BASURALEZA PARA COIDAR A TERRA

O 24 de abril foi o DÍA DA TERRA e este ano, que estamos RqueR, quixemos facer unha acción conxunta especial, na que nos involucramos todo o alumnado e o profesorado. Para coidar a terra temos que comezar polo que temos máis cerca, así que as brigadas recicladoras saímos con moitas ganas a limpar o entorno do cole.

O alumnado de infantil encargouse de limpar as carballeiras máis próximas ao cole, esforzáronse un montón por non deixar nin un papel no chan e remataron compartindo un pícnic moi merecido.

   

O alumnado de primaria dividiuse en dous grupos: 1º, 2º e 3º encargáronse de limpar a ruta das Avesadas, e o alumnado de 4º, 5º e 6º a ruta da Bexa. Fixeron un gran traballo e encheron moitos sacos de lixo, ata recolleron mobles que estaban tirados en medio das rutas!

 

Un gran traballo dos SUPER ERRES!!!

VISITA A INNOVART!!

De novo tivemos visita cultura. Nesta ocasión a Innovart 2023: un evento de promoción das ensinanzas artísticas, de  idiomas e deportivas na Cidade da Cultura. Tivemos a posibilidade de  visitar a exposición, participar en algunha actividade interactiva e deportiva, escoitar  concertos preparados para a ocasión e asistir a actuacións en directo.

Aquí podedes ver un resume da nosa visita. 

Foi unha xornada distinta pero especial xa que voltamos coa sensación de que o importante é  que "tes que estudiar o que che gusta".

ABRIL DOS LIBROS

Ola amigos e amigas da casa de Arnaldo:

Dende o Día do Libro ata o Día das Letras Galegas estámonos a xuntar na biblioteca na Hora de Ler. "AGORA CONTA TI" é unha actividade na que alumnos e alumnas,  de xeito voluntario, contan un conto a outros compis.

Esta semana tocoulle o turno a:

- Laura, Daniela e Yaiza, de 3º, que nos contaron: "Adivina cuanto te quiero"

- Eva e Clara de 4º con: "Pepita es especial"

- Alumnos e alumnas de 4 anos: "La oruga glotona"

Aquí  tendes unha mostra do ben que o fixeron.

ERRE QUE ERRE NA SEMANA DO LIBRO

Unha das semanas máis especiais do ano é a semana dos libros, e, un ano máis, desfrutámola a tope.

Ademais das actividades que se fixeron en cada aula, fixemos dúas, para todo o alumnado, que foron moi especiais. 

Unha delas xurdiu pensando como facer que fose unha semana RqueR. A proposta consistía en buscar libros que tiñamos na casa aos que xa non lle facíamos moito caso e darlles unha nova vida facendo un amigo invisible. Todos trouxemos libros, empaquetados con xornais e papeis vellos, e todos levamos un libro para casa. Moitos libros comezaron unha segunda vida!!!

E por fin, cun curso que comezou sen restricións, puidemos volver a facer o apadriñamento lector que tanto desfrutamos, no que os maiores contaron contos aos pequenos e xuntos fixeron ilustracións. Foi unha actividade preciosa nun marco marabilloso como é o noso patio. Somos moi afortunados.

 

VISITA A FP INNOVA

Visita a FP INNOVA: Congreso de innovación na formación profesional, organizado pola Xunta de Galicia que invitou a centros que imparten FP.

Acudimos a Gaiás, cidade da cultura de Santiago, onde participamos en diferentes talleres na Tecno-aula, na aula Biotech e na Grafi-aula.

Divididos en grupos, fomos pasando polos diferentes stands da zona expositiva, onde nos explicaron os prototipos e as maquetas que nos chamaron moito a atención. Nalgunhas puidemos subir para ver como funcionaban.

E como non, repetimos moitas veces na gastro-aula, xa que as galletas, biscoitos e refrescos estaban moi saborosos, ata que nos dixeron que non podíamos seguir repetindo, así que tivemos que saír para tomar a nosa merenda!! Unha mañá diferente e moi interesante!

O CARTEIRO CHEGA Ó PRIMEIRO CICLO

O alumnado de 1º e 2º do cole de Seixo está facendo este curso un intercambio postal con 2 coles.

Os nenos e nenas de 1º de EP estanse a cartear cun colexio de Madrid, mentras que o alumnado de 2º de EP cun colexio de Vimianzo (A Coruña).

Aínda queda un intercambio máis. Xa vos contaremos as sorpresas.

NOVIDADES EN ABRIL!!

Ola a todos e todas, 

Son Diego, e hoxe tócame a min contaros as novidades da nosa biblioteca.

Arnaldo está esperando por vos!!!

TEÑO UNHA CANCIÓN PARA TI (4ª TEMPADA_9)

Dende A VOZ DE ARNALDO facémosvos unha nova entrega de...

TEÑO UNHA CANCIÓN PARA TI

Por aquí vos deixamos o programa do día de hoxe...

9º PROGRAMA

 DEDICATORIAS:

- "Shakira con BZRP" especial para todas e todos os que a pedistes no cole que fostes unha morea.
- "La roja baila" que Luca lle dedica ao profe Óscar.
- "Dakiti" que Dani lle dedica a Diego.
- "Titi me preguntó" que Reda lle dedica a Eva, Nikela e Olivia.
- "Quédate" que Sofía lle dedica a Uxía.
- "Te boté" que Diego lle dedica a Dani.
- "A punto caramelo" que Roi lle dedica a Brais.

DÍA DAS ARTES GALEGAS 2023

MARTÍN CÓDAX

Este ano 2023 o día das artes galegas, que se conmemora o día 1 de abril, adícase ao trobador vigués Matín Códax.

O alumnado de 4º de Educación Primaria realizou un traballo de investigación que espuxo a compañeiros e compañeiras de diferentes aulas do centro. Este foi realizado tendo como referencia a unidade didáctica sobre Martín Códax da coordinadora de equipos de dinamización da provincia da Coruña.

A continuación amosamos a montaxe de vídeo coas exposicións e os traballos plásticos individuais para apoio visual.