PITOS EN SEIXO

Hoxe veu ó cole Silvia, a mamá de Xavi e Brais e tróuxonos   uns pitiños. Brais fixo un proxecto dentro do noso PDI e quería presentalo a súa aula e tamén á de Xavi. 

Agora xa sabemos un monton de cousas sobre pitos e galiñas!!

Moitas grazas Silvia.

O ANO QUE VEN: MÁIS E MELLOR!!!

Despedimos este curso cunha imaxe moi especial: unha gran foto de familia, feita un día chulísimo que compartimos todo o cole en A Pradeira. Esta foto está na casa de todo o alumnado e de todo o profesorado, porque as fotos nas pantallas son bonitas, pero impresas aínda máis!!

No consello de nenos, o alumnado pediu ter unha foto impresa de cada clase e de todo o cole, e esta foi a foto de cada clase que todos levaron, botamos de menos a algúns compis que non saen (fíxose complicado coincidir todos nos últimos días).

Despedimos cunha aperta especial ás profes Sole, Rebeca, Fanny e ao profe Edu, que compartiron este curso con nós: botarémosvos moito de menos!!

FELIZ VERÁN A TODOS E TODAS: 

VÉMONOS EN SETEMBRO!!!

EXPOSICIÓN FINAL RqueR

Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...

Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!

Que vos parece? Seixo está cheo de artistas!!

DÍA DA BICICLETA

 Como parte do proxecto RqueR quixemos celebrar, de xeito especial, o día da bicicleta, por ser un medio de transporte que coida do noso planeta e do noso corpo!! Grazas á axuda da Policia Local de Marín desfrutamos dunha xornada moi especial, e dende ese día algúns nenos viñeron en bici ao cole, esperamos que se animen máis. Este verán... todos a rodar!!!

FESTEXAMOS O DÍA DAS LETRAS GALEGAS! "Camiñamos coa Lingua"

Este ano, para celebrar o día das letras galegas, fixemos unha festa moi especial na que todos, alumnado e profesorado, desfrutamos xuntos dunha xornada chulísima que nos encantaría repetir o próximo ano. Comezamos facendo unha andaina polo galego, lucindo os carteis tan chulos que fixemos, ata A Pradeira onde compartimos merenda, xogos... pasámolo xenial!

E alí tamén desfrutamos moito bailando e cantando en galego con Cé Orquestra: pasámolo pipa!!! 

Graciñas á igrexa evanxélica de Marín por deixarnos A Pradeira para desfrutar deste día tan especial!

RqueR CON ARTE!

Este ano estivo cheo de artistadas RqueR e descubrimos que o material de refugallo ten moitas posibilidades e que con cousas que irían ao lixo pódense facer auténticas obras de arte. Inspirámonos en diferentes artistas que traballan deste xeito: Judith Scott, Eva Jospin, Alejandro Durán, Seoane, Arsénico, Vik Muñiz, Óscar Olivares, Luca Paroli, Chihuly...

Nos últimos días xuntamos todo o noso traballo nunha exposición, aberta ás familias, que resultou tan fermosa que non hai vídeo que recolla tanta beleza, pero pódese apreciar que somos uns artistazos!

Que vos parece? Seixo está cheo de artistas!!

IX FEIRA DO LIBRO USADO!

De novo voltamos coa Feira do Libro Usado na alameda de Marín. Este curso é especial porque tócanos organizala xunto co cole de Ardán e as ANPAS dos dous coles e porque é unha actividade máis do noso proxecto RqueR.

E xa temos os vales preparados para que poidades participar!

Pasade pola biblio para recollelos e darlle unha nova vida ós libros!!

BASURALEZA PARA COIDAR A TERRA

O 24 de abril foi o DÍA DA TERRA e este ano, que estamos RqueR, quixemos facer unha acción conxunta especial, na que nos involucramos todo o alumnado e o profesorado. Para coidar a terra temos que comezar polo que temos máis cerca, así que as brigadas recicladoras saímos con moitas ganas a limpar o entorno do cole.

O alumnado de infantil encargouse de limpar as carballeiras máis próximas ao cole, esforzáronse un montón por non deixar nin un papel no chan e remataron compartindo un pícnic moi merecido.

   

O alumnado de primaria dividiuse en dous grupos: 1º, 2º e 3º encargáronse de limpar a ruta das Avesadas, e o alumnado de 4º, 5º e 6º a ruta da Bexa. Fixeron un gran traballo e encheron moitos sacos de lixo, ata recolleron mobles que estaban tirados en medio das rutas!

 

Un gran traballo dos SUPER ERRES!!!

ERRE QUE ERRE NA SEMANA DO LIBRO

Unha das semanas máis especiais do ano é a semana dos libros, e, un ano máis, desfrutámola a tope.

Ademais das actividades que se fixeron en cada aula, fixemos dúas, para todo o alumnado, que foron moi especiais. 

Unha delas xurdiu pensando como facer que fose unha semana RqueR. A proposta consistía en buscar libros que tiñamos na casa aos que xa non lle facíamos moito caso e darlles unha nova vida facendo un amigo invisible. Todos trouxemos libros, empaquetados con xornais e papeis vellos, e todos levamos un libro para casa. Moitos libros comezaron unha segunda vida!!!

E por fin, cun curso que comezou sen restricións, puidemos volver a facer o apadriñamento lector que tanto desfrutamos, no que os maiores contaron contos aos pequenos e xuntos fixeron ilustracións. Foi unha actividade preciosa nun marco marabilloso como é o noso patio. Somos moi afortunados.

 

HORA DO PLANETA

A Hora do Planeta é un movemento mundial no que participan máis de 190 países e millóns de persoas apagando as luces dos seus fogares, empresas, edificios e monumentos máis emblemáticos.

O movemento naceu hai 17 anos en Sidney, Australia, e desde entón converteuse no maior símbolo de loita contra o cambio climático e a perda de biodiversidade.

Animámosvos a participar no simbólico xesto de apagar a luz o día 25 de marzo de 20.30 a 21.30h.

Os próximos 7 anos son cruciais para manternos dentro dos límites planetarios e por baixo do limiar climático de 1,5 °C; pola contra, pasaremos a un estado de degradación ambiental irreversible e sufriremos gravísimos impactos do cambio climático.

SEMANA DA PRENSA MARZO 2023

MULLERES - PRENSA - DEPORTE

Do 6 ao 10 de marzo conmemoramos á semana da prensa no CEIP de Seixo. En todas as aulas do centro realizáronse actividades relacionadas coa prensa tanto en formato papel como en formato dixital.

    

Unha das actividades de prensa realizadas este ano e feita cooperativamente, dende a área de Educación Física, entre todo o alumnado do centro foi a elaboración do mural que se amosa. Para o mesmo cada alumno e alumna do centro aportu o seu graniño de traballo: traendo novas relacionadas coa muller no deporte, seleccionando as que servían para facer o deseño da silueta feminina, deseñando e elaborando as letras do título, debuxando e coloreando os balóns e pelotas dos diferentes deportes que coñecen e dos que se falaban nas novas que se apotaron e finalmente montando o mural.

Bo traballo rapaces e rapazas, 

que chulo nos quedou!!!!!  

SAÍDA PONTEVEDRA E MUSEO 2ºEP, 3ºEP, 4ºEP E 5ºEP

O xoves 2 de marzo, o alumnado de 2º, 3º, 4º e 5º de educación primaria do centro foron de excursión a Pontevedra. Visitamos o Mercado Municipal, diferentes rúas e monumentos emblemáticos da cidade e fomos ao Museo onde realizamos diversos obradoiros segundo a idade.

O alumnado de 2º de EP investigou cun obradoiro sobre a Prehistoria, no que estiveron buscando ouro entre pedras e area, elaboraron unha peite como o que levaba Trea (unha nena da prehistoria) e crearon un colgante no que gravaron motivos rupestres.

O alumnado de 3º e 4º de EP fixeron de detectives da arte nas salas de artistas galegos. Nesta visita dinamizada na que, a través dun xogo de investigación e busca, traballaron conceptos fundamentais da arte( xéneros de pintura máis comúns: retrato, bodegón e paisaxe; soporte e técnica: pedra, escaiola, madeira ou metal, acuarela, óleo, pastel,.... arte figurrativa e arte abstracta) e aprenderon por medio da observación cubrindo un caderno de detectives.

A continuación deixamos un vídeo da saída no que se amosan os diferentes espazos visitados:

O alumnado de 5º EP realizaron o obradoiro Museando, no que realizaron un itinerario xeral para coñecer as coleccións máis salientables do museo. Coa visita percorreron máis de 300.000 anos de historia para observar a paulatina transformación dos elementos de cultura material e a evolución da arte galega desde a Idade Media ata o século XX. Aquí un vídeo da súa saída:

UNHA CONSTRUCIÓN RqueR

Dentro do programa "Bibliotecas creativas" fixemos un obradoiro colectivo no que, entre todo o alumnado, creamos unha cabana natural e viva plantando vimbio. Construímos a cabana mediante técnicas de cestería e fibras vexetais, unha construción RqueR que fixemos empregando procesos respectuosos co entorno. Mirade o traballo que fixemos durante 10 horas resumido en menos de 3 minutos: pasámolo fenomenal!!!

Julia de la Cal (La Parabólica) e Samuel dirixiron esta construción feita con vimbio fresco. Primeiro construímos co vimbio varios arcos para obter a estrutura principal. Para crear ese espazo natural aplicamos a cestería intuitiva, tamén chamada ‘técnica niño’, que se inspira na natureza: en como os paxaros tecen os seu niños. A pesar de non ter coñecementos previos en cestería, coa guía de Julia e Samuel fomos entrelazando as varas de vimbio, sobre a estrutura inicial, para conseguir ao final a cabana realizada en equipo: unha semicúpula con varias entradas para favorecer o xogo.

Agora temos que regala e coidala moito para que brote e desfrutar nela de momentos de xogo, de lectura... será un espazo que de seguro nos dará momentos marabillosos!

DÍA DE ROSALIA - 23 FEBREIRO 2023

ESCRIBIMOS, ILUSTRAMOS E RECITAMOS

Un ano máis no CEIP de Seixo quixemos recordar a figura da escritora galega, Rosalía de Castro.

Este ano realizamos actividades de lectura, escritura, ilustración e recitado de poemas. Algunhas das actividades feitas foron as seguintes:

O alumnado de 6º de Educación Infantil, realizarou este mural sobre o poema "Paseniño". Entre todos os nenos e nenas da aula fixeron esta gran ilustración do poema que tamén colorearon. Ademáis escribiron a letra do poema a ambos a lados da ilustración.

O alumnado de 5º de Educación Infantil, fixo a decoración da súa porta de aula. Nela vemos unha imaxe da propia Rosalía, coloreada polos nenos e nenas da aula e o poema "Parece unha rosa", escrito a diferentes colores polos pequenos e pequenas. Que grandes escritores e escritoras están en camiño¡¡¡¡¡

O alumnado de 4º de infantil achegouse á figura de Rosalía escoitando poemas seus a través do conto "Parece unha rosa" do que aprenderon un par de estrofas. Ademais fixeron uns retratos moi coloridos da poeta mentres escoitaban cancións do disco de Uxía: "Rosalía pequeniña"

  

    O alumnado de 6º de Educación Primaria fixeron recitado de poemas de Rosalía que compartiron co resto de compañeiros e compañeiras do centro. Aquí o vídeo: 

DESFILE DOS SÚPER ERRES

Por fin, despois duns anos ben rariños, puidemos recuperar a festa do Entroido ao 100% e os Súper Erres percorremos, con moita ilusión, as rúas de Seixo. 

Ser un súper heroe tan lucido non é sinxelo: hai que xuntar moito cartón, periódicos usados, teas vellas, tapóns... e ser súper artistas como as nenas e nenos de Seixo, que fixeron os seus traxes con moooooito traballo!

Moitas ERRES en acción: reutilizar, reciclar, recuperar, rediseñar.... e así saíron tantos súper hereínas e súper heroes cargados de superpoderes para coidar a natureza!

Por suposto a festa non sería o mesmo sen a ANPA máis molona do mundo mundial, elas tamén son unhas súper heroínas con moito estilo e bo rollo!!! Graciñas unha vez máis pola vosa axuda!

Os súper profes tamén traballaron moito nos seus disfraces: pedazo equipazo!

Graciñas a todas as familias que nos acompañastes no desfile: os vosos traxes molaban moito! E grazas tamén ás que non puidestes vir pero que vos houbese gustado! Todas sodes unhas súper familias!!

Aquí vos deixamos un vídeo deste día tan chulo!

IV CARREIRA SOLIDARIA

Seguimos RqueR e por iso este ano celebramos o día da Paz cheo de erres, porque unha R moi importante tamén é Repartir: temos tanto que non hai nada mellor que compartir cos demais. 

Por iso festexamos o día da PAZ recollendo alimentos que Cáritas Santomé e AMENAC se encargarán de repartir: xuntamos un montón de galletas e cacao (que é o que nos pediron dende as ONGs).

Fixemos a "IV Carreira Solidaria: corre con Arnaldo" que, por fin, puidemos volver a compartir coas familias e cos veciños da Galiña Azul: eramos un montón!!

Por suposto non gastamos papel nin tinta para facer os dorsais, trouxemos teas vellas e cada un fixo o seu: foi moi divertido e quedaron preciosos! Ademais xa están gardadiños para reutilizar o ano que ven!

Deixámosvos por aquí un vídeo resumen da carreira:

Grazas á colaboración de Supermercados Camar e de Augas San Xinés repartimos auga, froita e iogures a todo o alumnado. Unha vez máis graciñas ás mamás da ANPA que nos axudaron a repartir toda a merenda. Grazas tamén ao Concello de Marín por prestarnos o arco.

IV CARREIRA SOLIDARIA

Que alegría sentimos ao poder anunciar a carreira solidaria deste ano, porque xa non hai restriccións e podemos compartila coas familias, cos veciños da Galiña Azul... que ganas!

Está é unha carreira simbólica na que todos, alumnado, familias e profesorado, correremos pensando nos que nos rodean, nos que teñen menos... e farémolo con ganas de axudar e aportar o noso gran de area.

Grazas á colaboración de Supermercados Camar e de Augas San Xinés repartiremos auga e froita a todo o alumnado. Aproveitamos para avisar que ese día non se venderan bocatas.

Lembrade traer roupa cómoda para desfrutar a tope da actividade!

CALENDARIO 2023

Este ano, o proxecto do cole chamámolo RqueR porque queremos coñecer diferentes erres que nos axuden a coidar o mundo e darnos conta que hai moito que podemos facer aínda que sexamos pequenos. 

Cada clase encargouse de ilustrar un mes cunha R que nos pode axudar a coidar o noso planeta, mirádeas con atención que seguro que descubrides algunha!

Algúns xa o están espremendo nas aulas e outros levarano para casa con algúns consellos para sacarlle partido: poñédeo nun lugar especial que seguro que lles fai ilusión!!

ACTIVIDADES ESPECIAIS DE NADAL

Ademais do festival de Nadal que xa compartimos con vós (premede AQUÍ si queredes velo), a última semana de clase tivemos moitas actividades especiais para todo o alumnado, dende 3 anos ata 6º, encántanos o Nadal!

O día 20 a chuvia deunos unha tregua e puidemos desfrutar do tren do Nadal que o concello mandou ata Seixo para facernos pasar unha mañá diferente e divertida.

O día 21 a hora da merenda foi moi especial, sobre todo porque foi compartida, e encántanos montar unha mesa común e compartir as nosas merendas: así saben mellor!

O último día a ANPA fixo chegar a todos os socios un agasallo moi especial que nos axudará a seguir RqueR: unhas tazas personalizadas (cos nomes) para usar nos días especiais e evitar usar vasos de tirar, encantáronnos!!

Para estrealas, a ANPA endulzounos cun rico chocolate con churros co que, literalmente, chupamos os dedos.

 

E non podíamos despedir o trimestre sen unha visita máxica que nos fixo mooooita ilusión. Mamá Noel pasou polo cole a saudarnos e repartir máis emoción e ilusión nestes días tan especiais.

 

Graciñas a ANPA Abelendos porque sen elas nada disto sería posible: sodes as mellores!

BO NADAL RqueR!

Alumnado, conserxe, limpadoras, ANPA, persoal do comedor, plan madruga, profesorado... todos e todas os que formamos o CEIP de Seixo deixamos a árbore do cole cargada cos mellores desexos. Esperamos que se repartan por todo Seixo, por todo Marín... polo mundo enteiro!!

Un Nadal RqueR, un Nadal que nos fai soñar e no que, incluso unhas botellas que irían directas ao lixo, acaban convertidas nunha marabillosa árbore colaborativa: BO NADAL!