O alumnado de 4º de EP do noso cole asistiu o xoves 11 de xuño a unha xornada lúdico deportiva no pavillón de Romarigo en Cangas para poñer en práctica os seguintes deportes: Datchball, Tchoukball e Balonmán.
Esta actividade está enmarcada dentro do programa XOGADE e organizada polo equipo do Balonmán Cangas.
O venres 22 de maio o alumnado de 2º curso do CEIP de Seixo, acompañados pola súa titora, Silvia, e a mestra de EF, Natalia, visitou o colexio de Reibón en Moaña. Alí tivo lugar unha xornada de convivencia lúdica multideportiva entre os nenos e nenas de segundo curso de: Seara, Laxe, Tirán, Abelendo, Quintela e os anfitrións de Reibón.
Desfrutamos moito desta xornada nunhas magníficas instalacións das que dispón o colexio de Reibón. Grazas pola hospitalidade e a organización da xornada.
O mércores 27 de maio o alumnado de 3º e 4º de EP do noso cole recibiu ao alumnado dos mesmos cursos do CEIPP de Espiñeira de Aldán (Cangas do Morrazo).
Durante esta xornada lúdica practicáronse os seguintes deportes: Balonmán, Paladós e Xogos de Agarre. Tamén compartimos unha merenda a base de froita, bocadillo, barra enerxética e auga.
E quedounos un pouquiño de tempo para intercambiar e compartir o espazo de recreo conxuntamente.
Gran xornada de actividade física nun día caloroso que desfrutamos moito.
O venres 10 de abril o alumnado de 4º de EP do CEIP de Seixo, xunto ao seu mestre e a especialista de EF, desprazáronse ata a pista de Atletismo de San Pedro en Marín para disfrutar dunha xornada de Atletismo en pista xunto outros coles do Morrazo: San roque de Darbo, San Narciso, Inmaculada e Sequelo.
As disciplinas realizadas foron: 60 metros lisos, lanzamento de peso, salto de lonxitude, 500 metros lisos, Lanzamento de vórtex e remudas.
O luns 2 de marzo, os alumnos e alumnas de primeiro e segundo de educación primaria do cole de Seixo fomos ata o colexio de Espiñeira en Aldán para realizar unha xornada de multixogos. Esta actividade foi compartida cos nenos e nenas dos centros educativos de A Laxe de Marin, Torre Cela de Bueu e o noso anfitrión de Cangas.
Algúns dos xogos foron: birlos, Pita Churro, Pedra- Papel e Tesoira con aros, Circuito de axilidade, Xogo de Lanzamento a aro con pelotas, Xogos de Corda, Zancos, Nesta casa hai Lume, Xogo de lanzamento a buracos.
Nesta xornada realizaron deportes alternativos (Datchball, Colpball e Tchoukball) en grupos de alumnado mixtos e heteroxéneos, en canto a cursos e aos colexios. Non importou o resultado, sí o practicar deportes novos e establecer habilidades sociais con iguais.
Agradecemos o recibimento e a merenda a que nos invitaron dende a Laxe. Vémonos na seguinte, que esperemos sexa como anfitrións no noso centro.
O pasado venres 17 de outubro o noso cole participou, xunto con outros coles de Marín, no Cross que se organiza a través do programa XOGADE.
.jpeg){kind=link}