Hoxe, martes 14 de abril , como todos e todas sabedes comeza a 3ª Avaliación. Todo o claustro de mestres/as do colexio desexa que vos atopedes ben de saúde e con moito ánimo para afrontar este novo trimestre.
Ao longo desta semana seguiremos traballando a través dos Boletíns de actividades publicados neste Blog e na páxina Web do centro.
Estamos á espera das instrucións da Consellería de Educación que marcarán as directrices de traballo neste último período de curso.
Nesta nova semana de confinamento, desde o Departamento de Orientación queremos aportar as seguintes actividades, enlaces e vídeos. Algúns para axudarvos coas tarefas propostas polos titores e titoras e outros para desfrutar e aprender en familia.
Desexamos que todo vaia ben e que o máis axiña posible volvamos á normalidade.
Para aprender e desfrutar en familia:
Podedes atopar consellos, recomendacións, recursos audiovisuais, lecturas, visitas virtuais, exercicios, actividades, ideas... para nenos/as e adultos. O documento elaborouno a Fundación Mª José Joven colaboración coa Asociación Participa co obxectivo de facilitar que a corentena sexa máis levadía para os nenos/as e as súas familias.
- OPCIÓNS EN CORENTENA 20202, documento descargable en PDF con variedade de actividades, películas, manoalidades, …..
Exercicios para a estimulación cognitiva e a atención.
- Na seguinte páxina atoparedes diferentes recursos relacionados coa estimulación cognitiva para nenos e nenas de Educación Infantil e Primaria.
- Nos seguintes enlaces poderedes traballar a vosa atención.
- Mais centrado en infantil, xogos cognitivos de 3 a 6 anos. Traballo de memoria, atención e resolución de problemas.
Dedicamos un tempo a lóxica-matemática
- Páxina web na que figura un listado de competencias matemáticas clasificadas en categorías desde infantil ata 6º curso. IXL fará un seguimento das puntuacións e as preguntas irán aumentando de dificultade.
E por último a importancia da lectura
- Nestas propostas, queremos que traballedes a comprensión lectora facendo inferencias. Un lector competente é capaz de realizar inferencias, é dicir, ler entre liñas, extraer unha información non explícita no texto. Traballalas desde idades temperás pode axudar aos nosos nenos e nenas a realizarse nun futuro de forma autónoma.
tamén relacionado coa lectura...
- Dinámicas de lectura comprensiva: https://www.youtube.com/watch?v=MRFboPotot4
- Exercicios para mellorar a velocidade lectora, a fluidez e a compresión. Son exercicios específicos para traballar a dislexia pero pódense empregar con todo o alumnado
- O seguinte recurso está mais pensado para as familias; como fomentar a lectura entre os nenos e nenas de primaria para aumentar o seu gusto pola lectura, trucos !!
Sen mais, un saúdo enorme de todo o equipo que forma o Departamento de Orientación.
Esperamos que todos e todas estedes moi ben, ese é o noso maior interese, e que poidamos saír o mellor posible desta situación.
Grazas por todo compais!!! a ver que nós contan dende a consellerìa de educaciòn para este 'futuro incherto' (como dirìa Toninno Carotone.. jejej)
ResponderEliminarMoita forsa e moito amor para todas!!! (emprego o xènero femenino xq refìrese as persoas.. homes e mulleres)
MMMMUUUAKA