MAGOSTO 2025

Un ano máis puidemos celebrar o Magosto no noso cole.

A chuvia non nos permitiu desfrutalo como nos gustaría de verdade pero foi unha xornada moi especial e igualmente pasámolo moi ben.

A nosa ANPA ABELENDOS xunto coas nosas mamás preparáronnos unhas castañas deliciosas e uns chouripans sabrosísimos...
Que bos esteban!

  

E puidemos xogar un ratiño antes de voltar ás aulas...

Queremos darlle as gracias a todas as mamás que participaron no Magosto. É unha actividade moi moi chula que sen a axuda delas sería imposible de levar a cabo. Gracias!!!

MAGOSTO 2024

Chegou o magosto, que é unha festa que nos encanta, porque nos encantan as castañas e aínda máis compartir tempo cos compis. Graciñas a ANPA pola súa axuda, este ano non so tivemos castañas... tivemos choripan!! Delicias galegas: chupamos os dedos!!

Tamén tivemos tempo para xogar todos mesturados, e, ademais de divertirnos, desfrutamos de compartir tempo e coñecernos un pouquiño máis.

 

Os de 4º fixeron a versión máis impresionante do RAP DO MAGOSTO, un traballo chulísimo!! Noraboa porque esta montaxe ten moito traballo detrás: pensar, ensaiar, gravar vídeo, gravar voces na radio...

 

Ademais de rapear, as nenas e nenos de 4º tamén cociñan, e queren compartir esta receita tan especial de magosto: flanes de castaña! 

XOGANDO XUNTOS!

Premendo AQUÍ podedes ver o ben que o pasamos este ano no Magosto. Ese día a chuvia non nos deixou facer os xogos, pero non nos puidemos resistir a facelos outro día: encántanos xogar xuntos! Aos maiores encántalles axudar ao peques, e aos peques encántalles xogar cos maiores.

MAGOSTO 2023

Comezamos novembro con moita enerxía e non podía faltar a celebración do magosto. Aínda que a chuvia non nos deixou facer os xogos que prepararon os de 6º coa profe Natalia (e que pronto os faremos) pasámolo pipa comento castañas todos xuntos, bailando e pintando a cara. Un ano máis gracias a ANPA por encargarse de asar as castañas e invitarnos a uns refrescos: estaba todo boísimo!!!

PREPARÁMONOS PARA O MAGOSTO

Prestade moita atención e preparádevos para desfrutar dunha nova xornada de celebración...

XA CHEGA O MAGOSTO 

AO COLE DE SEIXO

MAGOSTO 2022

O venres desfrutamos do magosto ao 100%, e volvemos a compartir castañas e xogos, os maiores cos pequenos, como tanto nos gusta, pasámolo pipa!

E como seguimos RqueR, cada un fixo o seu cesto das castañas reciclando cartóns de leite, de zume... e quedaron fantásticos!

Por suposto comezamos o magosto enchendo ben o peteiro de castañas asadas: deliciosas!!

E se as castañas estaban tan boas foi grazas ás castañeiras da ANPA Abelendos que as fixeron e serviron con moito cariño... e tamén fixeron de maquilladoras!!! Grazas sempre pola vosa axuda e disposición, sen vós non sería posible.

 

E por suposto, co bandullo ben cheo, xogamos e xogamos, nun día de San Martiño soleado e caloroso. E nun día tan fermoso coma este só podemos estar agradecidos polo incrible patio que temos: é un tesouro!

MAGOSTO 2021

Que alegría volver a celebrar o Magosto como é debido: con moitas castañas e con xogos compartidos! Aínda que non puidemos mesturar as clases foi un desfrute grande que un ano máis tivemos grazas á gran axuda da ANPA: menudo equipazo!!

Todos recollemos as nosas castañas nos cucuruchos que fixemos e decoramos nas aulas.

O bo tempo permitiunos tomalas ao aire libre...

... estaban riquísimas!!!

Viva o magosto, vivan as festas da nosa terra!

Ademais de papar castañas tamén fixemos un montón de xogos: pasamolo xenial!! Aquí tendes un vídeo cun montón de fotos:

E tamén vos deixamos unha mostra do ben que bailamos e do moito que corremos!

O ano que ven: máis e mellor!

ARTE POLO MAGOSTO

Calquera excusa é boa para crear, para argallar... e o outono está cheo de posibilidades coas castañas, as follas... e, unha vez máis, os nenos e nenas de 3º demostran que son unha panda de artistas!

MAGOSTO 2019

E chegou un ano, máis cargadiño de ilusións e alegrías, para festexar o Magosto no noso cole e pasar unha mañá estupenda.

Os papás e as mamás, encargáronse (como xa é costume) de preparar as castañas que todos degustamos, cun chisquiño de refresco a elixir.

Moitísimas gracias familias por toda a colaboración que sempre nos brindades, sodes estupendos!

Despois da papatoria pasámolo fenomenal xogando.

Por aquí vos deixamos un pequeno vídeo coas fotos que amosan o ben que o pasamos e canto disfrutamos deste día de Magosto en Seixo.

MAGOSTO 2018

E chegou un ano máis cargadiño de ilusións e alegrías para festexar o Magosto no noso cole e pasar unha mañá estupenda. 

Os papás e as mamás, encargáronse (como xa é costume) de preparar as castañas que todos degustamos, cun chisquiño de refresco a elixir. Moitísimas gracias familias por toda a colaboración que sempre nos brindades, sodes estupendos!

Despois da papatoria pasámolo fenomenal xogando cunha morea de xogos populares e tradicionais. Por aquí vos deixamos un pequeno vídeo coas fotos que amosan o ben que o pasamos e canto disfrutamos deste día de Magosto en Seixo.

MAGOSTO 2017

Un ano máis desfrutamos dun estupendo día do magosto. Os pais e as nais encargáronse de preparar as castañas que todos degustamos: moitas grazas familias, sodes estupendos!

Despois pasámolo fenomenal xogando a un montón de xogos. 

Aquí vos deixamos algunhas fotos a ritmo de rap co Rap do Magosto de Paco Nogueiras.

MAGOSTO 2016

Aínda que a choiva non nos deixou facer os xogos que estaban preparados, desfrutamos dunhas deliciosas castañas que os pais e nais prepararon para todos.

Aquí tendes unhas fotos ao ritmo castañeiro de Paco Nogueiras.