CONTACONTOS NA BIBLIOTECA !

 A semana pasada os cursos de primeiro e segundo fomos a coñecer a Biblioteca Municipal de Pontevedra.

Pasamos un rato moi agradable con Paula e Andrea que nos falaron do que é unha biblioteca. Aínda que nós xa o sabíamos porque coñecemos a Casa de Arnaldo, a biblio do noso cole, a de Pontevedra era diferente. 

Despois contáronnos un conto!!

  Pasámolo en grande!!

DÍA DO LIBRO 2026

E como non podía ser doutro xeito chegou, un ano máis, unha das actividades máis bonitas do curso...

As lecturas compartidas...

nas que, como podedes ver, os maiores len aos pequenos...

e xuntos fan un debuxo sobre o conto...

E se todo iso se fai nun patio tan fermoso nun día de sol: xa quedamos sen palabras! 

Por aquí vos deixamos algúns dos traballiños...

Lembrade que na Biblio tedes o traballo final e que podedes pasar a velo cando queirades...

Vivan os contos, vivan as lecturas compartidas!

OS MAIOS 2026

Xa está en marcha a FESTAS DOS MAIOS do Cole de Seixo..

 

Dende primeira hora as nenas e nenos de 5º e 6º de primaria xa están traballando arreo xunto coas mamás e avoas especialistas no tema...

O noso maio, que agora está espido, lucirá ben fermoso e engalanado este Xoves para celebrar por todo o alto a súa festividade...

 

PARABÉNS PARA TI

Continuamos nos recreos coas celebracións dos ANIVERSARIOS das nenas e nenos do cole!

No día de hoxe, celebramos o aniversario de:

- Paula

- Nico

- Zahara

- Luca

- Elías

PARABÉNS PARA VÓS RAPAZADA!

TEÑO UNHA CANCIÓN PARA TI (7ª TEMPORADA_6)

 Continuamos con unha nova entrega.

Dende A VOZ DE ARNALDO....
TEÑO UNHA CANCIÓN PARA TI

O programa da música dedicada!

Deixámosvos por aquí unha nova entrega desta 7ª edición...

6º PROGRAMA

 - Dedicatorias:

Cibrán a Erea

Aitana a Nora, Erea e Gabi

Laia a Uxía

Sara Garrido a María Garrido

Olivia á Profe Bea

Izan a Álex

Dilan a Eydan

Antón á Profe Alexia, a Uxía e a toda a clase de 3º

Ari a Uxía

Álex a Brais

Eira a Xavi

Vera Méndez a Eva

Roi a Iago

Xavi a Roi

Martín a Anxo e a Antón

Olivia a toda a clase de 4º de primaria

SEIXO PARTICIPA NO III FESTIVAL DE CINE NO MAR

Da man das nenas e nenos de 6º de primaria, o Ceip de Seixo vai participar na...

III FESTIVAL DE CINE DO MAR

E antes de que se presente o traballo no propio festival, no cole quixemos facer unha PREESTREA...

para que todo o alumnado vise o documental antes que ninguén...

Un documental no que as nenas e nenos entrevistaron aos seus avós e pais para coñecer un pouquiño máis sobre as súas vidas no mar...

E como non podía ser doutro xeito invitamos a vir a esta preestrea aos verdadeiros protagonistas...

Moitísimas gracias a Alberto papá de Lucía, a  Xosé Bernardo avó de Darío, a Francisco José avó de Laura Piñeiro, a Antonio avó de Antón e Aine, a Jose avó de Gael, a Camilo avó de Mario e a Jose papá de Aine e Antón...

E a vós rapaces e rapaces xa que sin a vosa colaboración este traballo non podería ser posible...

PROXECTO BALONCESTO 3X3

O CEIP de Seixo foi seleccionado, entre os 30 centros educativos de Galicia, para participar no Proxecto de “Promoción do Baloncesto 3x3” co alumnado de 5º e 6º de EP, tras ser aprobado polo Claustro e Consello Escolar a súa solicitude.

Este Proxecto de Fomento do Baloncesto 3×3 na Comunidade Galega, da Federación Galega de Baloncesto, é unha iniciativa que conta co apoio institucional da Xunta de Galicia e a Consellería de Cultura e Deporte, comprometidas co impulso do deporte base e a formación da mocidade galega.

Este proxecto ten como obxectivos:
1- fomentar a práctica do Baloncesto 3x3 nos colexios de Galicia, facendo especial fincapé naqueles pertencentes a zonas de carácter rural.
2- promover valores como o traballo en equipo, a superación persoal e a vida saudable entre os mozos e mozas.
3- propoñer unha estratexia integral que inclúe deseño gráfico, contorna web, creación de recursos e formación para a súa implementación.

DEBULENDO LENDAS

As nenas e nenos do Cole de Seixo, dan man do Programa LEO LAB, tivemos a oportunidade de desfrutar no día de hoxe de TARABELOS que trouxo para nós o espectáculo...

DEBULENDO LENDAS

Recollendo a técnica centenaria do Kamishibai xaponés

TARABELOS ofreceunos un espectáculo de contacontos debuxado ao 100 %, onde a ilustración se puido ver, tocar, manipular, vestir...

Pero, que é iso de "debuler"? 

Cando un debuxa o que le, entón "debule", e nesta contada Esteban fixo que debuxemos xuntos e que descubramos o valor das lendas. 

Lendas que ensinan o valor da nosa cultura galega; o valor para loitar pola vida; o valor da axuda dada e recibida; o valor de coñecer antes de deixarse levar polas faladurías; o valor de unir forzas para vencer xuntos a dragóns invencibles; 

o valor e a coraxe daqueles soñadores que buscan máis alá, onde a maioría di que non hai nada.

Valor que podemos ler e debuxar; valor que podemos "debuler".

ATLETISMO EN PISTA 4º EP

 O venres 10 de abril o alumnado de 4º de EP do CEIP de Seixo, xunto ao seu mestre e a especialista de EF, desprazáronse ata a pista de Atletismo de San Pedro en Marín para disfrutar dunha xornada de Atletismo en pista xunto outros coles do Morrazo: San roque de Darbo, San Narciso, Inmaculada e Sequelo.

As disciplinas realizadas foron: 60 metros lisos, lanzamento de peso, salto de lonxitude, 500 metros lisos, Lanzamento de vórtex e remudas.