BIOMISIÓN VOLVE A SEIXO

 O curso pasado, o actual alumnado de 6º participou no programa Biomisión coa Misión Biolóxica de Galicia (CSIC de Pontevedra), e este ano vai mostrar o seu traballo nun congreso xunto con outros colexios da zona.

O equipo de Biomisión: Pedro, Susi e Diego, acompañáronnos estas semanas. Contáronnos como era iso de participar nun congreso e guiáronnos no proceso de elaboración da nosa presentación, así como no noso cartel, moi importante nos congresos para que se coñeza o tema a presentar: "FÓRA BICHOS. Estreses bióticos dos cultivos de brásicas".

                                                                           

E depois da última visita, fixémoslles unha pequena entrevista na nosa radio "A VOZ DE ARNALDO", que podedes escoitar pinchando aquí, ou na plataforma ivoox no apartado de entrevistas.

Agora quédanos o último empuxón para presentar o noso traballo o día 24 no palacio de congresos de Pontevedra. 

Xa vos contaremos.

ENTREVISTA A RAFA, O NOSO FORMADOR DO PLAN DIRECTOR

En A VOZ DE ARNALDO, tivemos a sorte de poder entrevistar a Rafa...

Rafa é un Policía Nacional da Comisaría de Marín que leva, ano tras ano, formándonos a través do Plan Director.

Un programa moi moi interesante no que nos ensinan e nos fan ver a morea de perigos que nos podemos atopar no noso día a día nas redes sociais, na nosa propia vida...

Por aquí vola deixamos! Non vola perdades! 

Moitas gracias polo teu tempo Rafa e por ter aceptado a nosa invitación...

Ata outra!

ANXO MOURE CELEBRA CON NÓS O DÍA DAS BIBLIOS

Este ano celebramos o día das bibliotecas con Anxo Moure. Este é un día moi especial no cole porque é o día que inauguramos de forma oficial a biblioteca para este curso (aínda que funcionaba a tope dende setembro). E pensando no tema do proxecto deste curso ERRE QUE ERRE, non podíamos ter outro invitado que Anxo, que antes de contador foi ecoloxista.  

Fixo 4 sesións para todo o cole nas que atrapamos contos e comémolos xuntos. Nas 4 sesións rimos moito, bailamos, aprendemos nomes de árbores, reflexionamos sobre o importante que é poñer en práctica todas as erres... e sobre todo aprendemos que todos somos marabillosamente imperfectos!

Despois xuntámonos todo o cole na biblo, que tiñamos moitas ganas de facelo, e fixemos cousas moi especiais. A primeira foi cantarlle parabéns a Arnaldo que non podía estar máis contento véndonos a todos xuntos na súa casa. 

Despois entregamos o premio do logo do cole, elixido entre todos os debuxos que se fixeron, voluntariamente, o curso pasado, entre as actividades do 50 aniversario. Os gañadores foron Olivia e Mario, e unha fusión dos seus debuxos será o logo do cole: que emoción!!! 

E despedimos este día repartindo as mochilas viaxeiras que comezan a súa andaina polas casas do alumnado. Esperamos que maiores e pequenos as desfrutedes moito e que nolo contedes nos cadernos.

Por suposto non podíamos perder a oportunidade de entrevistar a Anxo, na nosa radio, e falar de ecoloxía e natureza, que son o motor da súa vida e dos seus contos.

O alumnado de 4º e 6º investigaron moito sobre el e prepararon unha gran entrevista.

Aínda que Adrián, Naroa, Eva, Noa e Vera foron os que fixeron a entrevista, o traballo foi das dúas clases.

Desfrutade desta marabillosa entrevista que nos deixa tantas aprendizaxes para o día a día. 

Graciñas Anxo por ser tan auténtico e polo teu cariño. Que pracer compartir este día contigo!!

ANACOS DE VIDA DO COLE DE SEIXO: LOIS GONZÁLEZ DOPAZO

Moi bos días!

Hoxe as nenas e nenos de 6º de primaria queremos compartir con vós un traballo moi especial... Hai uns días fixémoslle unha entrevista a LOIS GONZÁLEZ DOPAZO e queremos compartila con todas e todos vós!

LOIS GONZÁLEZ DOPAZO, fillo do primeiro conserxe que tivo o noso cole, D. Antonio, nos seus 50 anos de vida. Porque como xa sabedes este ano estamos de aniversario, un aniversario moi moi especial.

Por iso na clase de 6º decidimos crear esta nova sección ANACOS DE VIDA DO COLE DE SEIXO, na nosa radio de A VOZ DE ARNALDO.

Antes da entrevista LOIS estivo visitando a que fóra a súa casa, a casa na que vivira cos seus pais... A CASA DO CONSERXE, a casa que hoxe fai as veces de comedor do cole e de local da ANPA ABELENDOS...

Nesta imaxe que compartimos a continuación, Lois recorda donde era a súa habitación...

E nesta outra mira polo ventanuco que fixera seu pai, finado hai un ano, a través do cal a súa nai vendía chuches ás rapazas e rapaces de todo o cole durante os recreos...

Lois contounos que fregou, barreu, colocou mobiliario, libros nos andeis da biblioteca, disfrutou das excursións de EXB aínda que xa non era alumno do cole...

O seu pai fora Policía Local e xubilouse en Seixo hai 28 anos, recoñece que estaría moi contento da celebración dos 50 anos do cole...

Os recordos emanan na súa memoria de forma cariñosa e moi próxima, cun sorriso contounos moreas de cousas na entrevista que agora compartimos con todas e todos vós. O libro de visitas do Cole de Seixo un recordo máis desta fermosa actividade...

Por aquí vola deixamos...

ENTREVISTANDO Á PROFE OLALLA

Hoxe puidemos entrevistar á profe Olalla...

Tivemos o privilexio de ter no cole unha profe que ten outros traballos moi chulos e non podiamos desaproveitar esta grande oportunidade para convidala a pasar por... A VOZ DE ARNALDO.

Olalla tamén nos deixou un agasallo moi grande... Asinounos e adicounos todos os seus libros que temos na Biblio de Arnaldo... Mirade, mirade!

Por aquí vos deixamos a entrevista na radio...

E si queredes vela podédelo facer agora mesmo:

Grazas por todo Olalla!!! Ata outra profe!!!

AS PROPOSTAS DE DANI PARA O FUTURO ALCALDE OU ALCALDESA DE MARÍN

Moi boas amiguiños!

Hoxe, en A VOZ DE ARNALDO, recibín a visita de Dani, compañeiro de 2º de primaria.

Hai uns días Dani elaborou unha carta que quixo entregarlle a alcaldesa de Marín na que escribiu algunhas cousiñas que lle gustaría que se fixeran na nosa vila de Seixo. 

Quixo compartilas con nós na nosa radio e dende A VOZ DE ARNALDO queremos facerllas chegar a todas e todos os candidatos que se presentan á alcaldía do Concello de Marín nestas eleccións municipais.

Escoitade a seguinte entrevista:

ANTONIO GARCÍA TEIJEIRO: PREMIO NACIONAL DE LITERATURA INFANTIL Y JUVENIL

Hoxe, os nenos e nenas de 3º, 4º, 5º e 6º tivemos a inmensa sorte de poder contar na Biblioteca de Arnaldo coa visita de Antonio García Teijeiro

Escritor galego (Vigo) galardonado recentemente co PREMIO NACIONAL DE LITERATURA INFANTIL Y JUVENIL, gracias a...

Libro de poemas, escrito en galego, co que cerra a súa triloxía sobre o mar e que ilustra Xan López Domínguez que ten como protagonista principal o mar. 

Tamén estivo presente...

Un rato díxolle á lúa é a caixa dos tesouros da poesía de Antonio García Teijeiro. Dentro dela gárdase a esencia dos seus versos, a apócema máxica coa que, en palabras de Fran Alonso, «a lúa imprimiu neles un sabor antigo, un sabor de berce, un sabor sincero que se nos mete dentro». 

Pasamolo moi ben e disfrutamos moitísimo...

Recitamos moitos poemas...

Deixounos unha dedicatoria moi especial para o libro de visitas da nosa biblio...

E mentras lemos en grupos...

García Teijeiro tivo a paciencia de firmar un a un todos os nosos libros e adicárnolos un por un...

Deixámosvos, por aquí, un pequeno vídeo, que vos dará moita envexa, e no que poderedes comprobar o ben que o pasamos e como disfrutamos de Antonio:

Por último, antes de marchar tivemos a ocasión de poder entrevistalo na nosa VOZ DE ARNALDO

Podedes escoitar a entrevista completa a continuación:

Moitísimas gracias pola túa visita ao noso cole e por facer que disfrutáramos tanto! Somos moi afortunados! Gracias por todo!

COÑECENDO E APRENDENDO MÁIS

Os nenos e nenas de 6º continuamos a recibir, na clase, a familiares e amigos que nos queren contar a súa experiencia laboral e académica.

Queremos ter outro punto de vista sobre diferentes ámbitos dalgúns traballos e coñecer outros novos.

Desta vez foi o turno de Carlos Arce, avogado.

Despois de falar con nós na aula, visitou a nosa radio: "A voz de Arnaldo".

Alí Silvia e Nikita fixéronlle unha entrevista que poderás escoitar a continuación:

Moitas gracias pola túa visita, Carlos!
Podedes ver estas e outras noticias e actividades da clase de 6º de primaria no...

BLOGUE DE SEXTO