mércores, 31 de outubro de 2018

POLO SAMAÍN... CÓNTAME A MIN!!!

Continuando con máis historias terroríficas e moi divertidas, os nenos e nenas de 1º de primaria contaron coa colaboración de Irene, a mamá de Eluney que quixo achegarse á clase do seu fillo e compartir con eles os contos "A bruxa regañadentes" e "Bola de manteiga".

Graciñas Irene por compartir connosco momentos tan especiais como este.




luns, 29 de outubro de 2018

UN SAMAÍN DE MEDO, EXPOSICIÓN DE CABAZAS 2018

Chega ao noso cole unha semana terrorificamente incrible. Grazas ás familias un ano máis xa están decoradas as nosas entradas cunha morea de cabazas. A verdade e que non deixades de sorprendernos con tanta creatividade. Preparádevos para ver un sin fin de obras de arte enriba deste produto tan tradicional e típico destes días. Todas teñen algo especial e único. Arnaldo quedou encantado! Moitas gracias!





POLO SAMAÍN....CÓNTAME A MIN!



Nun samaín de contos, cheo de historias terroríficas e moi divertidas, os nenos e nenas de 5º de infantil contaron coa colaboración de Ana, a mamá de Aine e Antón que quixo achegarse á clase dos seus fillos e compartir con eles o conto "Corre corre cabaciña" de OQO. Ata bailaron a canción!!!
Moitas, moitas gracias por compartir connosco momentos tan máxicos como este.



venres, 26 de outubro de 2018

PECHANDO A SEMANA DAS BIBLIOS NA CASA DE ARNALDO

Para pechar a semana das Bibliotecas que se levou a cabo no noso cole con motivo do día 24 de outubro levamos a cabo dúas actividades na hora de ler que queremos compartir con todos vós.

Ao longo desta semana todos os nenos e nenas do cole, con axuda dos nosos titores, estivemos elaborando un vídeo no que queremos amosar que é unha biblioteca para nós. O resultado final podédelo ver no seguinte vídeo!




Nun día tan sinalado tivemos a sorte de contar coa visita das profes Ana e Charo e do profe Goyo, un profe que ao longo de tantos e tantos anos estivo traballando por unha Biblioteca mellor. Él tamén quixo compartir con nós unhas palabras amosándonos que é unha biblioteca para él.,

Por último cantamos todos xuntos a canción "O LIBRO" do album de Pablo Díaz "TIC TAC". Pasámolo moi ben e disfrutamos moito cantándoa, mirade o seguinte vídeo!


xoves, 25 de outubro de 2018

MÁIS ACTIVIDADES POLO DÍA DAS BIBLIOTECAS

Queremos compartir con vós algunhas fotos das actividades levadas a cabo polos nenos e nenas de cinco anos e de sexto con motivo da semana das bibliotecas no noso cole de Seixo.
Arnaldo puido ver dende a primeira fila como a clase de 6º de infantil representaba unha adaptación teatral de a ratiña presumida e os nenos e nenas de 6º de primaria a duns contos elaborados por eles mesmos.
Deixámosvos por aquí algunhas fotos das súas actuacións! Gustáronnos moito e pasámolo moi ben!




mércores, 24 de outubro de 2018

CELEBRANDO O DÍA DAS BIBLIOTECAS NA CASA DE ARNALDO

Arnaldo convidounos a pasar un día especial na súa casa e por aquí vos deixamos as actividades que fixemos para celebrar o día das Bibliotecas na súa compañía.
Os nenos e nenas de quinto fixeron, gracias á profe Fátima, unha montaxe sobre a obra de Liliana Cinetto "Amor en la Biblioteca" (20 poesías de amor y un cuento desesperado). Queremos compartilo con vós desexando que vos guste.


Tamén estivemos vendo a curtametraxe : "Los fantásticos libros voladores del Señor Morris Lessmore". Nela viaxamos dunha forma incrible a través dos libros. Unha verdadeira historia de amor polos libros que dan vida a moitas persoas, ocupan gran parte do noso tempo libre...



FELIZ DÍA DAS BIBLIOTECAS

Felices e orgullosos da nosa biblioteca celebramos este día con moita alegría e con ganas de seguir mellorando día a día. Desfrutade deste día e visitade a biblio do cole, a de Marín, as de Pontevedra.... todas as que poidades!!!



martes, 23 de outubro de 2018

EN SEIXO VIVIREMOS UN SAMAÍN DE CONTO



Todas as familias recibistes esta carta e aproveitamos o blog para explicar un pouco máis a axuda que precisamos de todos vos.
O día 24 é o día das bibliotecas e como está tan próximo a Samaín, mesturamos as dúas celebracións festexando: UN SAMAÍN DE CONTO. 

* CABAZAS DECORADAS. 
Un ano máis animámosvos a decorar unha cabaza cos vosos fillos e fillas, desfrutando de facelo xuntos. Os que vos animedes tendes que traelas o luns día 29. 
Poderedes visitalas o martes 30 ou o mércores 31 a entrada ou á saída (abriremos un pouquiño antes para velas). 

*“RELATOS CURTOS DE MEDO”. 
É unha actividade voluntaria na que queremos animar ao alumnado a soltar a súa imaxinación e escribir pequenos relatos de medo, que poden resultar terroríficos ou moi divertidos! 
O último día para entregalos será o mércores 31 e todos os que se animen gravarán o seu relato na radio para que todos o poidades desfrutar.

* “POLO SAMAÍN... CÓNTAME A MIN”.: 
Animamos a todas os membros das familias a contar un conto “de medo” na clase do voso fill@. Podedes visitar na biblioteca a exposición con contos que podedes coller prestados e utilizar para contar no cole, pero se tendes na casa algun pois aínda mellor!
Se vos animades concretade día e hora cos titores.

* MERENDA TERRORÍFICA: o martes 30 queremos convidarvos a que todo o alumnado traia unha merenda terrorífica, para compartir, relacionada co Samaín. Será unha merenda especial nas aulas antes de saír ao recreo, na que os nenos e nenas amosarán as súas montaxes terroríficas antes de papalas. 

* HORA DE LER A ESCURAS: 
O mércores 31 todos os nenos e nenas deben traer unha lanterna porque faremos a hora de ler as escuras para que sexa terrorificamente divertida!

Non dubidedes en preguntar o que sexa... contamos con vos!

mércores, 17 de outubro de 2018

FORMÁMONOS NA BIBLIO

     O outro día os de 5º volvemos ir á  bilio coa  profe Bea para recibir unha sesión de información sobre a nosa  biblio por parte da  profe Fátima que nos estivo contando onde atopar os libros adecuados para cada idade, novidades, tipos de libros (Poesía, narrativa...).






      Ao terminar estivemos a ler unha  chulísima historia en poesía de Mª Vitoria Moreno!!!

venres, 12 de outubro de 2018

ARRANCA A BIBLIOTECA

Cheos de ilusión inauguramos a biblioteca un novo curso. Como non podía ser de outra forma, Arnaldo deunos a benvida a todos e todas á súa casa, unha biblio chea de novos libros, recursos, mobiliario, ilusións e ganas de transmitir o amor pola lectura, por investigar, xogar, descubir....
Dende os máis pequenos de 3 anos ata os de 6º, todos prestamos moita atención ás novidades que nos contaron.


Arnaldo presentounos dúas curtametraxes nas que puidemos comprobar por un lado todo o que pode acontecer se lle damos unha oportunidade a un bo libro; e por outro lado unha historia na que o seu protagonista come, literalmente, os libros sen saborealos nin lelos e disfrutalos pouco a pouco.
Deixámosvos por aquí os vídeos para que poidades comprobar como a paixón pola lectura pode ser un hábito saudable e moi beneficioso.

Comezaron as súas aventuras, un curso máis, as mochilas viaxeiras que levan lecturas e música ás casas de todo o alumnado.

Desfrutade coas súas lecturas e animádevos a contarnos as vosas impresións nos cadernos viaxeiros: fainos moita ilusión lelas!
Arnaldo non quixo quedar sen un recordo deste momento no que un encargado de cada clase recolleu a mochila viaxeira.

A casa de Arnaldo queda inaugurada!!!

Xa sabedes que nos podedes visitar durante todos os recreos, estamos desexando que vexades as novidades en directo!

xoves, 11 de outubro de 2018

A VOZ DE ARNALDO

Unha parte moi importante da biblio de Seixo é a radio que da voz ao alumnado. 



Queríamos que Arnaldo dese a benvida a este espazo tan especial e conseguímolo con este cartel tan chulo que luce na porta da radio. 



Grazas a Esteban de Tarabelos: títeres e contacontos por deseñarnos este Arnaldo tan radiofónico e ao equipo de Espacio villodas por plasmalo de forma tan bonita en madeira: un súper equipazo de galegos!!! ;) 




Estades todos convidados A voz de Arnaldo... Escoita música e baila tango! Un nome e un eslogan xeniais creados polo alumnado (premede AQUÍ para recordalo)



Aquí vos deixamos un enlace directo aos nosos podcast para escoitar os programas que o alumnado fixo ata o de agora. Comezamos con Soundcloud e seguimos traballando en ivoox onde esperamos ofrecervos cousiñas moi interesantes: estade atentos!!

luns, 8 de outubro de 2018

AS ÁRBORES DO COLE

Seguimos recordando actividades do curso pasado, algunhas daa cales, coma esta, non serían posibles sen a colaboración das familias.
Nesta ocasión os nenos e nenas de 1º e 2º recibiron a visita de Uxía, a mamá de Lúa e Fuco.
Ela sabe moito de árbores, de plantas... é unha amante da natureza que o contaxía en todo o que di.
Ensinounos as árbores do cole aproveitando que temos un patio precioso e moi variado. Nos fixamos especialmente nas follas que son moi diferentes. Con moito coidado fixemos unha recollida de follas diferentes que despois clasificamos, debuxamos e identificamos a que árbore pertencían. Ademais aprendermos a secar as follas para facer un herbario. 
Grazas Uxía, unha vez máis, por compartir tantas cousas interesantes con nós.
Somos moi afortunados coas familias que temos... e nos encanta aprender cousas novas, así que animádevos: estades todos convidados a visitarnos!!

 

xoves, 4 de outubro de 2018

CONVIVENCIA CON ARDÁN XUÑO 2018

Como cada ano, o curso pasado, o alumnado de 5º e 6º despedimos xuño cos compis do CEIP Ardán. Esta convivencia é unha fermosa tradición que levamos anos facendo e que nos encanta, porque despois moitos coincidimos no IES. 
O curso pasado tocunos a nos ir ata Ardán, e dimos un bonito paseo nun día fermoso e soleado. Alí nos esperaban os nenos e nenas de Ardán cos que compartimos unha fermosa mañá.
Primeriro un dos seus profes nos ensinou unha exposición na que había moitísimos obxectos que el recopilara ao longo de moitos anos nas súas viaxes por todo o mundo. Era unha pasada, había de todo: máscaras, armas, tótems, utensilios diversos... alucinamos! 
Despois nos invitaron a merendar e compartimos un tempo de xogos populares antes de volver de ruta ata o noso cole. 
Grazas pola vosa hospitalidade, este curso vos esperamos en Seixo!


PRIMEIROS AUXILIOS CO ALUMNADO

Todas as familias son únicas e especiais e teñen cousas moi interesantes que compartir co alumnado. Encántanos cando recibimos visitas coma esta nas que todos aprendemos un montón. 



Durante o curso pasado visitounos Toño, o papá de Toño e Pablo (xa son os dous antigos alumnos do cole). 


Toño é médico do 061 e tamén médico do super clube de baloncesto de Marín: o Peixefresco Marín. 


Non é a primeira vez que nos visita, e estamos moi agradecidos pola súa disposición e por compartir cos profes e alumnos cousas tan importantes e necesarias como son os primeiros auxilios que debemos prestar en caso de accidente.



Os profes xa tiveran a súa sesión con Toño (podedes lembralo premendo AQUÍ) pero esta vez tocoulle aos nenos e nenas de 5º e 6º.



Aprenderon cousas moi interesantes e importantes da mellor maneira que se pode aprender: practicando!!



Grazas aos bonecos que trouxo Toño todos puideron practicar o RCP: masaxes e respiración. 


Mil grazas unha vez máis a Toño pola súa simpatía e por estar sempre disposto a buscar un sitio na súa axenda para visitarnos. 



Aquí vos deixamos máis fotos para que vexades o ben que o fixeron e o interesados que estaban.