DESPEDIDA DO CURSO 24/25

A última semana do curso estivo cheíña de días especiais nos que fomos despedindo o curso. Un deles fixemos unha festa de auga para combater a calor e compartir moitas risas: pasámolo pipa!

Non podían faltar os campionatos deportivos cos que desfrutamos durante moitos recreos. E este ano, nas finais, non gravamos os partidos, centrámonos en recoller o ambiente animando, os nenos e nenas animando con ganas e pasándoo pipa celebrando as vitorias dos demais.

Por suposto non faltou o tradicional partido de brilé dos de 6º contra o profesorado, dende logo sempre é un partido emocionate e moooi divertido!

E como todo campionato que se prece, tivemos entrega de medallas, unhas medallas moi especiais deseñadas polo alumnado de 6º e feitas no cole. Ademais tivemos unha madriña de honor, Noa, antiga alumna, que viña de gañar o campionato de España de fútbol sala feminino co club La Peña: que honor! Pechamos a entrega de medallas cunha sorpresa moooi especial!

E, aínda que nos dan moita pena as despedidas, chegou o momento de dicir adeus a un montón de profes que nos acompañaron neste curso e que deixaron a súa pegada en Seixo.

O curso que ven: máis e mellor!!

DESPEDIDA CURSO 2023/24

Os dous últimos días do curso estiveron cargadiños de momentos especiais e moi emotivos. O xoves 20 fixemos as graduacións de infantil e de primaria. Podedes velas premendo en cada unha: GRADUACIÓN 5 ANOS, GRADUACIÓN 6º.

Por fin estreamos o mambo de Seixo (podedes ver o vídeo "oficial" premendo AQUÍ).

Ademais, tivemos outras despedidas moi emotivas. Despois de 11 anos despedimos á profe Bea que cambia de cole. Desexámoslle o mellor, botarémola moito de menos. Gracias Bea por deixar a túa pegada en Seixo!

E tamén despedimos a Irene, a presi da ANPA, sempre cercana, colaboradora, disposta... botarémola mooooito de menos!

O último día xogouse o esperado partido do alumnado de 6º contra o profesorado. O que non faia ningún ano é o ben que o pasamos xogando e animando!

Non puidemos resistirnos a cantar outra vez a canción do cole para despedir o curso. 

E co corpo en marcha seguimos bailando un pouquiño máis! E fixemos un tren que nos levou ata o muro de SEIXO CHEO DE VIDA que inauguramos nese mesmo momento (podedes velo premendo AQUÍ)

Os de 5 anos fixéronnos bailar un pouco máis coa súa canción... é irresistible!

E por suposto compartimos unha rica merendola porque, sen dúbida, cando nos xuntamos, todo sabe máis rico!

O curso que ven... máis e mellor!!!

GRADUACIÓN PRIMARIA

17 nenos e nenas, da man da profe Nerea, rematan o seu paso por primaria e gradúanse para marchar rumbo ao Chan do Monte

A profe Nerea entregoulles as súas orlas e tamén recibiron un agasallo da ANPA. As familias de 6º tamén quixeron ter un detalle con profesorado. 

A tropa de 6º fíxonos desfrutar co baile que prepararon: botarémolos moito de menos!!

Parece que foi onte cando entraron pola porta do cole por primeira vez... e agora xa esperamos que volvan de visita! Recordade que Seixo sempre será a vosa casa!

GRADUACIÓN INFANTIL

Esta preciosa tropa de 21 fantásticos nenos e nenas, a tropa do profe Óscar, rematan infantil e están a puntiño de empezar primaria: que rápido medraron!!

O día da graduación recibiron a súa orla e tamén algúnha sorpresa que o profe Óscar tiña preparada.

E puidemos desfrutar do baile que tanto ensaiaron con Óscar e Jeni: encantounos!! Que marcha!!

Desexámosvos o mellor! Seguro que vai fenomenal o cambio de etapa, e o profe Óscar estará sempre no piso de abaixo feliz de recibir visitas!

O ANO QUE VEN: MÁIS E MELLOR!!!

Despedimos este curso cunha imaxe moi especial: unha gran foto de familia, feita un día chulísimo que compartimos todo o cole en A Pradeira. Esta foto está na casa de todo o alumnado e de todo o profesorado, porque as fotos nas pantallas son bonitas, pero impresas aínda máis!!

No consello de nenos, o alumnado pediu ter unha foto impresa de cada clase e de todo o cole, e esta foi a foto de cada clase que todos levaron, botamos de menos a algúns compis que non saen (fíxose complicado coincidir todos nos últimos días).

Despedimos cunha aperta especial ás profes Sole, Rebeca, Fanny e ao profe Edu, que compartiron este curso con nós: botarémosvos moito de menos!!

FELIZ VERÁN A TODOS E TODAS: 

VÉMONOS EN SETEMBRO!!!

DESPEDIDA DO CURSO RQR

O 21 de xuño despedimos este curso nun fermoso día soleado cheo de emocións. Xuntámonos coas familias de 6º de infantil e de 6º de primaria para celebrar que cambian de etapa.

Xa vos contamos como foron as graduacións, se queredes ver como foi a graduación de infantil podedes vela premendo AQUÍ, e se queredes ver a graduación primaria premede AQUÍ.

Neste día de emotivas despedidas, sobre todo ao alumnado de 6º, tamén despedimos a 3 nais que levan mooooitos anos formando parte da ANPA, sendo un gran apoio e axuda en moitas cousas. Tere, Uxía e Rocío: a vos tamén vos imos botar moito de menos, como lles dixemos aos vosos fillos, recordade que Seixo tamén sempre será a vosa casa.

Ademais, a familia de Fuco e Lúa (que aínda que leva anos en secundaria segue sendo da familia de Seixo) agasallou ao cole cunha árbore que quedará a vivir no noso patio. Graciñas a Uxía e a Gaspar, non so por esta árbore, senón por tantos anos acompañándonos e axudándonos en tantas cousas relacionadas coas arbores e plantas do cole... e o que lles queda jejeje

E para rematar a festa fixemos unha merendola conxunta na que todo o cole aportamos cousiñas para compartir, e aínda que fixemos un vídeo, non é posible percibir que momento tan fermoso foi: todos xuntos, profesorado e alumnado, maiores e pequenos, compartindo merenda, conversas, xogos... nun patio tan fermoso que nos deixa sen palabras.

 

ADEUS INFANTIL... BENVIDA PRIMARIA!!

En setembro de 2020, en plena pandemia da COVID-19, chegou a Seixo un marabilloso grupo de nenas e nenos aos que admiramos un montón polo valentes que foron, chegando a un cole novo nun momento tan complicado... e que ben o fixeron!!!

Eran uns pequerrechos marabillosos, e, aínda que pasaron moito tempo coas máscaras postas, nunca deixaron de sorrir! Se queredes ver a súa presentación no cole premede AQUÍ

Case sen darnos conta pasaron 3 cursos e xa remataron infantil. E fixérono con moita marcha, porque este grupo, incluída a profe, son moi festeiros e "bailongos"... para mostra podedes ver o ben que bailaron na súa graduación!

Con moita emoción, a profe Jeni foi entregando as orlas a todos os pequerrechos, da clase de 5 anos, que dentro de nada comezan 1º con moitas ganas e ilusión... e tamén con moitos nervios!

 

Que tropa tan bonita! Desexámosvos o mellor!!

Con estes fermosos sorrisos damos os parabéns a todos e cada un dos nenos e nenas que tan ben o fixeron nestes anos ben rariños, cheos de restricións, pero moi ben aproveitados! 

Seguirémonos vendo cada día, nunca esquezades canto vos queren as profes de infantil e a ilusión que nos fai recibir visitas!!

ADEUS PRIMARIA... BENVIDA SECUNDARIA!!

Cando chega final de curso chegan as despedidas, e este ano tócanos despedir a esta tropa que, na maioría dos casos, leva 9 anos no cole... 9 anos son moitos anos!!

 Para despedirnos agasalláronnos con este baile: un gran traballo en equipo!

E chegou o momento de entregar orlas e diplomas como resultado do esforzo e do traballo durante tantos anos, que emoción, todos marchan rumbo a secundaria!

Pero non pensedes que estes nenos e nenas sempre foron tan maiores. En setembro de 2014 chegaron a Seixo 14 pequenos e pequenas que desfrutaron 3 anos cheos de aprendizaxes co profe Jorge antes de saltar a primaria onde estiveron con Bea, con Graciela, con Pachú e agora despiden a primaria con Alexia.

 

En 3º sumáronse a este equipazo 6 novos compis que completaron o grupo que se despide este ano do cole.

 

Estes son os 20 graduados deste curso aos que botaremos moito de menos!

Incrible que xa pasasen 9 anos dende que chegaron ao cole, hai que ver canto medraron!!

Cando remataron infantil fixemos unha montaxe dos seus 3 primeiros anos no cole, e agora aínda é máis emocionante vela!

Se queredes ver máis recordos da súa etapa infantil podedes facelo premendo AQUÍ, onde atoparedes unha recompilación de entradas desta promoción: alucinaredes!!!

Ata pronto a todos e todas! 

Desexámosvos o mellor, non só no instituto, senón en toda a vosa vida. 

Lembrade que Seixo sempre será a vosa casa!!!

DESPEDIDAS QUE DEIXAN PEGADA!

No cole de Seixo non so Arnaldo deixa pegada, a realidade é que as pegadas máis profundas son as que deixa o alumnado e o profesorado.

Onte foi un día moi emotivo e especial, cunha mestura grande de sentimentos. Onte despedimos a Lourdes, a mellor orientadora do mundo mundial, que se xubila despois de 23 anos en Seixo. Estamos felices por ela, porque se xubila chea de vitalidade e saúde despois de toda unha vida facendo un traballo impecable a nivel profesional e persoal. Pero, ao mesmo, tempo estamos tristes, porque perdemos unha gran profesional e unha compañeira de 10.

Estes somos os compis que tivemos a sorte de compartir con ela o seu último mes, pero todos os que traballaron ao seu lado están de acordo con nós en que a súa pegada estará sempre no cole e en cada un de nós. Con ela aprendimos moito e enriquecemos o noso traballo co alumnado, que sempre foi a súa prioridade.

Graciñas Lourdes pola túa paciencia, polo teu cariño e pola túa cercanía coas familias, co profesorado e co alumnado. Graciñas por ter sempre aberta a porta do despacho, para escoitarnos, animarnos, aconsellarnos... graciñas por ser compañeira e amiga. 

  

Poderiamos seguir falando do marabillosa que é a nosa orientadora, pero non acabaríamos nunca. Moitas veces as imaxes falan con máis forza, e ver a emoción de onte, en grandes e pequenos, resume todo.

Quixemos despedila como se merece: profesorado e alumnado unidos nun pasillo cheo de cariño e agradecemento. 

UNHA DESPEDIDA ESPECIAL

Fin de curso sempre está cheo de despedidas e de moitas emocións, e este ano, ademais de despedir ao alumnado de 6º, despedimos a 2 persoas moi especiais que levan mooooitos anos traballando duro na ANPA: Elena e Pili.

Elena leva máis dunha década como presidenta da ANPA Abelendos facendo un traballo fantástico sempre cerca do centro e do profesorado. E ao seu lado un equipo fantástico de familias entre as que Pili estivo 9 anos colaborando con todo. Graciñas infinitas ás dúas, sen a colaboración das familias non sería posible!

ATA SEMPRE! RAPAZAS E RAPACES DE 6º...

Nun acto moi emotivo no cole as rapazas e rapaces de 6º de primaria graduámonos para deixar atrás unha etapa que durou 9 anos no Cole de Seixo e comezar en setembro unha nova andaina...

Por aquí vos deixamos o vídeo de presentación da nosa graduación...

A nosa titora Maricarmen foi a encargada de entregarnos as orlas...

E ao rematar dedicounos unhas palabriñas...

Quixemos darlle un pequeno recordo para que se lembre sempre de todas e todos nós...

Queremos compartir con vós a Orla da nosa promoción...

Tan só rematar dicíndovos que nos encantou vervos medrar e que vos desexamos todo o mellor para o voso futuro! Arnaldo despídese con este pequeno vídeo... Mirade, mirade!

As portas de Seixo quedan abertas de par en par para que volvades a visitarnos cando o desexedes! O futuro é voso! Que vos sorría!

GRAZAS!... Vémonos en setembro!!

Hoxe despedimos o blog do curso 2019-20. Un curso único e diferente a todos os vividos, un curso cheo de incerteza, preocupacións, medo... un curso no que todos aprendemos un montón de cousas que non imaxinábamos. Aprendemos a comunicarnos de outro xeito: por medio de pantallas, de chamadas telefónicas, de correos,... aprendendo que a distancia tamén pode unirnos e que a escola non está pechada nas paredes dun edificio.

Todo o profesorado do CEIP Seixo botamos a vista 3 meses e pico atrás e sentimos moita gratitude cara ao alumnado polo seu esforzo, traballo e ilusión, e cara ás familias pola súa axuda, esforzo e implicación durante a corentena: que orgullosos nos sentimos! Este vídeo é unha despedida, chea de cariño e agradecemento, dun curso único e inesquecible.

GRAZAS de corazón. Sabemos que non foi fácil, pero xuntos conseguímolo. Descansade moito no verán e recargade as pilas. Setembro ven cargado de incerteza e non podemos facer moitos plans, pero seguiremos traballando en equipo e seguro que será un ano inesquecible. 

Mandámosvos moitas apertas fortes... 

vémonos en setembro!!!

ATA SEMPRE!

Onte tivo lugar no cole un acto moi emotivo de despedida do alumnado de 6º de primaria...

Acompañados das súas familias, e das representantes da nosa ANPA (unha vez más apoiando os actos do cole), puideron desfrutar dunha despedida atípica pero non por iso menos importante...

Da man da súa profe María José recibiron os diplomas que lles acreditaban rematar a etapa de educación primaria...

Como non podía ser doutra forma, Arnaldo, a través dos profes do Equipo de Biblioteca entregoulles aos bibliotecarios deste ano uns imáns de recordo e un diploma que acredita a labor de cada un e unha na biblioteca do noso cole.

A profe Sabela quedou encantada de poder facer unha foto cos seus nenos e nenas da clase de relixión católica...

E a profe María José tampouco quixo perder a oportunidade de facerse unha última foto de grupo con eles...

As compañeiras Mapi e Yoli, do IES CHAN DO MONTE, tiveron unha pequena reunión con eles para explicarlles cousiñas e novidades do que se van atopar na nova etapa que van comezar en setembro...

Por aquí vos deixamos a orla deles...

PROMOCIÓN 2011-2020

Tan só rematar dicíndovos que nos encantou vervos medrar e que vos desexamos todo o mellor para o voso futuro!Arnaldo despídese con este pequeno vídeo... Mirade, mirade!

As portas de Seixo quedan abertas de par en par para que volvades a visitarnos cando o desexedes! O futuro é voso! Que vos sorría!

OS NENOS E NENAS DE 6º DESPÍDENSE DO COLE

Hoxe péchase unha etapa para os nosos nenos e nenas de 6º de primaria. 

Hai uns días propuxémoslles unha actividade...

Dende a distancia á que nos obrigou esta situación... por aquí vos deixamos as súas despedidas.

DESPOIS DE 9 ANOS...

REMATAMOS CONFINADOS!

Por outra banda, eles, os nosos protagonistas de hoxe, os nenos e nenas de 6º de primaria, realizaron un vídeo que lles queren dedicar a todos os profesores que lles deron clase durante estes anos. Dedícanlles estas palabras:

Profes! Queríamos darvos as gracias pola excursión de fin de curso que non se puido facer, polos festivais, por ensinarnos principalmente a ser boas persoas... e por un montón de cousas máis que agora ides ver neste vídeo que con tanto cariño vos preparamos.

Moitas gracias por todo! Desexamos que vos guste!

Ata pronto!

ESTADE ATENTOS ESTES DÍAS PORQUE OS PROFES GARDAN UNHA ÚLTIMA SORPRESIÑA PARA VÓS!

FELIZ VERÁN!

Moi bos días! Seguindo unha das últimas propostas que se fixeron dende o cole...

Desexamos que vos guste moito o vídeo que vos prepararon! Para un fin de curso tan raro... unha despedida diferente e orixinal!

Os nosos lagartiños de Seixo deséxanvos...

FELIZ VERÁN!

Moitísimas gracias a todos e todas pola vosa participación!
ESTADE ATENTOS ESTES DÍAS PORQUE OS PROFES GARDAN UNHA SORPRESIÑA PARA VÓS!

ATA SEMPRE PROFE MARICARMEN!!

Hoxe temos unha noticia triste pero ao mesmo tempo moi alegre. Despedimos a unha profe pero por un bo motivo: chegou o día da súa xubilación!! Somos moi afortunados porque, despois de toda unha vida adicada á ensinanza, a profe Maricarmen despídese en Seixo.

Aquí viviu os seus 11 últimos cursos, e os nenos e nenas da súa última titoría queren despedila como merece e de parte deles é este vídeo tan divertido e emotivo! 

Nunca esquecerán os seus primeiros anos no cole e a súa primeira profe en Seixo... teñen un montón de bos recordos... neste vídeo vos deixamos algúns.

Aínda que este fin de curso é moi raro, tamén é único e especial, como a profe Maricarmen: non calquera se xubila nunha pandemia!! 

Profe: non podemos despedirte con bicos e apertas como nos gustaría, pero sabemos que esta despedida virtúal será inesquecible! Seixo sempre será a túa casa, ven moito a visitarnos. Bicos mil de tantos nenos e nenas que estiveron na túa clase e de todo o profesorado que compartimos contigo esta aventura.

DESPEDIDA DO TEACHER MANUEL

Moi boas a todas e todos!

Hoxe queremos deixarvos por aquí unha sorpresiña! Prestade moita atención...

Ola rapaces! O curso xa toca a súa fin. E esperamos que pronto esta situación sexa coma esa sensación de quen ten un mal soño e nada máis...

Pola miña banda de profe de Reforza-t dicir que foi un inmenso pracer coñecervos a todos vos. Eu penso que o inglés, o galego, a música, tódalas linguaxes son idiomas que poden usarse para mostrar as máis profundas inquedanzas. 

Por isto, quería adicarvos esta canción xa que descubrímola xuntos nas clases de inglés onde colaborei con Fátima a quen lle fago estensible estas grazas xunto cunha aperta xigante. Grazas mestra!

Os demáis que aproveitedes o tempo que nos foi dado porque como aprendimos todos non sempre é cousa nosa poder xestionalo o noso xeito. Bicos e apertas. Por unha pronta vacina e moita saúde!

Para calquera cousa estarei, para cando o precisedes, no correo electrónico:

profe.manuel.seixo@gmail.com

REMATA O CURSO

Moi boas a todas e todos!

Xa non queda nada, un ano máis chegamos ao remate do curso escolar. Este ano dun xeito diferente pola situación que xa todos coñecemos de sobra. 

Pero por iso mesmo e porque é diferente queremos propoñervos as últimas actividades para que vos animades a participar...

Prestade moita atención que comezamos!!!

INFANTIL

Unha actividade para que os máis pequerrechos se poidan despedir dos seus compañeiros e compañeiras, aínda que sexa de xeito virtual, e desexarse entre eles unhas felices vacacións.

Convidámosvos a participar enviando vídeos cunha temática refrescante e de verán: con gorros, roupa de verán, no río, na piscina, de picnic, na praia, xogando na area, e todo o que se vos ocurra...

Lembrade gravar os vídeos de forma HORIZONTAL. Tedes ata este mércores (17-6-2020) ás 12 da noite para enviar as vosas despedidas. Por aquí vos deixamos o número de whatsapp do cole (é o máis cómodo) para que nolos fagades chegar: 696 107 027. 

1º, 2º, 3º, 4º e 5º

I CONCURSO DE PORTADAS 

AXENDA ESCOLAR 2020-2021

Para todo o alumnado de primaria, excepto os de 6º que xa nos deixan este ano, propoñémosvos que fagades o voso deseño para a portada das axendas do vindeiro curso escolar.

Obrigatorio: os debuxos deben ser feitos en VERTICAL e o noso querido Arnaldo ten que aparecer nelas. A portada que resulte gañadora terá que ser entregada no cole para a maquetación das axendas do vindeiro curso. Non vos esquezades de darlle cor!

Tedes ata este mércores (17-6-2020) ás 12 da noite para enviar as fotos das vosas montaxes. Por aquí vos deixamos o número de whatsapp do cole (é o máis cómodo) para que nolos fagades chegar: 696 107 027. 

DESPOIS DE 9 ANOS...

REMATAMOS CONFINADOS

Unha actividade única e exclusivamente para os nenos e nenas de 6º. Eles son os que, este ano, deixan o cole e por iso, dende a distancia á que nos obrigou estar esta situación, non queríamos perder a posibilidade de ofrecervos unha despedida diferente.

Propoñémosvos que vos gravedes facendo un vídeo moi especial de despedida. A vosa profe María José vaivos dar máis indicacións dende o seu blog "LUPA DIXITAL".

Lembrade gravar os vídeos de forma HORIZONTAL. Tedes ata este mércores (17-6-2020) ás 12 da noite para enviar as vosas despedidas. Por aquí vos deixamos o número de whatsapp do cole (é o máis cómodo) para que nolos fagades chegar: 696 107 027. 

¿POR QUÉ PEDIMOS...
VÍDEOS EN HORIZONTAL?

Sempre que vos pedimos vídeos para o cole insistimos e somos uns pesados nisto, en que sexan horizontais, pero e que esta petición é moi importante para que quede ben a montaxe. E que cando se grava ou se fai unha fotografía en horizontal a montaxe queda así...

ANIMÁDEVOS A PARTICIPAR NESTAS ÚLTIMAS PROPOSTAS!

OS PROFES TAMÉN ESTÁN ARGALLANDO UNHA SORPRESIÑA!

ESTADE MOI ATENTOS!

ENCANTOUNOS VERVOS MEDRAR!

Non queremos pechar a actividade deste blog durante este curso, sen facerlles un recordo especial aos nenos e nenas de 6º de infantil e 6º de primaria...

INFANTIL SEIXO

(2016-2019)

Canto medrastes con nós!

CEIP SEIXO
PROMOCIÓN (2010-2019)

Encantounnos vervos medrar!

DESPEDIDAS QUE DEIXAN PEGADA!

Un ano máis tivemos a oportunidade de poder despedir o curso dun xeito moi especial...

Foi xenial poder compartila coas familias do noso alumnado e ter un día de festa todos xuntos.

Os nenos e nenas de sexto representaron unha obra de teatro escrita por eles mesmos...

A continuación foi o turno dos nenos e nenas de 5 anos que se graduaron na súa etapa de infantil...

A súa profe Bea recibiu deles unha sorpresiña...

Os nenos e nenas da clase da profe Loreto tamén quixeron sorprender á súa titora...

Gracias profe Loreto pola túa dedicación e alegría... Ímoste botar moitísimo de menos!

O equipo de Biblio entregou os premios de AS PEGADAS DE ARNALDO 2018-2019...

E quixeron recoñecer a labor de todos/as os bibliotecarios voluntarios que ao longo do curso axudaron a que a Biblio de Arnaldo funcionara moi moi ben...

Os nenos e nenas de 6º tamén tiveron o seu acto de graduación.... 

E quixeron dicirnos unhas palabras de despedida...

Xa vos botamos de menos, así que non deixedes de visitarnos... e desfrutade moito desta nova etapa tan merecida á que chegades con tanta enerxía e vitalidade. Deixades unha pegada desas que nunca se borran.

E por último, e non menos importante, a despedida do noso compañeiro e profe JORGE...

Que en nome das familias de 6º de infantil, das familias de todo o alumnado de infantil e dos nenos e nenas de 5º recibiu unha morea de agasallos...

Que esta nova etapa que vas comezar veña cargada e chea de todo o mellor como recompensa a túa labor incansable durante tantos e tantos anos.... QUE SEXAS MOI FELIZ!

Natalia, a nosa dire, despediu o acto e, un curso máis, antes de irmos papar...

Unha merenda conxunta na que o pasamos moi moi ben e desfrutamos moito...

Con fhoto call incluído no que Arnaldo quixo estar presente...

Feliz verán a todas e todos amiguiños!!! 

Vémonos á volta!!!