LETRAS GALEGAS 2026

BEGOÑA CAAMAÑO RASCADO

Escritora e xornalista homenaxeada neste ano 2026 no DÍA das LETRAS GALEGAS.

Para traballar a súa figura realizamos unha exposición no corredor cos cartaces enviados dende a Secretaría de Política Lingüística e fixemos diferentes propostas con actividades para coñecela máis polo miúdo. Deixámosvos por aquí algúns dos traballos feitos polo noso alumnado.

 

          

O alumnado do Obradoiro de Radio dentro do programa diario "Bos Días Seixo" adicoulle varios programas:

PROGRAMA DO VENRES 15 DE MAIO

PROGRAMA DO LUNS 18 DE MAIO

FESTIVIDADE DOS MAIOS 2026

E por fin chegou o día e así lucían de fermosos e engalanados os nosos maios...

Antes da celebración quixemos facernos unha fotiño con eles así que por aquí vos deixamos os nosos recordos...

 

 

 

Cantamos e tocamos os paus con moita ilusión... e desfrutamos moito...

Por aquí vos deixamos as coplas deste ano...

Nesta ocasión o noso maio viaxou ao día seguinte ata a Casa da Cultura de Seixo para participar na festividade da nosa vila...

Tamén desfrutamos moito e ata recibimos un agasallo...

Non queremos despedirnos sen darlle as gracias a Milita, Isabel e Maruja de Loira e Aurita de Santomé. 

A todas as mamás das nenas e nenos do cole que nos viñeron axudar e como non á nosa ANPA ABELENDOS xa que sin elas esta tradición non sería posible...

Moitísimas gracias!

OS MAIOS 2026

Xa está en marcha a FESTAS DOS MAIOS do Cole de Seixo..

 

Dende primeira hora as nenas e nenos de 5º e 6º de primaria xa están traballando arreo xunto coas mamás e avoas especialistas no tema...

O noso maio, que agora está espido, lucirá ben fermoso e engalanado este Xoves para celebrar por todo o alto a súa festividade...

 

PROXECTO BALONCESTO 3X3

O CEIP de Seixo foi seleccionado, entre os 30 centros educativos de Galicia, para participar no Proxecto de “Promoción do Baloncesto 3x3” co alumnado de 5º e 6º de EP, tras ser aprobado polo Claustro e Consello Escolar a súa solicitude.

Este Proxecto de Fomento do Baloncesto 3×3 na Comunidade Galega, da Federación Galega de Baloncesto, é unha iniciativa que conta co apoio institucional da Xunta de Galicia e a Consellería de Cultura e Deporte, comprometidas co impulso do deporte base e a formación da mocidade galega.

Este proxecto ten como obxectivos:
1- fomentar a práctica do Baloncesto 3x3 nos colexios de Galicia, facendo especial fincapé naqueles pertencentes a zonas de carácter rural.
2- promover valores como o traballo en equipo, a superación persoal e a vida saudable entre os mozos e mozas.
3- propoñer unha estratexia integral que inclúe deseño gráfico, contorna web, creación de recursos e formación para a súa implementación.

ATLETISMO EN PISTA 4º EP

 O venres 10 de abril o alumnado de 4º de EP do CEIP de Seixo, xunto ao seu mestre e a especialista de EF, desprazáronse ata a pista de Atletismo de San Pedro en Marín para disfrutar dunha xornada de Atletismo en pista xunto outros coles do Morrazo: San roque de Darbo, San Narciso, Inmaculada e Sequelo.

As disciplinas realizadas foron: 60 metros lisos, lanzamento de peso, salto de lonxitude, 500 metros lisos, Lanzamento de vórtex e remudas.

  

             

             

     

1A-DÍA DAS ARTES GALEGAS

 O alumnado de 3º de educación primaria fixo un pequeno traballo de investigación sobre a persoa a que este ano se lle adica o Día das Artes Galegas, o fotoxornalista José Suárez.

Tras informarnos sobre a sua vida e obra, elaboramos uns guións individuais e preparamos unha exposición oral que fixemos a algunhas aulas do cole. 

Aquí unha mostra do traballo realizado:

 

22M- DÍA DA POESIA

 O Alumnado de 3º EP creou pareados polo día da Poesía na área de Lingua Galega sobre o país que están estudiando, Francia, para facer conxuntamente un poema.

Ademáis aproveitamos os pareados para ilustralos e crear unhas chapas chulísimas. Aquí tedes algunhas delas.

PREVENCIÓN DA DOR DE COSTAS no CEIP de Seixo

PROMOCIÓN DA SAÚDE
- PREVENCIÓN DA DOR DE COSTAS-

O mércores 11 de Marzo o SERVIZO DE FISIOTERAPIA DO CENTRO DE SAÚDE DE MARIN imparteu dúas sesións para o alumnado do cole de Seixo sobre como prever a Dor de costas.
Para o alumnado de 3º de EP a sesión consisteu nunha charla con diapositivas e intercambio de información co alumnado na biblioteca.

       

Para o alumnado de 6º a sesión tivo lugar na súa aula e foi máis interactiva, pois os contidos foron explicados como resposta a unhas preguntas que debían responder en grupo empregando un kahoot.

        Agradecer a información práctica que nos ensinaron e que nos comprometemos a poñela en uso.