Escritora e xornalista homenaxeada neste ano 2026 no DÍA das LETRAS GALEGAS.
Para traballar a súa figura realizamos unha exposición no corredor cos cartaces enviados dende a Secretaría de Política Lingüística e fixemos diferentes propostas con actividades para coñecela máis polo miúdo. Deixámosvos por aquí algúns dos traballos feitos polo noso alumnado.
O alumnado do Obradoiro de Radio dentro do programa diario "Bos Días Seixo" adicoulle varios programas:
O alumnado de 3º de educación primaria fixo un pequeno traballo de investigación sobre a persoa a que este ano se lle adica o Día das Artes Galegas, o fotoxornalista José Suárez.
Tras informarnos sobre a sua vida e obra, elaboramos uns guións individuais e preparamos unha exposición oral que fixemos a algunhas aulas do cole.
Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...
Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!
Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...
Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!
O 18 de xuño vivimos un día inolvidable na historia do cole de Seixo. Despois de todo o curso investigando e descubrindo a historia do cole durante os seus 50 anos de vida, ese día abrimos as portas para ver a exposición que preparamos con tanta ilusión e cariño (podedes facer unha visita pola exposición premendo AQUÍ).
Foto dos ex alumnos do cole
Foi un día moi emotivo no que se xuntou alumnado de onte e de hoxe, profesorado de todas as épocas, persoal de servizo de diferentes épocas... Moitas anécdotas e recordos, reencontros, fotos inesquecibles.... moitas emocións imposibles de explicar con palabras.
Foto con mestres dende as primeiras promocións ata a actualidade
Deixámosvos aquí un vídeo no que intentamos capturar o que vivimos, emocionámonos ao velo e recordar o bonito que foi! Grazas aos que viñestes a compartilo con nós. O cole de Seixo sempre será a vosa casa.
Este foi o agasallo que tiñamos para as visitas, feito con deseños do alumnado, que este curso traballou un montón. Graciñas a Noelia e Alberto por compartir a súa arte con todos.
Este curso o noso proxecto estivo centrado nos 50 anos de vida do cole, cun gran produto final: unha exposición onde ensinar todo o que investigamos, o que atopamos polo cole, fotos históricas... e moito máis!
E tamén reutilizamos moitas cousas, que irían para o lixo, para aproveitar os recursos ao máximo!
Sen dúbida somos un gran equipo!! durante todo o curso, pero especialmente as dúas últimas semanas, todo o alumnado e o profesorado se volcaron a tope coa exposición! Que emoción e que alegría ver os nenos subindo e baixando polo cole, traballando un montón por todas partes e colaborando en todo. Este vídeo é un pequeno resumo das mooooitas cousas que fixeron, porque a exposición foi súa.
E chegou o esperado día 17 de xuño, o día da gran festa de aniversario, no que inauguramos a exposición. Foi un momento mooooi emocionante, imposible transmitir en imaxes o que sentimos, pero aquí tendes un pouquiño do que vivimos nese momento:
A exposición foi un gran éxito e tivo moitas visitas durante todos os días que estivo aberta. En directo sempre luce máis, pero fixemos este vídeo para os que non puidestes vir ou para os que queredes volver a visitala, aínda que sexa de forma virtual.
O alumnado e o profesorado foron os grandes protagonistas desta exposición, implicados a tope en todo e facendo un gran esforzo extra.
Pero tamén queremos agradecer, de forma especial, a axuda dalgunhas persoas que foron claves no montaxe da exposición.
- Graciñas a Jacque por axudarnos a encaixar as pezas, por involucrarnos en todo (a maiores e pequenos) e por esas ideas tan únicas e creativas que nos axudaron tanto, e tamén graciñas a Caba e Irene, porque os 3 xuntos son un gran equipo e conseguiron deixarnos sen palabras!
- Graciñas a Esteban, de Tarabelos, por estar sempre cerca para botar unha man en todo, pola súa creatividade montando algúns dos espazos e por pasar tantas horas encargándose das proxeccións.
- Graciñas a Cris, experto e amante de todo o que ten que ver coa óptica e o cine, el revisou as máquinas, as películas, e grazas a el puidemos desfrutar das proxeccións en super 8 que tanto nos emocionaron.
- E por último, e non menos importante, graciñas a Vilas, que dende fai un ano estivo axudando a xuntar material e a darlle forma a este proxecto, ademais de ser un fantástico guía da exposición.
Grazas, de corazón, a todos os que de algún modo colaborastes coa exposición e tamén aos que viñestes a visitala, foi moi especial compartir tantas emocións!
As nenas e nenos de sexto estiveron traballando con un proxecto de aula moi interesente chamado...
O CORPO HUMANO
Froito dun traballo excepcional saíron unhas maquetas extraordinarias que o resto dos nenos e nenas do cole fomos uns afortunados porque pudiemos desfrutar delas...
Despois de teren traballado o tema fixeron obradoiros nos que nos explicaron todo o que estiveron traballando e no que aprendemos moitísimo....
Moitísimas gracias por ter compartido con nós esta clase de ciencias naturais...
Un ano máis, chegou ao noso cole unha semana terrorificamente incrible.
Grazas ás familias un ano máis xa están decoradas as nosas entradas cunha morea de cabazas.
A verdade e que non deixades de sorprendernos con tanta creatividade.
Preparádevos para ver un sin fin de obras de arte enriba deste produto tan tradicional e típico destes días. Todas teñen algo especial e único. Gracias profe Sabela por tan expléndido traballo fotográfico!
Arnaldo quedou encantado! Moitas gracias familias pola vosa colaboración!
Arnaldo xa está preparado para recibir, un ano máis, a semana grande do SAMAÍN no noso cole!
Hoxe recibistedes nas vosas casas unha cartiña coma esta...
Queremos aproveitar o blog para explicar un pouco máis a axuda que precisamos de todos vos.
CABAZAS DECORADAS
Un ano máis animámosvos a decorar unha cabaza cos vosos fillos e fillas, desfrutando de facelo xuntos. Os que vos animedes tendes que traelas o luns día 28 para levalas devolta o mércores 30 e así decorar tamén os vosos fogares.
Animádevos a vir a facernos unha visitiña e desfrutar da exposición arrepiante de cabazas! Coma sempre estarán ubicadas nas dúas entradas.
RELATOS CURTOS DE MEDO
Unha actividade pensada para o alumnado de 5º e 6º na que queremos animar ao alumnado a soltar a súa imaxinación e escribir pequenos relatos de medo, que poden resultar terroríficos ou moi divertidos!
Todos os que se animen gravarán o seu relato na radio para que todos o poidades desfrutar.
POLO SAMAÍN... CÓNTAME A MIN
Queremos convidar a todas as familias de infantil a contar un conto “de medo” na clase do voso fill@. Podedes visitar na biblioteca a exposición con contos que podedes coller prestados e utilizar para contar no cole, pero se tendes na casa algún pois aínda mellor!
Se vos animades concretade día e hora coas titoras.
MERENDA TERRORÍFICA
O mércores 30 queremos convidarvos a que todo o alumnado traia unha merenda terrorífica, para compartir, relacionada co Samaín. Será unha merenda especial nas aulas antes de saír ao recreo, na que os nenos e nenas amosarán as súas montaxes terroríficas antes de papalas.
HORA DE LER A ESCURAS
O mércores 30 todos os nenos e nenas deben traer unha lanterna porque faremos a hora de ler as escuras para que sexa terrorificamente divertida!
Non dubidedes en preguntar o que sexa... contamos con vos!
Xa vos ensinamos a exposición que temos montada agora mesmo. Podedes recordalo premendo na imaxe. Os nenos e nenas van elixindo diferentes contos para ler.
Mateo, Izan e Antía, ademais de desfrutar de algún dos libros da exposición, convertéronse en booktubers. Como xa vos contamos algunha vez, os booktubers son lectores e lectoras que, nun pequeno vídeo, comparten a súa opinión e todo o que lles fixo sentir un libro, para que outros se animen a lelo. Aquí vos deixamos a súas recomendacións, a ver si vos animades a ler algún dos contos que presentan.
Hai varios libros na biblioteca nos que, se lle dades a volta, descubriredes que teñen algo especial!
Vedes ese código que ten pegado? é un código QR. Estes códigos esconden moita información, neste caso recomendacións lectoras a cargo dos booktubers. Coa axuda dun iPad, que estará na biblioteca, podedes ver a información que esconde ese código....
Os booktubers son lectores e lectoras que comparten a súa opinión e todo o que lles fixo sentir un libro para que outros se animen a lelo.
Aquí vos deixamos algunhas das recomendacións dos booktubers de Seixo.
Chegou ao noso cole a EXPOSICIÓN ITINERANTE: "Camiño histórico do movemento colectivo feminino" para quedar en Seixo ata o vindeiro venres día 12 de abril.
Unha das actividades que estaban pendentes relacionadas co 8-M: Día Internacional da Muller.
Trátase de 6 murais da ONU MULLERES adaptados polo Concello de Marín, que recollen hitos, historias e información da vida cotiá que deron forma aos dereitos e as vidas das mulleres e nenas de todo o mundo.
Xa está a disposición de todos aqueles que queirades pasar a ollala. Atópase no descanso da entrada de Infantil de 4 anos.
Desfrutádea moito e a seguir aprendendo moitas cousas!
E para vós tamén familias!!! Todos e todas aquelas que queirades pasar polo cole par botarlle unha ollada non o dubidedes! Poderedes facelo o vindeiro Martes pola tarde. Animádevos!
Todas as familias recibistes esta carta e aproveitamos o blog para explicar un pouco máis a axuda que precisamos de todos vos.
O día 24 é o día das bibliotecas e como está tan próximo a Samaín, mesturamos as dúas celebracións festexando: UN SAMAÍN DE CONTO.
* CABAZAS DECORADAS.
Un ano máis animámosvos a decorar unha cabaza cos vosos fillos e fillas, desfrutando de facelo xuntos. Os que vos animedes tendes que traelas o luns día 29.
Poderedes visitalas o martes 30 ou o mércores 31 a entrada ou á saída (abriremos un pouquiño antes para velas).
*“RELATOS CURTOS DE MEDO”.
É unha actividade voluntaria na que queremos animar ao alumnado a soltar a súa imaxinación e escribir pequenos relatos de medo, que poden resultar terroríficos ou moi divertidos!
O último día para entregalos será o mércores 31 e todos os que se animen gravarán o seu relato na radio para que todos o poidades desfrutar.
* “POLO SAMAÍN... CÓNTAME A MIN”.:
Animamos a todas os membros das familias a contar un conto “de medo” na clase do voso fill@. Podedes visitar na biblioteca a exposición con contos que podedes coller prestados e utilizar para contar no cole, pero se tendes na casa algun pois aínda mellor!
Se vos animades concretade día e hora cos titores.
* MERENDA TERRORÍFICA: o martes 30 queremos convidarvos a que todo o alumnado traia unha merenda terrorífica, para compartir, relacionada co Samaín. Será unha merenda especial nas aulas antes de saír ao recreo, na que os nenos e nenas amosarán as súas montaxes terroríficas antes de papalas.
* HORA DE LER A ESCURAS:
O mércores 31 todos os nenos e nenas deben traer unha lanterna porque faremos a hora de ler as escuras para que sexa terrorificamente divertida!
Non dubidedes en preguntar o que sexa... contamos con vos!
