mércores, 30 de outubro de 2019

LECTURAS ÁS ESCURAS POLO SAMAÍN

E para rematar a semana do Samaín no noso cole... unha actividade moi molona á que Arnaldo nos quixo convidar. 
Descubrir moitos contos, historias terroríficas e ata creacións propias apagando as luces, baixando as persianas e alumeando con lanternas. 
Qué divertido ler ás escuras!

MERENDAS TERRORÍFICAS 2019

Arnaldo quixo convidar a todo o alumnado a que trouxese unha merenda terrorífica, para compartir, relacionada co Samaín. 
Tratouse de facer unha merenda moi especial, nas aulas e antes de saír ao recreo, na que os nenos e nenas amosaron aos compañeiros as súas montaxes terroríficas antes de papalas e comelas.
Por aquí vos deixamos uns vídeos arrepiantes...



O resultado foi espectacularmente terrorífico!
Gracias familias por tanta creatividade e colaboración!

EXPOSICIÓN DE CABAZAS 2019

Un ano máis, chegou ao noso cole unha semana terrorificamente incrible. 
Grazas ás familias un ano máis xa están decoradas as nosas entradas cunha morea de cabazas. 
A verdade e que non deixades de sorprendernos con tanta creatividade. 
Preparádevos para ver un sin fin de obras de arte enriba deste produto tan tradicional e típico destes días. Todas teñen algo especial e único.
Gracias profe Sabela por tan expléndido traballo fotográfico!

Arnaldo quedou encantado! Moitas gracias familias pola vosa colaboración!

luns, 28 de outubro de 2019

EXPOSICIÓN DE LECTURAS POLO SAMAÍN

O Samaín xa chegou ao cole e como non podía ser doutro xeito dende a biblio de Arnaldo queremos participar de cheo nas actividades preparadas...
E que mellor xeito de facelo que encher os corredores de moreas de lecturas terroríficas e arrepiantes...
Libros e máis libros ateigados de historias relacionadas co Samaín...
E unha biblioteca moi preparada para a ocasión...
Non volo perdades e vinde á nosa Biblioteca pasar un Samaín de conto!
AGARDÁMOSVOS!

CREACIÓNS PROPIAS

E como o prometido é débeda aquí vos presentamos o libro creado por todos os nenos e nenas do cole con motivo da celebración do Día das Bibliotecas...
Un Arnaldo, metido de cheo na celebración do Samaín do noso cole, danos a presentar este traballo...
E quere convidarvos a que pasedes pola Biblioteca para que lle deades unha ollada cando queirades!
Vaivos encantar e ides quedar abraiados coa cantidade de propostas lectoras que nel ides atopar!
Animádevos!

xoves, 24 de outubro de 2019

EU RECOMÉNDOCHE: DÍA DAS BIBLIOTECAS

A actividade central do DÍA DAS BIBLIOTECAS deste ano no noso cole xirou arredor dunha inicitiva que levou por nome...
"EU RECOMÉNDOCHE"
Todos os nenos e nenas compuxeron un mural xigante, que expuxemos no no ximnasio do cole, no que cada un achegou a súa recomendación lectora preferida...
O resultado foi magnífico... cunha diversidade de lecturas moi grande! 
Un mural dunha riqueza infinita que da boa conta do lema das bibliotecas deste curso: VIVEIRO DE CIDADANÍA!
Deixámosvos por aquí unhas cantas fotiños para abrirvos o apetito lector!



Verdade que entran ganas de comezar a ler e ler máis e máis libros?
Desmontarémolo para crear un libro con todas as recomendacións. Poderedes velo na biblio!

DÍA DAS BIBLIOTECAS: TIMBRE TOLO

Nunha das actividades preparadas para celebrar o DÍA DAS BIBLIOTECAS no Ceip de Seixo...
 os nenos e nenas pasárono xenial co... 
Unha actividade diferente e especial que nos levou a desfrutar en grupo das nosas lecturas preferidas en variados recunchos do cole ao longo de toda a mañá...
Deixámosvos por aquí un pequeno vídeo desta actividade!

CONTACONTOS

Nunha das actividades levadas a cabo arredor deste día "DÍA DAS BIBLIOTECAS"...
as nenas e nenos de infantil e primeiro e segundo de primaria puideron desfrutar dunha sesión de contacontos levada a cabo pola editorial ANAYA...
un comezo de celebración moi divertido e entretido e que mellor sitio para levar a cabo a actividade que a casa de Arnaldo, a nosa Biblio!
Deixámosvos por aquí un pequeno vídeo que demostra o moito que desfrutamos!

DÍA DAS BIBLIOTECAS

Dende o 
CEIP SEIXO e AS PEGADAS DE ARNALDO... queremos desexarvos....

mércores, 23 de outubro de 2019

SAÍDAS CULTURAIS

O alumnado de 4º, 5º e 6º visitaron dúas veces Pontevedra para participar nunha axenda cultural do máis variada...
Por unha banda, os nenos e nenas de 5º e 6º de primaria asistiron á Obra de Teatro levada a cabo na sede Afundación, con nome Trolla.
Se queredes saber máis só tendes que pinchar na seguinte imaxe e accederedes ao blogue de sexto onde poderedes atopar máis información...
Os nenos e nenas de 4º e 5º de primaria...
Visitaron o Pazo da Cultura para asistir ao concerto musical a cargo do grupo Djilandiang
Unha actividade con entrada de balde, promovida por Fundación La Caixa, en colaboración co Concello de Pontevedra, enmarcada dentro dun programa adicado ás músicas do mundo.
Algo máis ca un concerto: a música como medio para achegarnos a diferentes culturas...
Pasámolo en grande e desfrutamos moitísimo! Deixámosvos por aquí un anaquiño da actuación!

EN SEIXO... UN SAMÁIN DE MEDO!

Arnaldo xa está preparado para recibir, un ano máis, a semana grande do SAMAÍN no noso cole!
Hoxe recibistedes nas vosas casas unha cartiña coma esta... 
Queremos aproveitar o blog para explicar un pouco máis a axuda que precisamos de todos vos.
CABAZAS DECORADAS 
Un ano máis animámosvos a decorar unha cabaza cos vosos fillos e fillas, desfrutando de facelo xuntos. Os que vos animedes tendes que traelas o luns día 28 para levalas devolta o mércores 30 e así decorar tamén os vosos fogares. 
Animádevos a vir a facernos unha visitiña e desfrutar da exposición arrepiante de cabazas! Coma sempre estarán ubicadas nas dúas entradas.
RELATOS CURTOS DE MEDO 
Unha actividade pensada para o alumnado de 5º e 6º na que queremos animar ao alumnado a soltar a súa imaxinación e escribir pequenos relatos de medo, que poden resultar terroríficos ou moi divertidos! 
Todos os que se animen gravarán o seu relato na radio para que todos o poidades desfrutar.
POLO SAMAÍN... CÓNTAME A MIN
Queremos convidar a todas as familias de infantil a contar un conto “de medo” na clase do voso fill@. Podedes visitar na biblioteca a exposición con contos que podedes coller prestados e utilizar para contar no cole, pero se tendes na casa algún pois aínda mellor!
Se vos animades concretade día e hora coas titoras.
MERENDA TERRORÍFICA
O mércores 30 queremos convidarvos a que todo o alumnado traia unha merenda terrorífica, para compartir, relacionada co Samaín. Será unha merenda especial nas aulas antes de saír ao recreo, na que os nenos e nenas amosarán as súas montaxes terroríficas antes de papalas.
HORA DE LER A ESCURAS
O mércores 30 todos os nenos e nenas deben traer unha lanterna porque faremos a hora de ler as escuras para que sexa terrorificamente divertida!

Non dubidedes en preguntar o que sexa... contamos con vos!

luns, 21 de outubro de 2019

NOVOS XOGOS NA BIBLIO DE ARNALDO

Estamos de sorte amiguiños! Chegan novos xogos a nosa Biblio!
Xa tendes a vosa disposición no recuncho creativo da Biblioteca novos e apoixonantes xogos cos que aprenderedes moreas de cousas:

Xogos de comunicación, de cartas, de lóxica...






Deixámosvos, por aquí, algún titorial de como se xoga...



Só tendes que pasar pola Biblio para comezar a disfrutar deles...

ESPERÁMOSVOS!

venres, 18 de outubro de 2019

xoves, 17 de outubro de 2019

CREACIÓNS PROPIAS: 4º DE PRIMARIA

Hoxe queremos presentarvos un libro moi chulo que fixemos coa profe Olalla na nosa clase...

Esta é a nosa pequena presentación...
Mirade uns pouqiños de cadáveres arrepiantes...



Animádevos a pasar pola nosa Biblio e botarlle unha ollada ao noso libro! Vaivos encantar! Non volo perdades!

luns, 14 de outubro de 2019

NOVIDADES!

Ola amiguiños!
Os andeis da Biblio de Arnaldo xa están ateigados de novidades! 
Non esquezades botarlles unha ollada!
 

E xa sabedes que a novidade deste ano son as revistas!
Cunha oportunidade enorme de poder desfrutar delas nas vosas casas!
Seguiremos incorporando moitos máis! Non volo perdades!