VISITA DO MARIN FUTSAL

O mércores 26 de outubro recibimos a visita do Clube Marín Futsal. O alumnado de 3º e 5º de Educación Primaria desfrutaron dunha sesión co coordinador da base, Jabugo, o adestrador do equipo da 1ª División Feminina, Ramiro López e dúas das xogadoras, Bea Mateos, natural de Salamanca ,e Ale de Paz, natural de Neda (A Coruña) e que acaba de participar no Preeuropeo feminino de Finlandia onde España conseguiu o billete para a fase Final6 de marzo.

O obxectivo desta visita é promocionar o fútbol sala femenino, o clube e compartir co alumnado experiencias vividas coa práctica do deporte.

 
A sesión tivo dúas partes: a primeira de charla, onde se falou das características deste deporte, nº de xogadores/as, terreo de xogo, posicións,... e a segunda de práctica, onde o alumnado desfrutou de pequenos partidillos xunto coas xogadoras no ximnasio do centro.

Para finalizar, as xogadoras repartiron entradas para o partido deste sábado 29 de outubro entre o Marin Futsal e a AD Alcorcón no pavillón da Raña ás 17 horas.

Dende o CEIP de Seixo, agradecemos a visita ao clube Marín Futsal e desexámoslle moita  sorte para este partido e o que resta de liga.

RECÓRDAME

Un dos recunchos que decorou a ANPA está inspirado na película de COCO e quedou así de bonito.

Centrados nese recuncho a ANPA propón ao alumnado unha actividade moi fermosa para que fagades, voluntariamente, na casa. Estaremos encantados de recibir as vosas achegas.

ANXO MOURE CELEBRA CON NÓS O DÍA DAS BIBLIOS

Este ano celebramos o día das bibliotecas con Anxo Moure. Este é un día moi especial no cole porque é o día que inauguramos de forma oficial a biblioteca para este curso (aínda que funcionaba a tope dende setembro). E pensando no tema do proxecto deste curso ERRE QUE ERRE, non podíamos ter outro invitado que Anxo, que antes de contador foi ecoloxista.  

Fixo 4 sesións para todo o cole nas que atrapamos contos e comémolos xuntos. Nas 4 sesións rimos moito, bailamos, aprendemos nomes de árbores, reflexionamos sobre o importante que é poñer en práctica todas as erres... e sobre todo aprendemos que todos somos marabillosamente imperfectos!

Despois xuntámonos todo o cole na biblo, que tiñamos moitas ganas de facelo, e fixemos cousas moi especiais. A primeira foi cantarlle parabéns a Arnaldo que non podía estar máis contento véndonos a todos xuntos na súa casa. 

Despois entregamos o premio do logo do cole, elixido entre todos os debuxos que se fixeron, voluntariamente, o curso pasado, entre as actividades do 50 aniversario. Os gañadores foron Olivia e Mario, e unha fusión dos seus debuxos será o logo do cole: que emoción!!! 

E despedimos este día repartindo as mochilas viaxeiras que comezan a súa andaina polas casas do alumnado. Esperamos que maiores e pequenos as desfrutedes moito e que nolo contedes nos cadernos.

Por suposto non podíamos perder a oportunidade de entrevistar a Anxo, na nosa radio, e falar de ecoloxía e natureza, que son o motor da súa vida e dos seus contos.

O alumnado de 4º e 6º investigaron moito sobre el e prepararon unha gran entrevista.

Aínda que Adrián, Naroa, Eva, Noa e Vera foron os que fixeron a entrevista, o traballo foi das dúas clases.

Desfrutade desta marabillosa entrevista que nos deixa tantas aprendizaxes para o día a día. 

Graciñas Anxo por ser tan auténtico e polo teu cariño. Que pracer compartir este día contigo!!

AGRADECIDOS POLO NOSO PATIO

Calquera día é bo para recordar que temos un tesouro no cole: o noso patio. Nel podemos dar clase, traballar, xogar, facer asembleas, subir ás árbores, coller froita, regar as flores, limpar, plantar, facer pícnic, ler contos, construír, escavar, e un longo etc.... que afortunados somos!!!

 

SAMAÍN 2022

 

Xa está ahí o Samaín cargadiño de actividades terroríficamente divertidas nas que vos a animamos a participar en familia: decorar cabazas, vir a contar contos ao cole, disfraces.... vai ser unha semana diferente e seguro que moi divertida!!

XOGOS NA BIBLIOTECA!!

 Ola a todos e a todas,

Esta semana visitou a nosa biblio Brazolinda que é un proxecto de deseño e fabricación de xogos de mesa en galego.

Os nenos e nenas de primeiro de primaria fomos os elixidos para desfrutar desta xornada de xogos. Era a nosa primeira actividade na biblioteca desde que empezamos primaria!!

Xogamos a "Peixes e pares" para atopar a súa parella. 

Xogar ó "Agasallo" para atopar as cores dos dados foi moi divertido!!

Compre ser moi rápido para atopar os cinco agasallos!!

Desfrutamos co "barco equilibrista"  e co xogo "Arrecife"

Xogamos a "Veiga" para mellorar a psicomotricidad fina. 

É un xogo colectivo no que todos xogan no mesmo equipo.

 

 Tamén  practicamos as regras dos xogos de mesa:

 regras comúns, respecto das quendas, asociación dado-acción.

FELIZ DÍA DOS HORTOS ESCOLARES

O día 11 de outubro é o día dos hortos escolares, e non podíamos deixar pasar esta conmemoración sen presumir de horto, porque estamos moi orgullosos do noso e seguiremos R QUE R coidándoo e traballando nel.

Agora estamos recollendo a colleita do curso pasado e non podemos estar máis ilusionados: cenorias, tomates, pementos, fresas... e comezamos a preparar todo para seguir aproveitando ao máximo todos os bancais.

Feliz día dos hortos escolares! Pasade a coñecer o noso porque é unha marabilla!

ARGALLANDO NO RECREO!

Arnaldo non deixa de propoñernos cousas novas, e este ano sorprendeunos cuns recreos do máis creativo!

Os profes fixéronnos varias propostas de obradoiros ás que engadimos outras do alumnado. E así, de forma voluntaria, temos a opción de apuntanos ao que máis nos guste: ganchillo, robótica, deportes, globoflexia, papiroflexia, natureza, horta, radio, xogos de mesa, impresión 3D, horta, etc...

Así de divertida foi a primeira semana na que houbo obradoiros de ganchillo (o máis solicitado!), papiroflexia, deportes, robótica, natureza, xogos de mesa e globoflexia.

  

 

Segundo os intereses do alumnado, cada semana, ou cada dúas, imos variando a oferta, que é diferente cada día. Estamos moi ilusionados e emocionados, tanto o alumnado coma o profesorado... isto está sendo moi divertido!!

EN BICI AO COLE!!!

Imaxes como esta nos enchen de emoción e de alegría, pero o noso desexo é ter o aparcadoiro cheiño de bicis e ter que solicitar outro!!

Este ano, o proxecto de centro, "R que R", quere facer clic en todas as cabezas: do alumnado, do profesorado, das familias... de todo Seixo! Intentaremos facelo de xeito sinxelo e práctico. Comezamos pola contraportada da axenda, na que contamos que este curso estreamos aparcadoiro de bicis no cole e os moitos beneficios que ten usar a bici.

 

DESPEDIDAS QUE DEIXAN PEGADA!

No cole de Seixo non so Arnaldo deixa pegada, a realidade é que as pegadas máis profundas son as que deixa o alumnado e o profesorado.

Onte foi un día moi emotivo e especial, cunha mestura grande de sentimentos. Onte despedimos a Lourdes, a mellor orientadora do mundo mundial, que se xubila despois de 23 anos en Seixo. Estamos felices por ela, porque se xubila chea de vitalidade e saúde despois de toda unha vida facendo un traballo impecable a nivel profesional e persoal. Pero, ao mesmo, tempo estamos tristes, porque perdemos unha gran profesional e unha compañeira de 10.

Estes somos os compis que tivemos a sorte de compartir con ela o seu último mes, pero todos os que traballaron ao seu lado están de acordo con nós en que a súa pegada estará sempre no cole e en cada un de nós. Con ela aprendimos moito e enriquecemos o noso traballo co alumnado, que sempre foi a súa prioridade.

Graciñas Lourdes pola túa paciencia, polo teu cariño e pola túa cercanía coas familias, co profesorado e co alumnado. Graciñas por ter sempre aberta a porta do despacho, para escoitarnos, animarnos, aconsellarnos... graciñas por ser compañeira e amiga. 

  

Poderiamos seguir falando do marabillosa que é a nosa orientadora, pero non acabaríamos nunca. Moitas veces as imaxes falan con máis forza, e ver a emoción de onte, en grandes e pequenos, resume todo.

Quixemos despedila como se merece: profesorado e alumnado unidos nun pasillo cheo de cariño e agradecemento.