GRADUCACIÓN INFANTIL

A tropa de 5 anos rematou o seu paso por infantil e tócalles dar un gran salto a primaria, so suben un piso, pero iso vai cargado de moitos nervios e emocións.

Para despedirse, como actuación final do ciclo, elixiron facer unha obra de teatro que ensaiaron mooooito e notouse, porque foi un éxito! Rimos e desfrutamos un monton coas peripecias do chicle.

 

A profe Ana entregoulles as súas orlas e diplomas, e tamén recibiron unha medalla (aínda que chegou cuns días de retraso). As familias tamén quixeron ter un detalle coa titora e todo o alumnado de 5 anos tivo unha sorpresa para o profesorado que os acompañou con tanto cariño.

Parece que foi onte cando chegaron a Seixo, pero xa pasaron uns aniños e medraron un montón!!

Que delicia vervos medrar, seguro que seguiremos aprendendo moito, maiores e pequenos.

 

Desexámosvos todo o mellor para as novas aventuras que veñen!

GRADUACIÓN PRIMARIA

15 marabillosos nenos e nenas pecharon unha páxina da súa historia despedíndose do cole de Seixo.

Iso si, despedíronse con moita marcha, cun baile que ensaiaron durante moitas semanas e que puidemos desfrutar con moito ritmo.

Despois duns discursos inolvidables e moi emotivos, que prepararon de forma individual, a profe Graciela entregoulles as súas orlas e diplomas, e tamén recibiron unha medalla e un agasallo da ANPA. As familias de 6º tamén quixeron ter un detalle coa titora e co profesorado.

 

Regalámoslles unhas tazas de Arnaldo para que nunca se esquezan do cole, porque a súa pegada quedará aquí para sempre. Recordade que sempre seredes parte da familia de Seixo: vinde moito a visitarnos! Desexámosvos todo o mellor para as novas aventuras que veñen!

GRADUACIÓN PRIMARIA

17 nenos e nenas, da man da profe Nerea, rematan o seu paso por primaria e gradúanse para marchar rumbo ao Chan do Monte

A profe Nerea entregoulles as súas orlas e tamén recibiron un agasallo da ANPA. As familias de 6º tamén quixeron ter un detalle con profesorado. 

A tropa de 6º fíxonos desfrutar co baile que prepararon: botarémolos moito de menos!!

Parece que foi onte cando entraron pola porta do cole por primeira vez... e agora xa esperamos que volvan de visita! Recordade que Seixo sempre será a vosa casa!

GRADUACIÓN INFANTIL

Esta preciosa tropa de 21 fantásticos nenos e nenas, a tropa do profe Óscar, rematan infantil e están a puntiño de empezar primaria: que rápido medraron!!

O día da graduación recibiron a súa orla e tamén algúnha sorpresa que o profe Óscar tiña preparada.

E puidemos desfrutar do baile que tanto ensaiaron con Óscar e Jeni: encantounos!! Que marcha!!

Desexámosvos o mellor! Seguro que vai fenomenal o cambio de etapa, e o profe Óscar estará sempre no piso de abaixo feliz de recibir visitas!

ADEUS INFANTIL... BENVIDA PRIMARIA!!

En setembro de 2020, en plena pandemia da COVID-19, chegou a Seixo un marabilloso grupo de nenas e nenos aos que admiramos un montón polo valentes que foron, chegando a un cole novo nun momento tan complicado... e que ben o fixeron!!!

Eran uns pequerrechos marabillosos, e, aínda que pasaron moito tempo coas máscaras postas, nunca deixaron de sorrir! Se queredes ver a súa presentación no cole premede AQUÍ

Case sen darnos conta pasaron 3 cursos e xa remataron infantil. E fixérono con moita marcha, porque este grupo, incluída a profe, son moi festeiros e "bailongos"... para mostra podedes ver o ben que bailaron na súa graduación!

Con moita emoción, a profe Jeni foi entregando as orlas a todos os pequerrechos, da clase de 5 anos, que dentro de nada comezan 1º con moitas ganas e ilusión... e tamén con moitos nervios!

 

Que tropa tan bonita! Desexámosvos o mellor!!

Con estes fermosos sorrisos damos os parabéns a todos e cada un dos nenos e nenas que tan ben o fixeron nestes anos ben rariños, cheos de restricións, pero moi ben aproveitados! 

Seguirémonos vendo cada día, nunca esquezades canto vos queren as profes de infantil e a ilusión que nos fai recibir visitas!!

ADEUS PRIMARIA... BENVIDA SECUNDARIA!!

Cando chega final de curso chegan as despedidas, e este ano tócanos despedir a esta tropa que, na maioría dos casos, leva 9 anos no cole... 9 anos son moitos anos!!

 Para despedirnos agasalláronnos con este baile: un gran traballo en equipo!

E chegou o momento de entregar orlas e diplomas como resultado do esforzo e do traballo durante tantos anos, que emoción, todos marchan rumbo a secundaria!

Pero non pensedes que estes nenos e nenas sempre foron tan maiores. En setembro de 2014 chegaron a Seixo 14 pequenos e pequenas que desfrutaron 3 anos cheos de aprendizaxes co profe Jorge antes de saltar a primaria onde estiveron con Bea, con Graciela, con Pachú e agora despiden a primaria con Alexia.

 

En 3º sumáronse a este equipazo 6 novos compis que completaron o grupo que se despide este ano do cole.

 

Estes son os 20 graduados deste curso aos que botaremos moito de menos!

Incrible que xa pasasen 9 anos dende que chegaron ao cole, hai que ver canto medraron!!

Cando remataron infantil fixemos unha montaxe dos seus 3 primeiros anos no cole, e agora aínda é máis emocionante vela!

Se queredes ver máis recordos da súa etapa infantil podedes facelo premendo AQUÍ, onde atoparedes unha recompilación de entradas desta promoción: alucinaredes!!!

Ata pronto a todos e todas! 

Desexámosvos o mellor, non só no instituto, senón en toda a vosa vida. 

Lembrade que Seixo sempre será a vosa casa!!!

OS PEQUE GRADUADOS DO 2022

Os nenos e nenas de 6º de infantil deixan a planta de abaixo e en setembro subirán para o piso de arriba cos compis de primaria.

 

Compartimos xuntos a alegría e a satisfacción de rematar unha etapa: que ben o fixeron!!

 

Esperamos que recorden esta etapa con moito cariño!

Nestes 3 anos no cole medraron un montón, así chegaron e así marchan para primaria...

Feliz verán! Vémonos pronto e esperamos moitas visitas no patio de infantil!

OS GRADUADOS DOS 50 ANOS

A promoción do 50 aniversario despediuse do cole despois dun curso no que traballaron un montón e investigaron moitísimo sobre a historia do cole.

Botarémolos de menos, porque son un grupo fantástico co que temos recordos inesquecibles!

E por suposto levaron a súa orla de recordo (a orla B deixámola para a intimidade jejej)

Despedímolos con moito cariño e moita pena, porque despois de 9 anos véndoos medrar e compartindo tanto... deixan unha pegada profunda nos nosos corazóns! Así medraron nestes anos.

 

Como agasallo de despedida, e como agradecemento a todo o que fixeron no proxecto dos 50 anos, todos levaron o agasallo especial deste curso, unha taza de edición limitada deseñada por Carmen.

Seguide sendo un equipo e nunca perdades esa chispa que vos fai únicos! Lembrade que Seixo sempre será a vosa casa!!!