O LUNS SERÁ UN GRAN DÍA!

BENVIDOS AO CURSO 2015 - 2016

Chegou setembro e con el un novo curso e unha nova oportunidade para aprender e descubrir moitas cousas: leremos moitos libros, investigaremos xuntos, saborearemos cómidas típicas, veremos cousas bonitas no teatro, recibiremos visitas, faremos saídas, montaremos moitas festas, escoitaremos música... e un montón de cousas que faremos no cole este ano para disfrutar aprendendo... sobre todo en galego que é a nosa lingua preferida!

Este blog quere ser unha fiestra para que poidades compartir as nosas aventuras, coa gran axuda da nosa mascota Arnaldo, que xa está por ahí argallando algo... 

Será un ano cheo de cambios na nosa biblioteca, cambios para mellorar e que ninguén se resista a entrar!

Esforzarémonos por facelo ben, contamos coa vosa axuda!!!

DO MAR Á MESA

Os nenos e nenas de 6º, dentro do proxecto do mar que traballamos en cunxunto no cole, fixeron un proxecto de aula moi interesante: DO MAR Á MESA. 

Se premedes na imaxe do seu mural, poderedes descargar unha presentación que, con axuda do seu titor Goyo, eles mesmos montaron para resumir a súa completa investigación. 

NORABOA A TODOS!

BARXILÓN NO MAR DO LATÓN

A última semana de xuño recibimos un regalo moi especial. Dende o IES As Barxas mandáronnos un precioso libro.

Barxilon é un conto dun peixe, por iso loce tanto na nosa exposición do PDI do mar.

O proxecto "Barxas emprende: creación dunha editorial", fainos ver a importancia do traballo en equipo e da lectura, sobre todo coa presentación do libro "Barxilón non mar do Latón".

Premede na imaxe se queredes saber mais desta editorial "especializada na elaboración e difusión de libros ilustrados para nenos, realizados totalmente por alumnos. Libros entendidos como pequenas obras de arte, nos que primarán as ilustracións de gran calidade, o deseño e realización de actividades de animación á lectura, a música e as novas tecnoloxías."

Os estudantes do IES As Barxas contaron coa colaboración dos centros educativos IES Sánchez Cantón, de Pontevedra, IES Xulián Magariños, de Negreira, CEIP A Rúa, de Cangas e CEIP Espiñeira, de Aldán, neste fantástico proxecto presentado o 10 de este mes. Premede na imaxe para ir á web de Barxilón.

Os nosos alumnos non puideron ver o libro porque xa remataran as clases, pero Arnaldo, a nosa mascota, non quixo irse de vacacións sen facerse algunhas fotos con el.

  

Estamos desexando que chegue setembro e ensinarllo a todos os que visiten a biblioteca.

Parabén a todos os compañeiros por este fantástico conto e ánimo con este proxecto... estamos desexando ver máis libros!

IV FEIRA DE LIBROS USADOS

Este sábado será a feira de libros usados e poderemos cambiar os vales que obtivemos por traer libros usados ao cole.

Participamos no concurso de cartaces e temos que dicir que nos encanta o que foi seleccionado. 

ATA SEMPRE COMPAÑEIROS!

O alumnado de sexto despediuse de todos os compañeiros e compañeiras do cole, cunhas actuacións que, unha vez máis, demostran canto traballaron co seu profe Goyo.

Primeiro pasamos un ratiño divertido con dúas obras de teatro, e despois quedamos pasmado co ritmo e habilidade bailando dalgunhas compañeiras do curso que se despediu de todos nos. 

Aquí tedes un pequeno vídeo - resumo da súa actuación:

Despois chegou o momento de despedilos...

E cada un recibiu unha orla de recordo da man do equipo directivo e do seu titor:

Mirade que guapísimos saíron todos!

As despedidas sempre son tristes por iso compartimos con eles apertas e tamén algunha bágoa...

Pero con alegría e bo humor dando o súper salto a unha nova etapa... desexamos o mellor para cada un de vos!

Aínda que saiu un pouco borrosa... encántanos esta foto!

Esperamos pronto unha visita!

DESPEDIDA MARIÑEIRA DO CURSO 2014-2015

Non podíamos despedir este curso de outro xeito que cantando cancións mariñeiras. Gracias á profe Rosa por traballar tanto con nos e por ser tan paciente e marchosa!!

Os de infantil cantaron: GLU, GLU, GLU

Os de 1º ciclo: A VIDA DO MAR

2º ciclo cantou: O MAR DE SEIXO

Os de 5º A e B compartiron pezas mariñeiras cos instrumentos

Os de 6º tocaron coas flautas a música principal de PIRATAS DO CARIBE

Queredes escoitalos? Aquí tedes uns segundos de cada actuación...