas. Recordan que para entrar nas aulas había que preguntar... "Se puede?" e mentras non contestaran... "Adelante!" había que esperar. Non se empegaban os nomes dos compañeiros e compañeiras oficiais das listas senon que a miúdo poñíanse alcumes: pito coirento, adela cadela, lajañas, inferno...
Rosa lembrou perfectamente o seu sitio no comedor, os queixiños agochados no radiador porque non lle gustaban, o silbato que facía soar o porteiro para entrar e saír...
Por aquí vos deixamos a entrevista! Non vola perdades! 
Antes de despedilas quixemos darlles un pequeniño agasallo como lembranza deste curso tan especial na comunidade do Ceip de Seixo...
Moitísimas gracias Fita e Rosa pola vosa visita!
Ata outra!

NOVIDADES NA BIBLIO!!!!

Ola a todos e a todas!!

Hoxe  Sara e Rubén son encargados de presentarnos as novidades  na biblioteca. Son libros de información e xogos que espero que vos gusten e os disfrutedes!








xoves, 27 de xaneiro de 2022

III CARREIRA SOLIDARIA

Estamos felices e emocionados porque mañá, para conmemorar o día da paz, celebraremos a III Carreira Solidaria: "Corre con Arnaldo".


Está é unha carreira simbólica na que todos, alumnado e profesorado, correremos pensando nos que nos rodean, nos que teñen menos... e farémolo con ganas de axudar e aportar o noso gran de area.
Botaremos en falta ás familias, e esperamos poder correr xuntos en 2023, pero pasarémolo xenial por nós e por vós!
Grazas á colaboración de Supermercados Camar e de Augas San Xinés repartiremos auga e froita a todo o alumnado. 
Lembrade traer roupa cómoda para desfrutar a tope da actividade!

luns, 24 de xaneiro de 2022

DÍA DA EDUCACIÓN

Hoxe, 24 de xaneiro, celébrase o Día Universal da Educación, o lema deste ano é "Cambiar o rumbo para transformar a educación".
O alumnado de 3º foi o encargado de investigar sobre esta conmemoración e queren compartilo con todos por medio deste vídeo que ten moito traballo detrás. Bo traballo en equipo!
 

martes, 18 de xaneiro de 2022

ANDAINA DE 6º

Na primeira andaina dos maiores do cole tivemos un acompañante/guía de luxo: o experto Inxeniero forestal Gaspar, pai de Fuco de 5º, que sempre está dispoñible e con ganas de colaborar.
Con el resolvimos moitas dúbidas e descubrimos moitas cousas interesantes na andaina. Encántanos coñecer os segredos dos bosques que nos rodean!


Observamos cousas que sin el pasaríannos desapercibidas:
  • Parada vexetativa das arbores caducas.
  • Tipos de fentos na ribeira do río Loira: Lingua de cervo (fento con soros linais), fento Real, fento águia, polipodio, cabriña culantrillo negro, polistico, driopteris dilatado...
  • Lique folioso e filamentoso.
  • Froito do Loureiro (parecido a oliva negra arbore).
  • Flores de primavera no outono.
  • Botón de Venus.
  • Bugallo de Carballo.
  • Rascacus para limpar forno de pedra.
...inlcuso vimos plantas do tempo dos dinosaurios, da era terciaria en Seixo!!

Mil grazas Gaspar por compartir tantas cousas con nós e estar sempre disposto a axudar e ensinarnos cousas da natureza.

xoves, 13 de xaneiro de 2022

CALENDARIO 2022

Este curso estamos de 50º aniversario no CEIP de Seixo (do 1972-2022). Fai 50 anos que diferentes escolas unitarias das parroquias desta zona do concello de Marín, unificáronse coa creación do CEIP de Seixo. A súa primeira directora foi Mercedes Portas.
Por iso pensamos que o tema ideal para o PDI deste curso xirase sobre diferentes aspectos relacionados coa escola e sociedade dende 1972 ata agora, e ese é o tema do calendario de 2022 que quedou moi chulo, verdade?.


Cada clase encargouse de ilustrar un mes co tema elixido para traballar na súa aula. Estade atentos porque pronto saberedes máis da historia de cada unha das páxinas do calendario.


O alumnado e as aulas xa teñen o seu calendario: felices e emocionados de ver o resultado do seu traballo!!



Algúns xa o están espremendo nas aulas e outros levarano para casa con algúns consellos para sacarlle partido: poñédeo nun lugar especial que seguro que lles fai ilusión!!



ARTISTADAS DE NADAL

 O alumnado de 4º e 5º activou a vena artística no Nadal e fixeron uns traballos chulísimos!

Os de 5º fixeron uns renos moi graciosos.



E os de 4º decoraron unhas bolsas para os seus agasallos: auténticas obras de arte!

Os artistas das bolsas: